occitan

Portem lo vin

Per Aqueles, paraulas de Roger Gardy e Aqueles, musica de Paul Dalbret, arrengaments de Aqueles

D'ausir dins :

Punk's not born

Dins nòstre petit vilatge
aimam plan la libertat
e a n'impòrta qu'un atge
òm s'i amusa es plan vertat.
Dal pichon a la mameta,
tot lo monde i met dal seu.
Aquel jorn sus la placeta,
digús a pas res de seu.
Quand lo molin un jorn faguèt la fèsta
lo vesinatge, la joinessa en testa.
Tot lo vilatge si metèt en entièr
Fasquèm çò memes dins nòstre bèl quartièr !

Portem lo vin lo ritme s'accelera,
tres quatre filhas començan a dançar.
Avèm florit las placas, las carrièras
e lo castèl ritz de sos vielhis ans
Dins les ostals las vièlhas cosinièras
an fait marchar la pelha, l'engranièra.
T'an fait polit dal molin al castèl.
Tot per 1a fèsta ! A macarèl !

Dins aquel canton de Tèrra
avèm tot çò que nos cal,
avèm pas besonh de bièrra
bevèm de vin al barralh.
Macabèu, muscat, grenache,
cartagena de l'ostal
vin d'anoga e vin d'irange
e blanqueta ancestrala .
En mai d'aquò podem far de folias,
se va tròp mal avèm las farmacias
e se jamai quauqu'un vira de l'èlh
i a lo talhur que te vestís a l'élh.

Portem lo vin lo ritme s'accelera,
es jol cèl blu que vèi churlupejam.
Lo vin se beu a còp de cafetièras
e lo tressièis remplaça lo vin blanc.
Dins los ostals, las bèlas cosinièras
nos an fotut un dinnar de prumièra.
Sèm plan sadols, i a pas res de pus bèl,
Viva la fèsta! A macarèl !

Dins nòstre petit vilatge
le temps sabem arrestar.
L'estiu es coma un miratge,
Diu, que s'anam regalar !
Abans de sortir far fèsta,
se vestissèm coma cal ;
de perfum dejós la vèsta
Un còp d'èlh dins le miralh
Coma pertot, i a de filhas polidas,
de carnavals e de lengas marridas.
Mas i podem pas copar lo fisson,
Cossí farián per cantar ma cançon ?


Portem lo vin lo ritme s'accelera,
es dins la nèit qu'ara nos amusam
Ne profitam car sus aquesta Tèrra
tot passa vite, los meses e los ans
Per un moment doblidam la misèra,
embrassem-nos, agèm la mina fièra
risem cantem a se'n crebar la pèl.
Viva la fèsta ! A macarèl !

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel