Dilililili-li-dan-din-don onte va Mariana?
Dilililili-li-dan-din-don ‘mé son saqueton!

-si passejar per campanha
-tomban lei fuelhas reire sason-
per lei dralhòus …

Legir tot

Dilililili-li-dan-din-don onte va Mariana?
Dilililili-li-dan-din-don ‘mé son saqueton!

-si passejar per campanha
-tomban lei fuelhas reire sason-
per lei dralhòus de Linhana
A lèu Marion , pechaire , a lèu Marion!

-Lo chin blanc que l’accompanha
-tomban lei fuelhas reire sason-
de nosteis amors sestianas
es lo companhon péchaire , es lo companhon!

-Saup que ‘Pidon de còps s’encanha
-tomban lei fuelhas reire sason-
e faire un torn per campanha
es un para-abandon, pechaire, un para-abandon!

Dilililili-li-dan-din-don de que fa Mariana ?
Dilililili-li-dan-din-don bessai n’a son pron!

-Avem jugat a cu-perd-ganha
-tomban lei fuelhas reire sason-
e l’automna ‘mbe de lanha
nos fa guierdon, pechaire , nos fa guierdon!

-Non se’n tòrna que si planhe
que -tomban lei fuelhas reire sason-
‘m’aquò d’un chin sauta-baranha
qu’a perdut Marion , pechaire qu’a perdut Marion!

Dilililili-li-dan-din-don l’automna sus Linhana
dilililili-li-dan- din-don ame Marion!