Bolega
La musica d'aquí te desrevelha
Bolega toi
Quitament se sabes pas dançar
Bolega
I a pas deguns que te …

Legir tot

Bolega
La musica d'aquí te desrevelha
Bolega toi
Quitament se sabes pas dançar
Bolega
I a pas deguns que te susvelha
Bolega toi
Quitament se sabes pas dançar (bis)

Pren me la man pichona
Ven per dançar
Ven ambe ieu la vièlha
Te remembraràs lo plaser qu'es de bolegar
Vira la valsoneta
Rondèu o polcà
Tangò e mai museta
Te remembraràs lo plaser qu'es de bolegar

Carcinòl de Tolosa
Provençal o Roergàs
Italian de las islas
Te remembraràs lo plaser qu'es de bolegar
Biarnés de naissença
D'Espanha emigrat
Sicilian de Holanda
Te remembraràs lo plaser qu'es de bolegar

Mon país es fach
De monde d'aicí, de monde d'ailà
Lo balèti es fach
Per se poder totes encontrar

Black, blanc o burre
Omo e DOn Juan

D'esquèrra o de dreita
Te remembraràs lo plaser qu'es de bolegar
Festejam la musica
D'un meteis vam
I a pas que la Marina
E totes sos companhs que volèm pas per bolegar.

Dejol pont de Lion
Margarida se banha

E se banha pas laderi
Ne lava la bugada

Passan tres cavalièrs laderi …

Legir tot

Dejol pont de Lion
Margarida se banha

E se banha pas laderi
Ne lava la bugada

Passan tres cavalièrs laderi
Tres cavalièrs d'armada

Çò fet lo de davant laderi
Quela bèla lavaira !

Quand plèu per la carrièra
Dintratz dins un ostal
Dejós una gotièra
Seriatz pas a l'acial

Diga diga figa figa …

Legir tot

Quand plèu per la carrièra
Dintratz dins un ostal
Dejós una gotièra
Seriatz pas a l'acial

Diga diga figa figa
La flasca
Rapatipatà que me diràs
Flaflà

La vertat tota nuda
Que sòrt del fons del potz
Se la cresiatz perduda
Monsur destrompatz-vos

Val lo vin de la vinha
Mai que l'aiga del potz
Es una causa indigna
De los mesclar tots dos

Lo curèr en cadièra
Nos prècha la vertat
Las gents de la ribièra
Menan l'aiga a lor prat

Ieu soi perdut sense tu
Me daisses pas mon amor
Caminar sense tu al meu costat
Soi coma una flor …

Legir tot

Ieu soi perdut sense tu
Me daisses pas mon amor
Caminar sense tu al meu costat
Soi coma una flor passida que s'aprèsta a morir

Ieu soi perdut sense tu
Me daisses pas per totjorn
Caminar sense tu al meu costat
Soi coma un dançaire sens sos pès
Un bar sens alcoolics, un mòrt

Continuam la vida amassa
Quitament s'es pas aisit aurem pas d'escasença per seguir
La vida l'un sens l'autre poirà pas servir

Sosca-s-i ma polideta
Çò que sèm a viure es mai qu'una amoreta
Damora-s-ambe ieu, perque siagues urosa pòdes pas partir

Veires de flòc
Rires e jòc
Man dins ta man
Una candèla m'ajuda pas
Per amagar
Ta sensualitat
Òm fa …

Legir tot

Veires de flòc
Rires e jòc
Man dins ta man
Una candèla m'ajuda pas
Per amagar
Ta sensualitat
Òm fa coma òm pòt
Per renegar
L'amor al costat
E la candèla me basta pas
Per amagar
Çò que volèm far

La nuèit avança
E las ombras dançan
Tot a l'entorn de ieu
E ton aigat dins lo meu
Me fa oblidar
Las oras que passan
E la candèla
Se morís paurèla
Al moment lo mai volgut
E tos pòts dins la nuèit
Crosan los meus
Chuuuuuut

Le bal, qu'es aquò ? Le bal es un encontre : i encontras un còs, lo tieu, e le de …

Legir tot

Le bal, qu'es aquò ? Le bal es un encontre : i encontras un còs, lo tieu, e le de l'autre, de còsses joves, madurs, vièlhs, o sens atge, que s'aligan e s'animan coma jamès ni enlòc mès... Le bal es la parentèsi d'un còs a còs codificat ont aprenes de l'autre e li ensenhas, ont una musica se fa carn, ont un ritme se fa buf, ont un plaser fa societat. De la vila o del camp, ric o paure, oficial o clandestin, al defòra o al dedins, le bal es totjorn la cèrca collectiva d'un destin, l'invencion d'una intriga que se nòsa a mès d'un, aicí e ara. Mes pas cap de taula rasa : l'eiretatge i noirís l'aventura, le dasièr s'i acobla ambe l'auèi per nos fèr un deman. Tot i fa ventre, o puslèu : tot i fa camba, e una votz, e duas mans, un res sufís per balhar vam e compàs. De pèls que se lifan, de susors e sentors que se mesclan, d'ancas e de dits que s'agafan e se sarran, de caras que se gaitan e s'esclairan, de còsses que s'apròchan, s'alunhan, e marcan per l'aire le polsar d'un "nosautres" primitiu e subversiu : le bal es un "òc", una òbra comuna, un estacament, un eveniment, un Intercòs puslèu qu'un Internet, una umanitat reala puslèu que virtuala. Le bal es un rambalh, le triomfe de la vida sus la mòrt...

Èra plan fier e valent
A córrer de puèch en comba
E mancava pas d'alen
Per carrejar lo siu monde. …

Legir tot

Èra plan fier e valent
A córrer de puèch en comba
E mancava pas d'alen
Per carrejar lo siu monde.
Èra vielhòt, plan sovent
L'esperàvem de longa
Mas la pluèja ni mai lo vent
L'aurián tirat de sa ronda

Lo pichon trin de la montanha
S'escapava doçament.
Segur qu'èra plan longanha
Lo pichon trin d'una autre temps.

Per far tirar tres vagons
Caliá l'ausir estiflar.
Escupir coma un dragon
A revalar coma un fat.
E quand lo viatge èra long
S'arrestava per bufar,
Afalenat dessús lo pont,
De còps lo caliá butar.

Lo pichon trin...

Nos portava las novèlas
Qu'èran pas frescas totjorn,
Lo jornal de la vèlha,
Los racontes de l'entorn,
Un paquet amb una ficèla
Estropat ambe doçor
E un poton de la bèla,
De rires, una cançon.

Lo pichon trin...

Èra plan fier e valent
A córrer de puèch en comba
Mas un sèr de maissant temps
Acabèt pas sa ronda.
Coma un amic, un parent,
Lo plorèron lo monde ;
Jos la plèja e jos lo vent
L'avèm esperat de longa.

Lo pichon trin...

Matin s'ei lhevat
Lo rei d'Angletèrra ailàs

S'en pren son chivau
Lo brida e lo serra ailàs

Suu camin tròba …

Legir tot

Matin s'ei lhevat
Lo rei d'Angletèrra ailàs

S'en pren son chivau
Lo brida e lo serra ailàs

Suu camin tròba
Tretze damaisèlas ailàs

Totas las baisa
Sinon la pus bèla ailàs

Perqué m'refusatz ?
Lo rei d'Anglatèrra ailàs

Vòstra sòr m'a dit
Qu'èretz marideja ailàs

Ben n'a plan mentit
La faussa vilena ailàs

Entre era e jo
N'auram la grand guèrra ailàs

Diseràn las gents
B'aciu la grand guèrra ailàs

Matin s'ei lhevat...

Nau goiatas a Castèthnau
Eras que'n volerén dançar
Mès los goiats que'n cèrcan l'ombra
Eras que'n volerén dançar
Mès los …

Legir tot

Nau goiatas a Castèthnau
Eras que'n volerén dançar
Mès los goiats que'n cèrcan l'ombra
Eras que'n volerén dançar
Mès los goiats n'ac vòlon pas

Para lo lop pichona
Para lo lop
Para lo lop que t'empòrta
Para lo lop que t'empòrta l'anhelon

Aquò's pas …

Legir tot

Para lo lop pichona
Para lo lop
Para lo lop que t'empòrta
Para lo lop que t'empòrta l'anhelon

Aquò's pas lo lop pichona
Aquò's pas lo lop
Aquò's lo garçon que virona que virona
Aquò's lo garçon que virona altorn de vos

Se vòls venir ambe ieu
Mesfisa-te buta-te sus las ondas
Sai pas dansar lo rondèu
Ni tanpauc lo forò de …

Legir tot

Se vòls venir ambe ieu
Mesfisa-te buta-te sus las ondas
Sai pas dansar lo rondèu
Ni tanpauc lo forò de las bombas
Te traparai pas lo solelh
Ni la luna, tanpauc las estèlas
Te pagarai pas un capèl
En Espanha aurem pas de castèl

Ara n'ai plan pro coquina de femna
La que vendrà ara lo saurà plan
N'ai un sadol de me trobar en ruina
Polida pèfia m'auràs pas

Amor totjorn o jamai
Un jorn vòl plan l'endeman es bequilha
Quitament al mes de mai
La sason ont las amors se revelhan
Un còp d'un ser aquò rai...

Tres son seroletas,
Hilhas d'un baron.
Lavan la bugada
Au cant de l'Ador.
Quan la n'an lavada,
L'atenen au só …

Legir tot

Tres son seroletas,
Hilhas d'un baron.
Lavan la bugada
Au cant de l'Ador.
Quan la n'an lavada,
L'atenen au só
Adiu, l'amoreta,
Adiu, la mia amor !

Be dit la permèra :
"B'aciu gran clar !"
Be dit la segonda :
"La lua o lo só !"
Be dit la darrèra
Que non n'èra, non ;
Que n'èran las armas
De son aimador.

Que n'èran las armas
De son aimador.
Clarejavan en França
Batèn Aragon.
Que hasèn batalha contra l'Espanhó.
Adiu, l'amoreta,
Adiu, la mia amor !

Cosin Janeton
Prèsta-me ta carreta
Tos quatre buòus
Per anar quèrre un uòu

Quand li foguèt
I aguèt una carretada …

Legir tot

Cosin Janeton
Prèsta-me ta carreta
Tos quatre buòus
Per anar quèrre un uòu

Quand li foguèt
I aguèt una carretada
Quand li tornèt
I aguèt un culheron

Cosin Janeton
Cossí fa la tiá femna
Ieu te dirai
Coma la miá me fai

Me fai cocut
Quatre còps per setmana
E lo dimenge
Enquèra mai sovent.

Vaquí lo polit mes de mai
Que tot galant planta son mai
Ne plantarai un a ma mia
Serà mai …

Legir tot

Vaquí lo polit mes de mai
Que tot galant planta son mai
Ne plantarai un a ma mia
Serà mai aut que sa teulissa

Cu li metrai per lo gardar
Un soldat de cada costat
Cu li metrai per sentinèla
Serà lo galant de la bèla

Aquò me fa jaire per tu
Si ta mia l'aviá volgut
Ta mia n'aima quauquis autres
Se trufarà ben de nosautres

Ieu sabi ben çò que farai
Me'n anarai, m'embarcarai
M'embarcarai drech a Marsilha
Pensarai pus d'aquesta filha

Quand de Marsilha revendrai
Davant sa pòrta passarai
Demandarai a sa vesina
Coma si pòrta Catarina

Catarina se pòrta ben
Se's maridada ia ben longtemps
Amb un monsur de la campanha
Que li fai ben faire la dama

N'en pòrta lo capèl bordat
Ambe l'espasa a son costat
La noirirà mai sens ren faire
Que non pas tu marrit cantaire