Quan creban de hame en Africa Nera
La dròlla escopís dins la sieta plena
Que dirà benlèu cara-te la mair …

Legir tot

Quan creban de hame en Africa Nera
La dròlla escopís dins la sieta plena
Que dirà benlèu cara-te la mair !
Sadora de mèu, en-hastiada d’alh.

Balha-me rason de’m levar doman
Entà uardar lo monde se plenhar de dòu
Balha-me rason auèi d’acceptar
De deishar segar los qu’an pas semiat.

D’ara enlà au cap, ac ai meritat
Segur soi nescut a ont l’ai volgut
Atau mos parents ac an calculat
Tanben a l’armada que m’an pagerat.

Au servici, qu’i soi pas demorat
Sonque dus meses : me soi escapat
Entà cuelher lonh camins liberats
Trobèi un trabalh pagat… Engabiat !

Lo men psy m’embuca cada dia carn
Maishanta que passa per mon ganitèth
Las informacions, las televisions
Atau desbrembi maugrat d’existir.

Èram ua tropa de joens
En landrar dins lo carrelòt
Mos passejam, dançam, bramam
Cantam las cançons deus Berús
Se …

Legir tot

Èram ua tropa de joens
En landrar dins lo carrelòt
Mos passejam, dançam, bramam
Cantam las cançons deus Berús
Se maufisan los milicians
Tremolan las vielhas meninas
Los joens qu’ei l’insecuritat
Los caleré tots enclavats.

Mos botèm mascas sus la cara
Entà que poscóssem de plan
Combatre atau la societat
Espauventar les policièrs
I èra Helnòc, Laul e lo Stongà
Mastò, Gabò, Maxwell e jo
I èran tanben quauquas companhas
Les Arpalhands e sas nenetas.

Èram un brave vintenat
En tot marchar dins la ciutat
Sens armas tanpauc sens malícia
En tot dançar com enfadats
Un tipe cap au finestron
Pertot qu’ei l’insecuritat
« Encara joens aquera puta
Cresetz-me, los vau espotir ! »

L’òme sortiscoc son fusilh
E te tirèc suus Arpalhands
Dus que son caijuts suu pavat
Los autes que s’escampilhèran
Lèu son venguts los infirmièrs
La telé e los policièrs
« Qu’èi defendut ma libertat »
Ça ditz aqueth innocentàs.

« Èra defensa legitima
Èra la sola alternativa »
Los joens qu’ei l’insecuritat
E l’òme qu’estec aquitat
Que l’an trobat escoterat
Capvath l’escalèr de son barri
L’avem trobat escoterat
Diguns sap pas qui l’a tuat.

De pas víver coma los autes
Mos tiran ensus dins la vila
Sent mau de Diu ! tostemps nosauts !
Brave ciutadan qu’es fotut
Pr’aquò l’an trobat ponhardat
Sus l’escalèr de son quartièr
Que l’an trobat tot ponhardat
Mès sabón pas qui lo matèc.

La frescor d’un dia d’ivèrn
Hè quilhar los peus suu copet
Tanben tòrra l’aiga deu clòt.

Demòra la nèu suu …

Legir tot

La frescor d’un dia d’ivèrn
Hè quilhar los peus suu copet
Tanben tòrra l’aiga deu clòt.

Demòra la nèu suu teulat
En tot lo hèr un blanc linçòu
Lugubre mantèth silenciós.

D’ara enlà son mòrtas las flors
Praubas princessas de l’estiu
Dalhadas peu temps qui passa.

E quan veng l’arrèra-sason
Diu s’ahana lo vielh solelh
De devarar de cap en-là.

Capvath los crums lusís la lua
Los aparats son amagats
Entremiei brancas e huelhas.

Com un lambret sortit d’en-lòc
Ua cavèca, ausèth de nuèit
Te trauca aqueste romegàs.

Tres còps d’ala, se’n va cuélher
Lo son repaish, mirgas e rats
Tanlèu gahats, còp-sec minjats.

Aquiu que se va repausar
Au nís dins un perèr curat
Dincà que te torne lo ser.

La calor d’un solelh d’ivèrn
Me rescauha lo còr nafrat
Peus escurs e tristes brembèrs.

Dia d’ivèrn…
Dia d’ivèrn…

Un vent de paur boha sus l’Espanha.
Los dias qu’an color de la nuèit.
Acerà per delà la montanha,
La …

Legir tot

Un vent de paur boha sus l’Espanha.
Los dias qu’an color de la nuèit.
Acerà per delà la montanha,
La mort qu’ei a l’arguèit.

Ausís los crits qui pujan de l’ombra,
Ne pòdes pas non pas escotar…
Plagan de dòu la cara deu monde,
Ne’t pòdes pas carar.

Que calerà que la toristalha
Coneishi plan lo prètz deu saunei :
Dab son argent l’ordi que fusilha…
Tròp roi qu’ei lo sorelh.

Un dia que m’a dit lo vielh òmi :
« Se de l’ausèth vòs seguir lo cant,
Cau pagar la libertat deu pòple
Dab lagrèmas de sang ».

Se tà penjar ua dictatura
Cèrcas un arbo de libertat,
Que’n sabi un quilhat dens l’istòria :
Lo casso de Guernicà

Se cau que passis per la montanha
Entà’t desliurar d’un maishant mau,
Que sauràs on se tròba l’Espanha :
Au ras deu Portugau.

No a la muerte !

Cada dia
Te mespresi
Le vesin
Renegat
Qu’a tostemps
Sostengut
Le dialecte
Vencedor.

Pòdi pas
M’empachar
De crotzar
L’invador
De …

Legir tot

Cada dia
Te mespresi
Le vesin
Renegat
Qu’a tostemps
Sostengut
Le dialecte
Vencedor.

Pòdi pas
M’empachar
De crotzar
L’invador
De capvath
Enta’u díser
Qu’aimi pas
Sa patria.

Jo n’ai pro
Deus pedants,
De la morga
Parisenca
Tipes que
Saben pas
Parlar qu’ua
Sola lenga.

Pas besonh
De leçon
Pas le temps
De t’ausir
Las istòrias
Mensongèras
Las peguessas
D’aqueth monde.

Pas un dia
Shens combàter
Dincà que
Se desvelhe
Dins le cap
Deus anhèths
L’esperit
Lobatèr.

Qu’ai espèr :
Le flaquèr
S’espandís
Naisherà
Deu carnús
Franchimand
La nacion
Occitana !

La susmauta
Ençò nòste
Bruslerà
Shens pietat
Las icònas
Obsolètas
D’un regime
Esmanglat.

Alavetz
Te veiram
Tremolar
Las parets
De las vilas
Segotidas
Per un vent
De colèra !