A mon ostal de la colina
Se venes per te noirir
Dintra sens paur dins la cosina
Traparas tabes de …

Legir tot

A mon ostal de la colina
Se venes per te noirir
Dintra sens paur dins la cosina
Traparas tabes de vin.

Per la fenèstra dubèrta,
Aura un pauc de la mar,
Un pauc de las pirenèas,
De vinhas e d’autres cants.

A mon ostal de la colina
Se venes per trabalhar
Dintra sens paur dins la cosina
Qualqu’un vendrà per t’explicar

Per la fenèstra dubèrta,
Veiras la tèrra se secar,
Veiras se vuidar las minas
E las fabricas se clavar.

A mon ostal de la colina
Pensatz de vos arrestar pas
Farlabicaires de ruinas
Començatz de nos coflar :

Coneissi pas un loc mai triste
Qu’un mas ont se trabalha pas ,
Qu’un ort crebat en piscina
Residéncia-folklorisat !

A mon ostal de la colina
Pensatz de faire un contorn
Predicaires de totas menas,
Diplomats ès revolucion :

Coneissi pas un con mai triste
Qu’un inocent ensistemat...
Nosautres causirem sens pastre
Per qu’una dralha caminar.

Se i a de cops de carabina
Son per las plumas dels corbas
Dintra sens pair dins la cocina
Tu qu’as enveja de cercar :

Per la fenèstra dubèrta
Auras un pauc de la mar,
Un pauc de las pirenèas,
De vinhas e d’autres cants

E cric e crac
Mon conte es acabat !
Anam tornar partir
Sus la rota. Escota
Nòstre camin.

Deman ambe …

Legir tot

E cric e crac
Mon conte es acabat !
Anam tornar partir
Sus la rota. Escota
Nòstre camin.

Deman ambe nosaus
Serètz davant l'ostal
Del monde a venir
E i aurà una porta
E la caldrà dubrir !

Sabi ont es la clau :
Al fons de nòstres caps !
Vos saluda Marti.
Cadun farà sa rota
A cadun son camin.

Aliça me ven quèrre
E me pren per la man
Montats sus ma guitarra
Nos anam envolar
Ont lo temps …

Legir tot

Aliça me ven quèrre
E me pren per la man
Montats sus ma guitarra
Nos anam envolar
Ont lo temps e l'espaci
Son fòrça barrejats
E virarem las pajas
D'un païs embreishat !

Seitat davant sa pòrta
Un Basque dormissiá
Un amiral d'Espanha
Passava en autò.
Estornudèt lo Basque :
S'envolèt l'Amiral !
Cridem viva l'armada,
Mada del Portugal !

Jol garric de Justícia
Pas traça de Sant Loïs
Mas penjat a la branca
Pinochet lo bandit.
La patz e la Justícia
Passaràn pel Larzac :
Es un camp de vacanças
Lo vièlh camp militar.

La Republica Francèsa
Qu'aima plan los occitans
Ven de mandar sa polícia
Per ajudar los paisans...

Anatz a la Cavalariá …

Legir tot

La Republica Francèsa
Qu'aima plan los occitans
Ven de mandar sa polícia
Per ajudar los paisans...

Anatz a la Cavalariá
De fedas ne'n mancavan pas !
Ara de vacas blau vestidas
Vòlon lor faire elevar !

Se vòs sortir a la carriéira
Per veire lo tens que farà
Debrembes pas ton engranièra
I auràs un corbàs a tustar !

Ai corregut Occitania
E vos cal pas desesperar :
D'aqueles animals a banas
S'en trapa pertot a manats !

Sonatz als òmes de la plana
O als pastres de Canjuèrs !
Totes vendràn vos ajudar
A respatriar lo tropèl !

Dins la chiminèia, la flamba daurada
Rescaufa los vièlhs
E la nuèit veguda, an montat las gradas
Venguda la nuèit. …

Legir tot

Dins la chiminèia, la flamba daurada
Rescaufa los vièlhs
E la nuèit veguda, an montat las gradas
Venguda la nuèit.
Se fa pas tròp freg, se fa pas tròp sol
Segur somiaràn
Se fa pas tròp freg, se fa pas tròp sol
Somiaràn benlèu…

Aniràn vèire los batèus
E davant la mar, lo còr desliurat
Aniràn vèire los batèus
Levaràn los uèlhs, levaràn las velas,
Crebaràn lo temps.

Mamà es partida, trabalhar en vila
Veni ambe ièu,
Te dirai l’istòria d’un país de glòria
Un jorn de solelh.
Se fa pas tròp freg, se fa pas tròp sol
Segur somiarem
Se fa pas tròp freg, se fa pas tròp sol
Veni ambe ièu…

Anirem vèire los batèus
E davant la mar, lo còr desliurat
Anirem vèire los batèus
Levarem los uèlhs, levarem las velas,
Crebarem l’ivèrn !

E la filha blanca, e la filha bruna,
Las bèlas amors.
Aquela partida, o ben demorada
Mai d’una sason,
Son jamais estadas, la bruna la blanca
Mai qu’una illusion
Quand lo jorn se lèva
La bruna o la blanca
Perdon las colors.

Anirem vèire los batèus
E davant la mar, lo còr desliurat
Anirem vèire los batèus
Levarem los uèlhs, levarem las velas,
E farem l’espèr !

Tu qu'as decidat d'escriure,
de dire o de cantar
ton païs en occitan,
cubrís-te : vent freg de censura
totes …

Legir tot

Tu qu'as decidat d'escriure,
de dire o de cantar
ton païs en occitan,
cubrís-te : vent freg de censura
totes ensems van bufar
mandarins de la riva gaucha
e « petainistas » barrejats !
Avanças pel bon camin,
escota jaupar la clica
d'aqueles qu'an pas jamai
volgut dintrar dins la luta !
A l'abric de lors ideas
compradas amb lors libres
intellectuals mosits
balhaires de grands principis !
Mèstre d'escòla publica,
tu que n'as pron d'escanar
ton païs dins sos enfants,
ara te levas e dises :
cal ensenhar la vertat !
Crebar la messorga d'Estat !
Avanças pel bon camin,
escota jaupar la tropa
d'aqueles qu'an pas jamai
volgut dintrar dins la luta...
rosegaires de papièrs
afartats de circularis :
vos sentiretz plan leugièrs
dins lo punh fòrt de l'istòria !
Ma cançon es testimòni,
l'autre temps arribarà,
paures òmes del passat !
E tu, vinhairon de l'Auda,
tu, minaire de Caramaus,
Lip e Larzac, vosaus mos fraires,
inventatz l'òme de deman !

Vaqui que dètz ans son passats
Beguèm mos amics, mos fraires,
Vaqui que dètz ans son passats
Beguèm a la …

Legir tot

Vaqui que dètz ans son passats
Beguèm mos amics, mos fraires,
Vaqui que dètz ans son passats
Beguèm a la fraternitat !

A ta santat, per començar
Tu lo primièr, mon quasi fraire,
Vertat que siás polit notable
Mas sabi que planhes lo temps
De tos espèrs irrasonables !

E lo segond, a tu beurem
Sabiás consí cambiar lo monde.
L'esplicavas a tos parents,
Ara que siás marit prudent,
ta femna te mena al bren !

A ta santat tu lo tresen,
Siás passat del costat del margue,
Mas ieu coneissi la planeta
A cent milions de quilomèstres
Ont ères del partit del paure !

E lo darrièr, a ta santat
Al temps as menat dura guèrra
E te siás pas jamai plegat.
Per quicòm passas sus la tèrra
As pas res desbrembat !

Sabes quand l'estiu s'acaba
Qu'anam totis arribar.
Bona o marrida, l'annada,
Marrida o plan granada,
Lèu quauqu'un cantarà :

Luènh …

Legir tot

Sabes quand l'estiu s'acaba
Qu'anam totis arribar.
Bona o marrida, l'annada,
Marrida o plan granada,
Lèu quauqu'un cantarà :

Luènh lo temps de la gelada
E la granissa del cèl.
I aura pas mai de secada,
Ço qua caldrà d'aiga clara,
I aurà de vin novèl.

Lo temps buta las annadas
E los enfants venon grands :
Vièlhas vinhas arrancadas
Vèrdas paraulas secadas
E malhols novèls plantats.

Coma nosaus vendràs vièlha
Auràs pas mai de rasims
Acabarem jos l'araire.
Respirarem lo mèsme aire.
Aurem pas fach plan de bruch.

Luenh del temps de la gelada,
De la granissa del cèl,
I aurà pas mai de secada,
Ço que caldrà d'aiga clara :
Serem dins lo vin novèl.

Un blanc anhèl passeja
un jorn de grand solèlh,
quora la set l’agafa,
davala beure al rèc.

Sul cop lo …

Legir tot

Un blanc anhèl passeja
un jorn de grand solèlh,
quora la set l’agafa,
davala beure al rèc.

Sul cop lo lop arriba,
se’n vol talhar un tròç,
sul cop l ’anhèl i esclafa
lo nas amb un bigòs !

Ai barrejat lo somi
e la realita,
aquela cançon fola
serà per los enfants !

Francisco Mussolini
e Benito Franco
se lançan de granadas
ambe Adolf Nixon.

Domenge e sas banas
fan rire tot l’infèrn
ont Tiers tira los pelses
del papa Inocent .

E la formiga canta
e la cigala, uèi
que pobles, e mainatges
an pas paur de la nuèit !

De ta jòia, Chile,
De ta cançon, Chile,
De ton espèr, Chile :
Solament una brasa
Que pòdon pas negar …

Legir tot

De ta jòia, Chile,
De ta cançon, Chile,
De ton espèr, Chile :
Solament una brasa
Que pòdon pas negar !
A, conèissem vòstra istòria,
Vòstra victòria de dos ans,
E puèi la bala dins l'espatla :
L'onor de l'armada es atal !
E la sang de pòble que raja,
E Tiers tornat en Pinochet...
Chile, dins ton còr de coire
Pòrtas lo nom d'un president !
Vira dins lo cèl l'aucèl negre,
Mentre lo papa benesís
Chile, la mòrt per carrièras :
« American Democracy » !
Atal iràn los pòbles
De nuèit en nuèit totjorn,
En esprant lo jorn
Que la nuèit siague mòrta !
De ta jòia Chile,
De ta cançon, Chile,
De ton espèr, Chile :
Solament una brasa
Que pòdon pas negar !

Estiu sens grana, feda sens lana,
E carn sens sal sens Carnaval,
Molin sens ala, pòrta barrada,
Taula sens vin... …

Legir tot

Estiu sens grana, feda sens lana,
E carn sens sal sens Carnaval,
Molin sens ala, pòrta barrada,
Taula sens vin... torna venir !

M’avián dit que t’eres anat
Al pais d’ont se torna pas
Entre la mar de l’amargant
E las planas del pas res mai.

Estiu sens grana, feda sens lana...

M’avián dit que t’eres perdut
Dins las brumas del pas nascut,
Al ras de mòrtas esperanças
Del costat de la desmembrança.

Estiu sens grana, feda sens lana...

E segur qu’aviás cabuçat,
Cambas e braces barrejats,
Al cambal de las bocas mudas,
Pais clavat, terras vendudas !

Estiu sens grana, feda sens lana...

E segur qu’aviás cabuçat,
Cambas e braces barrejats,
Al cambal de las bocas mudas,
Pais clavat, terras vendudas !

Quand se veirà lo bombardièr
Escampar pluèjas de confettis
Quand se veirà lo canon
Faire riseta a l'objectiu...

Quand se …

Legir tot

Quand se veirà lo bombardièr
Escampar pluèjas de confettis
Quand se veirà lo canon
Faire riseta a l'objectiu...

Quand se veirà lo tank
Passejar filhas a la fèsta
La bala far de zigas-zagas
Coma lo serpentin...

Farai del Carnaval
La Festa Nacionala

Entre montanha Negra
La Corbièra e la mar
Som nascut i a plan mila ans

Vòli cantar coma canta lo …

Legir tot

Entre montanha Negra
La Corbièra e la mar
Som nascut i a plan mila ans

Vòli cantar coma canta lo vent
Vòli cantar dins la lenga del Cerç
Es un cant d’òmes liures
Un cant d’òmes valents
Es un cant d’òmes liures
Dins la lenga del Cerç

E la vièlha ciutat
A de remembres fòls
E la vielha ciutat
De quand sonava l’òc.
Quand podiá cantar
Coma canta lo vent
Quand podiá cantar
Dins la lenga del Cerç

Ciutat de Carcassona
Del comte Trencavel
Ciutat de Carcassona
Tornaràn tos aucels

Que cantaràn
Coma canta lo vent
Que cantaràn
Dins la lenga del Cerç
Serà un cant d’òmes liures
Un cant d’òmes valents
Serà un cant d’òmes liures
Dins la lenga del Cerç