occitan

Giga deus tiradors de laja

Per Didier Tousis

D'ausir dins :

La lenga aus pòts

giga deus tiradors de laja
arrancaires de perpèr
qui se dança cuu en l’aire
e lo cap enter los pès

lo filosofe Voltaire
qu’èra un paisan atau
que cultivava la sapiença
dens los rengs deu son casau

que se lheva de las cantèras
l’armada deus tiradors
enta emparar las tèrras
de las urpas deus promotors

d’ací, d’alhors o de China
tots amassa l’esquia plegat
passam au monde un messatge
muisham lo noste cuu lhevat

que vau foter sus la lua
qu’es ací qu’èi plantat
lo semen d’iranges blus
e d’estelas plen lo cap

òmis de totas colors
los nos ajòus lauradors
qu’an semiat un gran d’amor
entà’ns har créisher las flors

deu dimenge o de setmana
lo casalet pòt cantar
lo cant deus tiradors de laja
si qu’a los dits cascantàs

la quimia qu’es la nacèra
qu’es a la man que’s separa
lo caulet de la porguèra
e lo hroment de l’iraga

pregam per que lo bon diu
en lo jutjament darrèr
hèci pas petar lo «rond up»
enta ganhar chic temps de mèi

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel