occitan

Lo camin nau

Per Didier Tousis

D'ausir dins :

La lenga aus pòts

en passejant capvath la lana
qu’èi descobrit un camin nau
un viòt vadut au pè d’un vèrn
cogat dens los braç deu segar
n’èra pas lo trivalh d’un anjo
qu’auré deishat quauque plumat
perdut quauque brincha d’estala
e n’i avè sonque traças de dalh

qu’aví ua o dus òras a pèrder
e la vita sancèra a ganhar
qu’èi pretz la man a la heuguèra
entà que’m miassí lo pas
que tòrtejava capvath la sesca
puish que seguiva lo barat
e còp sec tirà dret tà larga
en escalhant lo pinhadar

que naula atau quauque naviu
sus la mar grana deu tojar
quauque galup brabant lo briu
de flors shens espèr de tornar
entà anar cuelher la sostra
quin marin s’es escaronhat
de quin saunèi de quin hantaume
e hèi enqüèra lo palhat?

jo n’èi pas l’amna aventurèra
d’un descobridor d’orizon
que m’estimi mei los mistèris
que’m soi tornat a la maison
suu camin la-haut dens lo ceu
lo hali shiulà au pregon
eth que saja de seguir dens l’aire
los viòts secrets de las sasons
praubina monaca esmanglada
qui s’i hèi a virar en rond
beròja monaca esmanglada
qui s’i hèi a virar en rond

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel