Esto sera ai lo mau de tu
Sobre lo mieu passeron blu
Que vòla, luenh de la tieu maion vuèia …

Legir tot

Esto sera ai lo mau de tu
Sobre lo mieu passeron blu
Que vòla, luenh de la tieu maion vuèia

Quora la pòrta si duerbe
E que si rompe lo miratge
Dau pichin tren dei vielhs viatges, alora …

…Creses au monde que vira
E ti siás manco enavisada
Darrier lo fum dei cigaretas qu’èri revengut

« dal destino non si fugge »
E de còups dies : « coma es dur, tant dur
D’entraveire en l’escur dau jorn …

En lu uelhs dau baronaire
Que ti vòu ben e juega un ària sus
Lo marron dei tieu possas, doci …

As pas encar’ retrovat
Aqueu que t’avia tocat lo tieu còr
En l’après-dinnar d’avost …

Mas sobre li tieu labras d’aur
L’i èra ja pus pauc de paur que quora
T’ai cridat : « Òu, siáu aquí ! … »

Vòs que sigui coma una clau
Mas tu ti fas pas de bila quora
Denedi en lo tieu blanc país …

M’as parlat d’ivèrn marrit mas d’aquò
Mi siáu riüt qu’as pas capit dont
Comença l’enuei

T’ai denembrada un matin dintre
L’òste de la promiera e de la darniera
Chança es ensinda …

Mas ai pura dich au mèstre qu’ai
Laissat l’auròra per cas … sota lo tieu
Mandiu de seda negra …

Lo pastre Joan Pepin
Es mòrt esto matin
Tuat sus lo rocàs
A pilhat dins l’esquina
Un còup de carabina …

Legir tot

Lo pastre Joan Pepin
Es mòrt esto matin
Tuat sus lo rocàs
A pilhat dins l’esquina
Un còup de carabina
Tirat per un porcàs

Basta, basta mas cu son lu enemics ?

Lu ricàs de París
E lu ricàs d’aquí
Que son toi lu memes cans
An decidat de faire
Un pròpi bòn afaire
Sus l’esquina dei paisans

L’i van faire un’estacion
D’esquilhada per colhons
Lu motons es acabat !
Mas lu pastres d’aquí
Per sauvar lo sieu país
S’acampan en sindicat

Basta, basta cau cercar lu nòstres amics

An decidat de metre
D’amont sus lo campèstre
Toti li feas ensems
E Pepin que pica fòrt
Es anat veire lu tòrts
Per nom dei bravis gents

E pi dins lo matin
An audit aqueu bosin
La justícia demòra muda !
Lo pastre Joan Pepin
Es mòrt esto matin
Mas la causa es pas perduda

Basta, basta mas cu son lu enemics ?
Basta, basta cau cercar lu nòstres amics

Un còup un jove e bèu galant
Dapè d’un potz si promenava
Venia de culhir de flors
Per li portar …

Legir tot

Un còup un jove e bèu galant
Dapè d’un potz si promenava
Venia de culhir de flors
Per li portar au sieu amor

Tot a l’entorn d’aquesto potz
L’i èra una pèira levaïssa
Lo pen li venguèt a ‘sparar
Dintre lo potz s’anèt jetar

Quora siguèt en de davau
Cridava « Dieu ! Misericòrdia
Cambaradas, vau a la mòrt
M’atròvi d’aiga fins au còl »

Aquelu qu’èran d’ençamont
Sabion plus cen que si faire
Li jetèron lo sieu mantèu
« Cambarada chapa-ti lèu »

Quora si trovèt d’ençamont
Auguèt un frei que tremolava
« menatz-mi lèu au mieu ostau
aquí m’escauferai un pauc »

Lo jorn d’après lo bèu galant
Diguèt ensinda a la sieu bèla
« Tenètz minhona, aqueli flors
per vos mi siáu jetat ’n lo potz »

« En lo potz non sariatz tombat
L’i anessiatz embé la luna
la luna auria fà esclarcitat
en lo potz non sariatz tombat »

« aüra farai vot a Dieu
de non aimar autant li filhas
mi cau quitar de calinhar
que siáu subjèct a l’i tombar »

Sòna lo tint de la gara
Lo soleu va si corcar
Lo tren monterà totara
‘Stau aquí mas eu s’en …

Legir tot

Sòna lo tint de la gara
Lo soleu va si corcar
Lo tren monterà totara
‘Stau aquí mas eu s’en va

Siáu aquí a la barriera
Cada jorn a l’asperar
La ‘michelina’ darriera
Per ieu non s’arresterà

Coma lo vielh camin de ferre
Vau caminar plan planin
Se non m’en vau esto sera
Partirai deman matin…

En lo vagon una filha
Mi fa : « viva ! » de la man
Mas lo vent la si pilha
Ieu mi plori lo malan

Lo mieu còr es en compòsta
La pichona a soguinhat
Quora ven la babaròta
Degun mi ven consolar

Lu ralhs tòrts en l’erbeta
Mi fan signe de venir
De laissar la cabaneta
Lo mieu còr es ja partit

Vòli veire aqueli còlas
Tra li pinhas m’en puar
E portar la sieu jijòla
Facha ‘mé de mimòsa

Coma le Tren de Provença
D’aqueu monde ne’n siáu pas
Mas es ver la remembrança
A jamai ren bolegat

Un jorn ai autres parièr s'acaba
Ma lu lops baban totjorn
Un jorn ai autres parièr s'acaba
Ma lu lops …

Legir tot

Un jorn ai autres parièr s'acaba
Ma lu lops baban totjorn
Un jorn ai autres parièr s'acaba
Ma lu lops gardon li presons
Son sortits sensa ren dire
Per tracolar e semenar la paur
Son sortits sensa ren dire
Mascarats de vergonha d'espavent

Se son jetats dins lo còr de la vila
Sensa regarjar ou èra davant
An chaplat en cada caire
Set qu'aviam de sang e de carn
Son totjorn per carrièra per camps
Maufidavon perque segur deman
Vi caleran coma fòl sus l'esquina
Per vi laissar sensa sang en mitan

Venetz amics anem faire la cocha
Li estofar coma garri bastard
Per fin que pas un solet s'escape
D'aquí que vengue lo jorn deman
Un jorn coma minga autre si leva
Dai planas ai bòscs bofa lo vent
Embriac folandran de libertat
Lo jorn si leva si cau adjudar.

Siam calats a la chapa
Diluns
Per vendre garbin, nèblas e fum

Dont v’enanatz filheta
Dont v’enanatz que plòu

Alestir …

Legir tot

Siam calats a la chapa
Diluns
Per vendre garbin, nèblas e fum

Dont v’enanatz filheta
Dont v’enanatz que plòu

Alestir carnsalada
Dimarç
Venderem toi lu trules ‘m’au lard

Anerem a la caça
Dimècres
Cantar lo « te deum » d’una lèbre

Serem toi a la fiera
Dijòus
Paigran menerà vendre lo bòu

Farem cramar li feuses
Divendres
Per faire la bugada ‘m’ai cendres

Per vos pòrger la frucha
Dissabta
Si cromprerem la pus bèla jata

Quora ti senties solet
Coma l’esparvier sus la còla
Quora la fatiga amolonada
Ti pegava sus lo sòl
Si faía …

Legir tot

Quora ti senties solet
Coma l’esparvier sus la còla
Quora la fatiga amolonada
Ti pegava sus lo sòl
Si faía pas pregar per si corcar
La Margarida coma la sonavan

Alora, lei nèblas s’escapavan
Dins lei sieus uelhs, lo monde èra bèl
Alora, parties per lo pus bèl viatge
Sus de camins cuberts de jas

Li cuntaves la tieu misèria
Lei tieus jorns de solelh escondut
Li cuntaves tot cen que ginginava
Dins la tieu tèsta
E que degun a vòrgut audir

Margarida ti donava de coratge
Soleta sabia
Aquelei mòts
Que t’escaufan lo còr
La Margarida coma la sonavan
E que jamai oblideràs

Alora lei neblas s’escapavan
Dins lei sieus uelhs lo monde èra bèl
Alora parties per lo pus bèl viatge
Sus de camins cuberts de jas

Marmitons d'India o d'Africa
Dau ventre de fam tròup gonflat
Non plorar plus lo jorn si leva
Non plorar plus …

Legir tot

Marmitons d'India o d'Africa
Dau ventre de fam tròup gonflat
Non plorar plus lo jorn si leva
Non plorar plus va bolegar
Aquèu monde que t'estofa
Per mai graissar lu porcas
Aquèu monde que t'enterra
L'anem faire petar

Marmitons d'Occitania
Sensa païs e sensa nom
Non plorar plus lo jorn si leva
Non plorar plus cau caminar
Aquèu monde de silenci
Que mai racla la tièu pèu
Aquèu monde de misèria
L'anem faire petar

Monde de guinhas faussi e de silenci

Marmitons de per lo monde
D'un monde vielh e balord
Non ploras plus lo jorn si leva
Non plorar plus l'anem cambiar
Plus de vergonha d'estre òme
Lo riu ven gros dins lo valon
Marmitons de per lo monde
Marmitons enaussatz vos.

Es pas pus un matin
Coma aquelu matins
Que s’enganan dedins
Dedins la nòstra pega

Es pas mai un enfant …

Legir tot

Es pas pus un matin
Coma aquelu matins
Que s’enganan dedins
Dedins la nòstra pega

Es pas mai un enfant
Una filha, un can
Canta lo sieu malan
Dins la pluèia si nega

Nira, Nira, Malanconica Marta

Es un pauc un matin quora li siam pichins
Qu’a pas gaire de fin
Quora lo còr martela

Frema, luna, sorgent
Passa, passa lo temps
Dins la nuech Sant’ Estèla

Es un matin bensai
E tra lo « Window Pan »
Escorre la sieu rai
La fèbre es montada

Lo poèma acabat
Dei dets a tocat
Lu sieus pos totplen cauds
La sieu cara clinada

E dins lo calabrun
Coma d’un biais comun
An entressat lo fum
Dau darrier cigarèta

An begut sus lo còup
Lo gaudi e la paur
An begut sus lo còup
La sieu mòrt, la sieu fèsta

Coma una mùsica
Que corre sota li parpelas furba
Coma una mùsica
De nuèch recomençada
Que jamai non finisse
Coma …

Legir tot

Coma una mùsica
Que corre sota li parpelas furba
Coma una mùsica
De nuèch recomençada
Que jamai non finisse
Coma una mùsica cridant
L'eternitat dau crit
Coma una mùsica de paur
De can batut cercant la sieu terra

Passa la vida
En long en larg
O de travers

Sota dau pònt gibós
Si negan li estelas
Coma una mùsica sensa camba
Trampinant dins l'escalinada
Coma una mùsica de jorns
Pintats de guinhas
Sota dau pònt gibós
Acabant de crepar
La boca duberta

Coma una mùsica
Jogant cada jorn
Un pauc pus bas
Coma una mùsica
Que s'estoffa
Avant de crepar dins la còla.

O la mieu paura Nissa
As perdut la flor
A la tieu joinessa
Ieu pensarai totjorn
Canti pus li montanhas …

Legir tot

O la mieu paura Nissa
As perdut la flor
A la tieu joinessa
Ieu pensarai totjorn
Canti pus li montanhas
Cuberti d'estacions
Li tieu verdi campanhas
Son pleni de maïons

Jamai pus canterai
Son mòrt li tonelas
Li es plus de cançons
Per lo beton
E totjorn penserai
Au temps dont eres bella
Ailas ailas Nissa rebella

Si sente la benzina
En plaça dau lilas
Cenque Sònon Marina
Non fa que m'embilar
Nissa ti sies venduda
Coma una petan
Ti van pilhar li combas
Per un morcèu de pan

Perdònami Menica
De cambiar la cançon
Dont es la tièu amiga
La tièu bella nanon
Adièu la soufieta
An cubert palhon
E lo païs de Nissa
Es vengut palhasson.

Òme sies solet
Pòdes faire de guinhas tant que vòles
Ti virar d'aquí o d'aia
Òme sies solet
Solet a …

Legir tot

Òme sies solet
Pòdes faire de guinhas tant que vòles
Ti virar d'aquí o d'aia
Òme sies solet
Solet a t'esquissar la testa
Sus li arzilacs
Solet per escotar
La dolor
Que non vòu s'en anar
Batre lo tièu còr

Òme sies solet
Bessai li es encara un pauc d'ària
E de nebla
Per caminar me tu subre lo camin
Fòra li es totjorn quauqua ren
Òme pichin blanc o negre
E quora fa escur t'espaventa

Òme sies solet
E se pastrolhes sus de plaças vuèu
Eme d'aucèus perduts
Òme sies solet
Solet a emparar la dralha
Dei jorns espelhats
Solet per escotar
La dolor que non vòu s'en anar
Crepar lo tièu còr.

Dapertot lo vos dion
Dapertot es escrich
Aquí fa bòn si far secar sota soleu
Mas tu paisan, es sus …

Legir tot

Dapertot lo vos dion
Dapertot es escrich
Aquí fa bòn si far secar sota soleu
Mas tu paisan, es sus la tèrra
Que ganhes cada jorn lo tieu pan
Dau matin au sera vas e venes dins lo camp
En aquela comba que ti ve travalhar
As totjorn l’esquina plegada
As totjorn emparat a sudar

Mas lu paisans n’an una fora
Levan lo ponh per cridar
Mas lu paisans n’an una fora
Levan lo ponh per picar

Si son mes en tèsta de ti faire partir
Si son mes en tèsta de t’expropriar
Mas tu paisan es sus la tèrra
Que ganhes cada jorn lo tieu pan
Pareisse que la Z.A.D. aquí va s’arecampar
Segur que ‘mé la Z.A.D. ti vòlon colhonar
An decidat de ti faire partir
An decidat de ti levar lo pan

Monsurs lu financiers, Monsurs lu banquiers
Monsurs lu promotors, especulators
Se venètz per pilhar la tèrra
Se venètz per raubar lu camps
Fètz la mala, fètz la mala
D’aquí jamai partirem, fètz la mala
Fètz la mala ò siam nautres que vos caçerem
Garderem la nòstra tèrra
Garderem la comba de Var

Quora cala d'un còup la nuèch
Mi rimati davant lo fuec
Vene t'assetar dapé de ièu
Aquí s'escaufarem un pauc …

Legir tot

Quora cala d'un còup la nuèch
Mi rimati davant lo fuec
Vene t'assetar dapé de ièu
Aquí s'escaufarem un pauc
Se l'aiga monta dins lo riu
E per lu camps s'encalon li ribas
Vene t'assetar dapé de ièu
Lo fuec n'en canta la sièu cançon
Plòu sus lu teules plòu e sus li camina plòu
Plòu dins la mièu testa plòu sus li mièus sòmis plòu
Sièu revengut sota la pluéia
Com un estopon sàssi de frustar
Li mièu mana ti doneran la lutz
Que s'esconde contra lu barris
La set de l'olivier la paur de l'esquiròto
Per caminar descaus en lu prats verds
Tastar me lu artelhs lo jus dei ségles
Aquí s'escauferem un pauc
Escriurai me de brasa rotja
Sus la mièu pèu lo non de l'esper
Per ti cantar lo monde dont vau
Pilherai tres fais de belugas
Un molon de pantais gibós
Se lo fum testard ti fa plorar
Lu pitos beuran li tièu làgrimas
Vene t'assetar dapé de ieu.

Proscrich, mon fraire
Escota ton país
Escota la sieu votz
Bessai que deman
Vergonha serà beguda
Beguda e assurbida
Vergonha …

Legir tot

Proscrich, mon fraire
Escota ton país
Escota la sieu votz
Bessai que deman
Vergonha serà beguda
Beguda e assurbida
Vergonha dau pòble
Après la conquista

Proscrich mon fraire
Escota ton país
Escota la sieu votz
Bessai que deman
Respòsta serà autra
Que mercé mon capelan
Mercé sénher banquier
Respòsta serà : lucha

Lo calen que crema
Desafoguerà pas li esperenças
Lo calen que crema
Revilherà pas li sofrenças

Proscrich, mon fraire
Escota ton país
Escota la sieu votz
Bessai que deman
Li pèiras dei presons
Denembreràn que son
Estadi lu barris
Dont ientra pas lo lume

Proscrich mon fraire
Escota ton país
Escota la sieu votz
Bessai vòli dire bessai
Bessai que sèt sègles
Son manco pron
Per escotar la libertat

Proscrich mon fraire
Escota ton país
Escota la sieu votz
Escota lo sieu crid !

Quora se’n anava sus lo camin
Lo sieu cuòu l’auguessiatz vist
Quora se’n anava sus lo camin
Lo sieu cuòu …

Legir tot

Quora se’n anava sus lo camin
Lo sieu cuòu l’auguessiatz vist
Quora se’n anava sus lo camin
Lo sieu cuòu coma un Fènix

Era pas coma una mastra
Mas ben plus gròs qu’un cogordon
E plan-planin lo bolegava

Quora se’n anava sus lo camin
Lo pastre qu’es un finàs
Quora se’n anava sus lo camin
Lo pastre avia sentit bèla bèstia

Quora se’n anava sus lo camin
Tòni e lu sieu vuetanta ans
Quora se’n anava sus lo camin
Tòni avia cambas de vint ans

La bèla se’n anava sus lo camin
Lo sieu cuòu l’auguessiatz vist
La bèla se’n anava sus lo camin
Lo sieu cuòu coma un Fènix

La nebla s’encala sus Palhon
Bugadiera de ma memòria
Lo fum monta de la vila
Negant lo Castèu de nuech …

Legir tot

La nebla s’encala sus Palhon
Bugadiera de ma memòria
Lo fum monta de la vila
Negant lo Castèu de nuech
Siam partits
Sus de camins de pluèia
E lo monde èra pas tròup grand
La tèsta plena d’aqueu lume
Amics batejats de pluèia
Ven a mau de gardar lo rire
Ven a mau de sublar la cançon
Siam partits
Sus de camins de prima
E lo monde èra pas tròup grand.

Mon amic cau pas plorar
Es finit lo temps dei sòmis
Mon amic ti cau luchar
Deman farem virar la ròda.

Lo sang a gisclat a Santiago
L’aucèu es mòrt en lo sieu vòl
Benedit per lo dieu american,
Eran partits per viure libres
E l’armada li a calats
A Santiago l’èrba es roja
Avèm perdut aquela guèrra
Òmes naissuts per un autre esper
Ven a mau de gardar lo rire
Ven a mau de sublar la cançon
Siam partits
Sus de camins de prima
E lo monde èra pas tròup grand

Sus la mar naisse la beluga
Lu cats cridan per carriera
Laissant la vila en la nuech
Au pantais de ma memòria
Dapertot giscla lo desesper
La tèrra s’esclapa en cada caire
Siáu pas dau costat dei patrons
Siáu pas dau costat de Dracula
Un cant de prima a la boca
Deman bastirem un autre monde

Siáu viu
Emé lei mieu mans que bolegan tròup
Lo mieu morre descolorit
Li mieus artelhs de travèrs
Siáu viu …

Legir tot

Siáu viu
Emé lei mieu mans que bolegan tròup
Lo mieu morre descolorit
Li mieus artelhs de travèrs
Siáu viu
E se tremòli en camin
Se vos cuenti d’estrabòts
Siáu viu

Viu per beure un còup
Ti parlar
Ò mi corcar sus la tèrra
Viu per sentir l’esquiròtol
Mi roiar lo fetge
Viu per mi faire una fora de castanhas
Viu per lecar la tieu pèl
Passejar la mieu lenga
Subre la tieu esquina
Siáu viu

Siáu viu
Pòdes m’asperar al canton del cementeri
Pintar de negre lo jorn que ven
Siáu viu
E se mi fau una fora de rire
Esclapi lo solelh

Vene aquí se lo tròn t’espaventa
Vene aquí se tremòles ‘mé la raissa
Vene aquí s’as perdut lo rire
Vene …

Legir tot

Vene aquí se lo tròn t’espaventa
Vene aquí se tremòles ‘mé la raissa
Vene aquí s’as perdut lo rire
Vene aquí, pichona, vene aquí

E se lo cèu s’encala
Se lo bòsc peta dins la nuech
Se la mar si pinta de roge
Se lo fais cada jorn es peant

Vene aquí pichona ti batejerai esta nuech
Sus li còlas naisson de perlas de soleu
Mete la tieu pèu subre la mieua
Vene aquí, …

E se lu cans bauban per carriera
Se li marridi lengas pastrolhan au soleu
Se la puada es tròup dura
Se darrier lo cementeri audes lo ganavèu

Vene aquí li estèlas si meton a balar
Lo nòstre cant monta dins la nuech
Vene aquí, vene aquí ma doça
Li aranhas si son estofadi

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem …

Legir tot

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem
Aqueu es lo darrier
Asperam lo que ven
Mas s’endraia solet

Li vau balin-balan
Tra d’aquelu lorditges
E mi negui plan-plan
Dins la mieu folia

Ai barrat la pòrta
E lo mieu còr tanben
La mieu rason es mòrta
Aquò mi fa de ben
Tant de temps ai negat toi lu mieus desideris
Aura ai decidat de faire un pauc l’arleri

Siáu partit dins lo sera
Ai laissat lo vilatge
E lo mieu « trip » si serra
Per aqueu darrier viatge
cen que serà la vida
m’en bati la cançon
Que ti canti s’es poirida
Dins lo darrier vagon

Lu raias son polits
L’i van tra la mieu nuech
Ben drech a l’infinit
Enclavan lo mieu piech
Escotatz bravi gents
Es la cançon d’un garri
Qu’a la fora totplen
D’emparar lo judici