Quand lou souleias rabino la plano
Que sus lis estang danson li belu a ras dis engano
Urous quau bloucant …

Legir tot

Quand lou souleias rabino la plano
Que sus lis estang danson li belu a ras dis engano
Urous quau bloucant sa sello gardiano
S’en vai libre e soul sout lou grand cèu blu
Quand lou souleias rabino la plano
Urous quau s’en vai sout lou grand cèu blu

Mai quouro à l’errour lou larg se rouviho
Que sus mar lou jour se vèi davala darrié la mountiho
Quand vers la palun la mounturo endiho
Urous quau gardian vai s’encabana
Mai quouro à l’errour lou larg se rouviho
Urous quau gardian vai s’encabana

Aro qu’an tourna li tèms d’abrivado
Buten nòsti biòu sus li calada en revoulunado
Au noum dòu païs e de la manado
Mantenen gardian noste vièi coumbat
Aro qu’an tourna li tèms d’abrivado
Mantenen gardian noste vièi coumbat

Coumpagnoun d’aut d’aut e parte à grand erre
Entaiolo-te sello toun chivau que te vènon querre
Plego toun seden aganto toun ferre
Pèr la tradicioun fau douna l’assaut
Coumpagnoun d’aut d’aut e parte à grand erre
Pèr la tradicioun fau douna l’assaut

Mi fraire gardian sian qu’uno pougnado
Mai sauvan la terro e l’us naciounau de la mau-parado
E belèu qu’un jour la Raço aubourado
Boumbira delièuro à noste signau
Mi fraire gardian sian qu’uno pougnado
Mai sauven la terro e faguen signau

Coma òm se disià l’un l’autre qu’òm s’aimarià l’un l’autre
Aquò s’acaba lentament la fuelha tomba amb lo vent
AI …

Legir tot

Coma òm se disià l’un l’autre qu’òm s’aimarià l’un l’autre
Aquò s’acaba lentament la fuelha tomba amb lo vent
AI lièch en vila o en veitura faguerem tot en desmesura
Una careiça de la man valià melhor que de parlar

Bona rota ma miga

Una guitarra una music, per te somiar aquò’s pas brica
L’imatge de tos uòlhs sufis a mai se lo demai fugìs
Vòli de tu la remembrança d’un regard color d’esperança
Coma un perfum d’ambiguitat entre preson e libertat

Coma òm se disià l’un l’autre qu’òm s’aimarià l’un l’autre
Aquò s’acaba lentament la fuelha tomba amb lo vent
Coma òm se disià l’un l’autre qu’òm s’aimarià l’un l’autre
L’ivern s’acaba lentament a la prima la fuelha ven

Coma quand dins la gabia òm embarra un aucèl
Vesi montar la rabia d’un pòble cantarèl

Canta rossinhòl canta e …

Legir tot

Coma quand dins la gabia òm embarra un aucèl
Vesi montar la rabia d’un pòble cantarèl

Canta rossinhòl canta e vendrà lo solelh

Coma l’enfant camina paurós un pauc garèl
Tot un pòble s’endralha dins un camin novel

Coma nais un auratge sul còp un sèr d’estieu
Un cant d’amor se leva dins un silenci vielh

Coma d’empuei tant d’oras l’albelha fai de mel
Fargem nòstra bastida e l’ostal será bel

Coma al mes de decembre l’aubre espera la nèu
Ieu dins l’ostal t’esperi sol darrèr lo carrèu

Plòu sus las cevenas deman i aurà de nèu
Color de mòrt la fanga dins mon cant pas d’aucèl
Farai …

Legir tot

Plòu sus las cevenas deman i aurà de nèu
Color de mòrt la fanga dins mon cant pas d’aucèl
Farai lo martelet al portal de Florac
Mon caval a las armas de Tolosa e d’Aubrac
O regardatz las vielhas que van a Sant Guilhèm
Ara semblan de nòtas d’un cant de requièm

O t’aimavi Corina quand èras amb ièu
Se vesiás ta cevena l’ivèrn color de nèu
Americanisada un pauc mai cada estièu
Lo jorn que siás partida m’aviás dich a lèu-lèu
Dins sa veitura de corsa èl rodèla coma un fòl
Quand passarà sus ta rota saluda-lo cevenòl

Fai freg dins ma guitarra lo cèl a negrejat
Caminèri de lònga e lo temps l’ai comptat
Vistalhèri la tèrra de Niça a Montpelhièr
Se me pausi la pèira me maissa leva-te
Lo solelh te caufa l’aire l’aire s’emplis dins ta man
Sarra la man de ton fraire nos levarem lèu deman

Corrìs corrìs lo furet
Lo furet del bòsc Madama
Corrìs corrìs lo furet
Lo furet dins lo bosquet

Ara es …

Legir tot

Corrìs corrìs lo furet
Lo furet del bòsc Madama
Corrìs corrìs lo furet
Lo furet dins lo bosquet

Ara es passat per aqui
Lo furet del bòsc Madama

Ara es passat per aqui
Lo furet del bòsc polit

Dansem la capochina
Avem pas mai de pan
Veguèm se la vesina
Ne’n garda per deman

Legir tot

Dansem la capochina
Avem pas mai de pan
Veguèm se la vesina
Ne’n garda per deman

Siòi davalat dins mon jardin (bis)
Per i culhir de romanin

Parpilhòl novèl ma dama
Parpilhòl novèl tant bèl (bis) …

Legir tot

Siòi davalat dins mon jardin (bis)
Per i culhir de romanin

Parpilhòl novèl ma dama
Parpilhòl novèl tant bèl (bis)

N’aviài pas gaire dins la man (bis)
Qu’un rossinhòl ven se pausar

Me ditz de causas en inglès (bis)
Que los òmes valon pas res

Que los òmes valon pas res (bis)
E los dròlles encara mens

De las damas me ditz pas res (bis)
De las filhas me ditz de ben

Sovent te sònan amb de noms
D'aqueles qu'èran pas tos filhas.
Sovent te meton lo vestiment
De lor dimenge qu'es …

Legir tot

Sovent te sònan amb de noms
D'aqueles qu'èran pas tos filhas.
Sovent te meton lo vestiment
De lor dimenge qu'es pas lo tieu,
Dòna Carrièra.

Te sabi trista quora lo pas
Martèla l'òrdre sus ton pavat.
Te sabi urosa quand lo pè nus
De l'enfant paure jòga sens bruch,
Dòna Carrièra.

Dins tos ostals i a tant d'uòlhs
Pas res t'escapa dels gestes fòls
Dins ta memòria tot aquò deu
Comptar per l'ora del jutjament,
Dòna Carrièra.

Dins ta gandòla, a cada instant,
L'amor se jòga a s'inventar ;
Un amor paure qu'es amagat.
Pasmens te jure qu'a pas trichat,
Dòna Carrièra.

E se te levan tos pavats
Per que s'ausisse lo bruch
D'una revòlta d'encolerats,
Sabi que t'an pas levat ton buf,
Dòna Carrièra.

En passant per Occitània amb mos esclòps (bis)
Rescontrèri un capitàni amb mos esclòps lanlèra òc òc òc
Amb mos …

Legir tot

En passant per Occitània amb mos esclòps (bis)
Rescontrèri un capitàni amb mos esclòps lanlèra òc òc òc
Amb mos esclòps

Rescontrèri un capitàni amb mos esclòps (bis)
Me diguèt qu’èri pas bèla amb mos esclòps lanlèra òc òc òc
Amb mos esclòps

Me diguèt qu’èri pas bèla amb mos esclòps (bis)
N’i a que me tròban polida amb mos esclòps lanlèra òc òc òc
Amb mos esclòps

N’i a que me tròban polida amb mos esclòps (bis)
E i a lo Prince que m’aima amb mos esclòps lanlèra òc òc òc
Amb mos esclòps

E i a lo Prince que m’aima amb mos esclòps (bis)
M’a ja donat una estrèna amb mos esclòps lanlèra òc òc òc
Amb mos esclòps

M’a ja donat una estrèna amb mos esclòps (bis)
Un ramèu de majorana amb mos esclòps lanlèra òc òc òc
Amb mos esclòps

Un ramèu de majorana amb mos esclòps (bis)
Se florìs ièù serai Reina amb mos esclòps lanlèra òc òc òc
Amb mos esclòps

Se florìs ièù serai Reina amb mos esclòps (bis)
Se morìs perdi ma pèna amb mos esclòps lanlèra òc òc òc
Amb mos esclòps

Vòli partir un jorn de mai al cap de la terra
Sens tu sens bagatge sens res que de musicas …

Legir tot

Vòli partir un jorn de mai al cap de la terra
Sens tu sens bagatge sens res que de musicas baujas
En sovenir de tu
Vòli fenir de te somiar coma d’una reina
Lo rei sens reiaume aquò’s ièu plori ma corona
En sovenir de tu

En sovenir de cada instant o de cada sòmi
E de la doçor de ta man que me disià t’aimi

Vòli dormir un mes un an, benlèu una vida
Solet sus una peira al caud de tantas insomnias
En sovenir de tu
Vòli sortir de mon ostal cercar la ribeira
Lo pòrt lo ribatge lo gost de tantas oblidanças
En sovenir de tu

Vòli sentir dins cada man lo perfum de l’aura
Tant fòrt tant sauvatge tant doç e perdre la memòria
En sovenir de tu
Vòli partir un jorn de mai al cap de la terra
Sens tu sens bagatge sens res que de musicas baujas
En sovenir de tu

Quand siàs lengadociana entre Tolosa e la mar
L’Autan la Tramontana aqui se dònan la man
E quand te fas …

Legir tot

Quand siàs lengadociana entre Tolosa e la mar
L’Autan la Tramontana aqui se dònan la man
E quand te fas gascona o filha de Montsegur
Pròcha de l’andorana siàs aranèsa segur

De sang e d’aur vestida dessus ta rauba una crotz
Nascuda e mai bastida de paratge e d’amor

Quand te fas lemosina lo cap quilhat cap al nòrd
De Françia la vesina es que pòs sentir lo còr
Quand te fas aquitana reira filha d’Alienòr
Biarnèsa e bigordana o filha dau Peiregòrd

Quand te fas provençala e mai italiana ailà
Dins ta lenga mairala lo Ròse es totjorn cantat
Quora te fas farandola demòra fòrça sovent
Un gost de farigola que te carreja lo vent

Fai nònò Còlas pichòt fraire
Fai nònò Còlas mon pichòt

Mama es en naut de ton beù ostaù
Papa es …

Legir tot

Fai nònò Còlas pichòt fraire
Fai nònò Còlas mon pichòt

Mama es en naut de ton beù ostaù
Papa es en bas de ton ostalàs

Son arribats un dimenge amb lo trin de Paris,
An cercat dins lo vilatge lo cap de gara e li …

Legir tot

Son arribats un dimenge amb lo trin de Paris,
An cercat dins lo vilatge lo cap de gara e li an dich :
"Fai ta mala, mon brave, l'a decidat lo govèrn.
Ara la linha es copada, fai ta mala, vai-te'n !"
Dempuèi òm l'apelava Fai ta mala. E la mala jamai la faguèt.
Esperava, esperava, esperava lo trin de cinc oras vint e sèt.
Sul trepador de la gara esperava cada matin
E lo vilatge se trufava en li disent : "I a ges de trin !"

Òme blau dins lo matin blanc
Lo drapèu roge dins la man.

E sa vida s'es passada a esperar son paure trin.
E lo vièlh Fai ta mala refusava de morir.
Refusava totjorn de creire que son trin passariá pas
E disiáa que voliá faire son mestièr fins al trespàs.
Om l'apelava Fai ta mala. E la mala jamai la faguèt.
Mas moriguèt un matin de prima a cinc oras vint e sèt.
Sul trepador de la gara, lo drapèu roge desplegat,
Dormissiá Fai ta Mala, dormissiá coma un enfant.

Òme blau dins lo matin blanc
Lo drapèu roge dins la man.

I a pas pus de Fai ta mala, i a pas pus de matin blanc.
L'an enterrat dins lo vilatge, lo drapèu roge dins la man ;
Mas del costat de la gara lo vent canta aquel refranh :
"I aurà pas pus de Fai ta mala : lo drapèu roge es per deman".