occitan

Menerba

Per Claudia Galibert, paraulas de Leon Cordas

Que vos sètz venguts pèrdre, al desèrt, companhons ?
es mòrta la comtessa e Miraval es mòrt
e Menèrba "fo presa" al voler de Montfòrt
e per l'amor de Dieu fòc al cuol la racalha
aquela puta canha e sas cendres al vent ;
mas un crit s'escapèt que lo Cèrç lo repren
lo vent pòrta paraula.

Dire son si
lo dire en òc
per, sèm aquí,
ciutat sul ròc,
dire son si
son èime.

Que vos sètz venguts pèrdre, al desèrt, companhons ?
La paret arroïda e lo capval dejós
libertat morelhada e Richelieu gloriós
e "per l'orgulh de França" a tèrra sas muralhas
sa vinha, sos olius, sa lenga, son castèl,
mas un mur s'escapèt que desfisa lo cèl
lo ròc, pòrta paraula.

Dire son si...

S'es de plaça al desèrt que cercatz companhons,
fan de plaça al païs que los joves s'en van
e lo dòl que nos cacha es vièlh de sèt cents ans
se ten totjorn sul ròc la mena que non calha
d'aquela puta canha e sas cendres al vent
e lo crit es tot nòu que lo cèrç lo repren
l'òme pòrta paraula.

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel