occitan

Se bolegar sus lo guidon

Per Crestian Almerge e lo grop Test

Se bolegar sus lo guidon
Es çò que cal faire pichons
Se bolegar sus lo guidon
Farem lo Torn de França

Aquela montanha que vesètz
La montarem lèu alavetz
Mas arribarem pas enaut
En tres còps de pedalas

Se bolegar...

Segur avem pas les pompilhs
De Polidor o d’Anquetil
Mas sèm pas arribats aqui
Per enfilar de perlas

Se bolegar...

Lo Cristophe e lo Pelissier
An fait tanben lo Galibièr
Mas sus de rotas de calhaus
Dins lo freg e la nèbla

Se bolegar...

Nos comprarem un gròs platèu
Un penhon amb’un fais de dents
E se tot va plan l’an que ven
Farem lo Torn de França

Aurem pas paur dins lo Ventor
De prendre tot lo vent pel morre
Segur sem pas de chuca-ròdas
O de craca-cadenas

Se bolegar...

Farem tot l’aude e las P.O
Sens nos picar a l’E.P.O
E s’èm fatigats, dins lo bidon
Nos metrem de vin rotge

Se bolegar...

Quand aurem fait coma Bobet
Lo Solor e lo Tormalet
Un còp arribats a l’ostal
Tocarem pas las femnas

Se bolegar...

Montsegur se dreiça pertot
Coma nos disiá lo Marti
I a totjorn quicòm a montar
Dins nòstra Occitania

Se bolegar...

Se bolegar...

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel