Repic :
Avisa-t’i Maria,
L’autan que s’ei lhevat,
Ton chapeuque’u se’n mia,
Au pe deu costalat.

Que’u hè sautar pradèras, …

Legir tot

Repic :
Avisa-t’i Maria,
L’autan que s’ei lhevat,
Ton chapeuque’u se’n mia,
Au pe deu costalat.

Que’u hè sautar pradèras,
Arrius o milhocars,
E per las carratèras
Que’u hè virabocà’s.

E tu de córrer miga,
Au darrèr deu chapèu,
Mes arren n’amatiga
Lo vent holet deu cèu.

Se preni la corruda
Bathlèu me robaràs,
Demorant ta vienguda
Ton chapèu dens las mans.

Que’u te tornarèi, miga,
Shens ne demandar sòs,
Se un pòt te desliga
Deu prètz de mon esflòrç.

Avisa-t’i, Maria
L’autan s’ei ataisat,
Mes au men cor, maria,
Qu’ei l’amor qui a bohat.
Avisa-t’i, maria,
Qu’ei l’amor qui a bohat
Au noste cor, maria,
Que s’ei assobacat.

Be’n avem hèit camin amassa !
Tan de soviers dens noste biaça
Qui las annadas an premut…
N’averí pas jamei …

Legir tot

Be’n avem hèit camin amassa !
Tan de soviers dens noste biaça
Qui las annadas an premut…
N’averí pas jamei cregut
Que l’arrelòtge deu salon
Qui bronéish com un bossalon
Avosse trucat tan de dias
De sas dolentas melodias

Repic :
De l’abor, qu’ei uei l’esclarida
Au cuenh de l’ueil s’as ua rida
Qu’ei juste ta’t trufar de jo
Qui ne sei pas parlar d’amor.

Despush aqueth ser de joenessa
On gausèm escambiar promessa
De un aviéner shens turment,
Qu’a plan ventolejat lo vent !
Quauque còp, qu’a semiat tempèsta
Lo lendoman, dia de hèsta.
E qu’avem passat l’un dab l’aute
Moments de patz et de susmaute

Qu’ei drin paur que’t hàsquian sorríser
Aqueths mots qui ne sèi pas díser
Pr’amor, de la mia cançon.
Qu’ei lhèu passada la sason.
Mes e passa jamei ? Qui’s sap ?
Uei que’na èi l’arolèr peu cap
Com un petit èr de joenessa
Dab las colors de la tendressa

De noste abor, qu’ei uei l’esclarida
Au cuenh de l’ueil s’as ua rida
Qu’ei juste ta’t trufar de jo
Qui ne sei pas parlar d’amor.

Repic :
La gròssa caisha, com ua fèssa
Que’s pren cohats mei que careças
E l’elicon, qu’ei autan rond
Com …

Legir tot

Repic :
La gròssa caisha, com ua fèssa
Que’s pren cohats mei que careças
E l’elicon, qu’ei autan rond
Com l’estomac d’un Sumò deu Japon
E la trompeta, aso que peta
Hè esclatar un vent de hèsta.

Tots aqueths instruments,
Quan començan a jogar
Que hen desbrombar
Los vostes tormens
Que van hicar lo calhabari
Que sera la gran hesta dinc au matin
Que colaran decibels e decilitres
Los mei serios haran los pitres
Si ne voletz pas cantar, que poderatz cridar
Si ne sabetz pas dançar, que calera sautar

La caisha clèra, com ua sorcièra
Dab sa bagueta hè misèra
E lo tubà, en tituban
Hè la nobà au lòc d’ua rombà
Lo saxò altò, n’ei pas sa fauta
Qu’ei tot crochit com ua vielhòta.

Lo tamborin, qu’ei tan "bourric"
Ne jòga que quan ei la fin
Quan s’espaumòna, lo gran trombòno
Ne’s lheva pas un èr mes un ciclòno
La clarineta, tota praubeta
Cèrca son Do despuish l’aubeta.

La gròssa caisha, com ua fèssa
Que’s pren cohats mei que careças
E l’elicon, qu’ei autan rond
Com l’estomac d’un Sumò deu Japon
E la trompeta, aso que peta
Hè esclatar un vent de hèsta.

Tots aqueths instruments,
Quan començan a jogar
Que hen desbrombar
Los vostes tormens
Que van hicar lo calhabari
Que sera la gran hesta dinc au matin
Que colaran decibels e decilitres
Los mei serios haran los pitres
Si ne voletz pas cantar, que poderatz cridar
Si ne sabetz pas dançar, que calera sautar
E shiular e trucar dens las mans

Amic, amic, escota
Ne’t cau jamei desbrombar
Ca’i fidèla shens nat dobte
Deisha tostemps ton còr parlar

Qu’ei hèra long …

Legir tot

Amic, amic, escota
Ne’t cau jamei desbrombar
Ca’i fidèla shens nat dobte
Deisha tostemps ton còr parlar

Qu’ei hèra long lo ton camin
Ne’n èi jamei vist la fin
Camin d’amor, camin de luta
Camin d’espèr, camin de lutz

Tu que dises que cau aimar
Los òmis shens diferéncia
Tu que vòs bastir la patz
Dab amor e dab paciéncia

Tu que saps escotar le vent
Parlar a l’auset, la flor
Caminar tostemps devant
Cap au mau, a la dolor

Qu’es u òmi shens patria
Pastor solet sus la via
Que dises que n’i a qu’ua color
E qu’ei la color de l’amor.

A Bordèu que i a 9 damas
Pomas, arasims, higas e castanhas
Tan plan dansan au violon
Pomas, arasims, higas …

Legir tot

A Bordèu que i a 9 damas
Pomas, arasims, higas e castanhas
Tan plan dansan au violon
Pomas, arasims, higas e melons

Dimars gras qu’a 8 porcàs
Tots son bèths e tots son gras
Atau dança, autau dança,
Tots son bèths e tots son gras
Atau dança qui hè gras.

Devath deu pè qu’èi 7 junquets. (4 còps)
A, si los i èi, que’us i èi fresquets,
Qu’ei au bòsc la mauga,
A qui darèi, jo, la mea amor ?
A qui la’m demanda…

La novi a 6 brilhans au cap,
6 brilhans au cap, l’anet au dith.

A l’entorn de ma maison,
5 arrosès en botons.
Arrosè, flaurejen, Viva lo beth boton d’aròsa,
Arrosè, flaurejen, Viva lo beth boton d’arjen.

Nos qu’èram 4 aromigas,
Qui dansaban bras e bras.
Haut, haut sauta que sauta,
Haut, haut sauta que pòt.

Sus la punta de l’espada, pòrti 3.
Pòrti la mei bèra aròsa,
Pòrti jo, porti la mei bèra flor.

Au noste pomè, que’i abè 2 pomas.
Et si le vent la fait tomber,
La pommette, je l’aurai.

Au baricòt deu nòvi, i a 1 pichet de vin.
Truquem’i, bebem’i, au baricòt deu nòvi,
Truquem’i, bebem’i, au baricòt deu vin.

Jo qu’aimi tròp la vita
Tà fenir estacat
Que soi om l’aurongleta
Dens lo cèu estrelat.

Vole, vole,vole, s’envole
Vole, …

Legir tot

Jo qu’aimi tròp la vita
Tà fenir estacat
Que soi om l’aurongleta
Dens lo cèu estrelat.

Vole, vole,vole, s’envole
Vole, vole,cau pas aimar
Vole, vole,vole, s’envole
Vole, vole,cau pas plorar.

Jo que soi com lo vent
Quan se torna a bohar
Hasant virar lo cap
Das hemnas a maridar.

Vira, vira, lo cap que vira
Vira, vira, cau pas aimar
Vira, vira, lo cap que vira
Vira, vira, cau pas plorar.

Jo que soi com lo gat
Ne’m cau pas desvelhar
Mes quan t’èi vist gojata
Le men còr qu’a trucat

Truca, truca, lo cor que truca
Truca, truca, te vau aimar
Truca, truca, lo cor que truca
Truca, truca, que vau plorar.

E quan t’èi vist mainada
Qu’èi volut t’estacar
Mes qu’ès com l’aurongleta
Ne saps pas que volar.

Vole, vole,vole, s’envole
Vole, vole,cau pas aimar
Vole, vole,vole, s’envole
Vole, vole,cau pas plorar.

Sus sa figura
Color de meu
Com un arríder…
Sembla, solide,
Drin trufandèca
La vielha clèca
Sus sin nuatge
Tintat …

Legir tot

Sus sa figura
Color de meu
Com un arríder…
Sembla, solide,
Drin trufandèca
La vielha clèca
Sus sin nuatge
Tintat d’auratge.

Au solèr deu cèu
La lua
Qu’enlua
Tots los saunèis.

Be n’as donc vist
Virar molins,
Beròja iranja,
Croissant qui chandja
Fin tisteròt
Tot de pançòt
Dama candela
De las estelas !

Gran huec de palha
Qu’ès la companha
Deu praube monde
Qui teish sa ronda,
Qu’ès tot l’espèr
Deu presonèr,
Com ua lutz
Au hons deu putz.

E tu qu’espias,
Beròja amiga,
La bronitèra
De noste tèrra,
E au cèu blos
Deus amorós
Qu’ès de l’amor
Com la claror !

Berogina com ua flor
U còr tot pleat d’amor
Blanca, pura com la nèu
Tot petit, petit sorelh

Repic : …

Legir tot

Berogina com ua flor
U còr tot pleat d’amor
Blanca, pura com la nèu
Tot petit, petit sorelh

Repic :
Marion, Marioneta
Mainada, mainadeta
La vita qu’ei ua hesta
Que cau tostemps esperar

Dus uelhs blus dens l’escur
Aqueths uelhs que son de tu
Duas estelas, lutz d’espèr
Dus brilhantons dens lo ser

Marion que’t pòts escapar
Dab las hadas anar dançar
Nat mau ne’t pòt arribar
Dens lo ton monde tan clar

Mes lo monde vederàs
Broishas que rencontraràs
Alavetz que diseràs :
Las hadas n’existen pas !

Mes l’espèr que’t cau guardar
Aqueth monde ei a sauvar
Dab tons uelhs color d’amor
Dab ton còr plen de calor

Drom, drom, mainadeta
Marion, Marioneta
Drom beroja hadeta
Lo monde pots cambiar

Un aute dia èi acabat
Mes qu’a tostem lo còr sarrat
Lo só d’estiu que’t hè sofrir
Pensas ad era …

Legir tot

Un aute dia èi acabat
Mes qu’a tostem lo còr sarrat
Lo só d’estiu que’t hè sofrir
Pensas ad era cada dia
Que l’entens tostemps arríder
Los sons uelhs lusents de plaser
E lo son pas dens la carrèra
La montanha que se’n rapèra

Repic :
Mes quan la neu arribara
Ta pausar son manteu suu monde
Un aute dia vederas
Amic, qu’entraras dans la ronda

Qu’espias sovent la montanha
La toa fidèla complanha
Lo só moreish a l’orisont
E la nueit canta sa cançon
Sus las cimas esclaridas
Ton amna que s’èi envolada
Los soviéner que’t hè mau
La montanha suenha ton dòu

Si jamei te vòs escapar
E la toa pèna cridar
Vè caminar dens la carrèra
Amic, la montanha t’apèra
Quan l’ivèrn truca a la pòrta
Lo ton chagrin que’u s’en empòrta
E lo ton còr que s’èi ubèrt
La montanha qu’èi ton espèr.

Lo Pair sabè que la montanha
Blanqueja tà la Sent Martin
E que lo vent qui vien d’Espanha
Hè móler …

Legir tot

Lo Pair sabè que la montanha
Blanqueja tà la Sent Martin
E que lo vent qui vien d’Espanha
Hè móler beròi lo molin.

Lo pair coneishè de la tèrra
La cançon vaduda deu sòc,
Dens la grana mar milhoquèra
Dont la vela ei un pelòc.

Lo pair disè que l’aurongleta
N’en fenéish pas de har printemps
E que i a tostemps ua aubeta
Qui punteja en quauqu’estrem.
E que disè que sus la tèrra,
Per tant que sia escadut,
Jamei nat país non remplacère
Lo coenh de Biarn on èm vaduts.

Lo pair sabè que la misèra
N’ei pas tant de téner la man
Com de vielhir dens la hartèra
Shans arrés tà la ve sarrar.

O pair sabè lo mau qui còsta
A l’esquia d’aver plegat,
Mes qu’avè bastit son endòsta
A la calor de l’amistat.

E que disè que lo temps passa
Pr’amor non sap pas har qu’aquò,
Mes que cada rida s’esfaça
Se n’aven la joentut au còr.
E que disè que l’aurongleta
Ne’n feneish pas de har printemps
E que i a tostemps ua aubeta
Qui punteja en quauqu’estrem.

I a un vilatge
Au mielh deu Biarn
On lo paisatge
Qu’èi plan charmant
Los monuments
Ne n’i a pas …

Legir tot

I a un vilatge
Au mielh deu Biarn
On lo paisatge
Qu’èi plan charmant
Los monuments
Ne n’i a pas nat
Que pot har shens
Célébritat.

Repic :
Diu marce, qu’em de maserolas
Beroi pais hera plasent
Petites e grans i son com drolles
Uros e tostem arridens
Seram tostem de maserolas
Un endret com pertot s’en vet
Dab grans tojas e herbas holas
Mes qu’em a casa per ma fe

Au bòrd deu Lu
Que i èm tan plan
Qu’èi un bonur
De i demorar
E lo Barrat
Dens son mantèu
Sembla estruçar
Secrets deu cèu

Noste país
Que’ns da lo goç
D’estar hardits
De víver uros
E quan lo sèr
Que’ns retrovam
Qu’ei dab plasèr
Que-n’se cantam

Diu marce, qu’em de maserolas
Beroi pais hera plasent
Petites e grans i son com drolles
Uros e tostem arridens
Seram tostem de maserolas
Memo si oei que cau partir
Permor noste cor qu’a lo role
De’ns rapela qu’em vaduts aci

Qu’èra lo hilh deu bolangèr,
Vadut dens un blanc boridèr
Hèit de haria de hromentèr ;
Que n’avè gahat lo …

Legir tot

Qu’èra lo hilh deu bolangèr,
Vadut dens un blanc boridèr
Hèit de haria de hromentèr ;
Que n’avè gahat lo peguèr,
Le mei gran pepièr deu parcèr !

Qu’èra lo hilh deu carboèr,
Au beth miei d’un gran salopèr,
Pipaut com un lèd mocadèr
E negre com lo sinistrèr,
Lo mei gran cascant deu sendèr !

Qu’èra lo hilh de l’espicièr,
Tot petit dejà corratèr,
A tostemps cercar lo porèr
Tà har lo clec poteriquèr,
Lo gran colhoèr de l’endrèr !

Qu’èra lo hilh deu cantonièr,
Vadut dab un gran feniantèr
E de mei, beròi hartanèr,
Lhèu lo mei gran cabaretèr
Deu noste monde sancèr !

Qu’èra lo hilh de mossur curè,
Nin vadut dens lo benitièr,
Gran amator de pregadèr
Dab Las hemnas deu vesiadèr,
Amen, amen, dies irae !

Qu’èran los hilhs de mon quartièr :
Beròja tropa de pelièrs,
Aujamièra de garganèrs,
E poralha de goludèrs :
Qu’èran los hilhs de mon quartièr.

Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un …

Legir tot

Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un praube poret,
Sonque peish borit dab leituga
Dab ua biscòta eishuga,
E tà fenir, tà acabar,
Hromatge magre shens tròç de pan !

Uei, tà ‘star lo de qui cau
Cau estar magre com un clau ;
Lo bonur que s’escon adara
Hens ua taça de tisana !

N’aver que la pèth sus los òs
Que’m demanda drin tròp d’esfòrç !
Ne sèi pas arren de mei bon
Com ueu paderat dab jambon ;
E parlem drin de la garbura,
Deu borrit, d’un beth tròç de hura,
De las mongetas e de l’anhet,
Shens desbrombar lo regalet !

Cueisha de guit dab sengles fritas,
Trip e tripon dab quauques micas,
Bròja taben e gresilhons.
Drin de vin tà cauhar los jolhs !
Ua padèra de castanhas
Un hromatge de las montanhas,
Pan deu fresc, còca, cocon !
Ne sèi pas arren de mei bon !

Ni fin, ni magre com un clau
Non serèi pas lo de qui cau ;
Mes bèth e fièr com un aucat,
Que voi fenir arregolat !

Si solament sabí escríver
T’escriverí beròjas rimas
Rimas d’amor, color de lua
Rimas d’amor, sonque tà tu

Si solament sabí …

Legir tot

Si solament sabí escríver
T’escriverí beròjas rimas
Rimas d’amor, color de lua
Rimas d’amor, sonque tà tu

Si solament sabí pintrar
Que’t pintrarí lo monde en blu
Blu com la patz, com lo bonur
Un navèth monde, sonque tà tu

Si solament sabí cantar
Te cantarí ua cançon
Cançon de patz, cançon d’espèr
Cançon d’espèr, sonque tà tu

Si solament sabí contar
Te contarí ua longa istuèra
Istuèra d’un monde tan plan
Un beròi monde, sonque tà tu

Si solament sabí parlar
Que parlerí a tots los òmis
Que’us parlerí d’amor, de patz
D’un navèth monde, sonque tà tu

Si solament sabí jogar
Que jogerí ua musica
Musica doça com lo meu
Musica doça, sonque tà tu

Tu, petit prince de la estelas
Un dia, quan arribaràs
Que’t volerí balhar un monde
Un beròi monde, sonque tà tu.