francés occitan

Sirventés

Per Mauresca Fracas Dub

D'ausir dins :

Contèsta

Lo monde es de vendre
An començat per ton usina
Nos vòlon pendre
E menar lo sud a la famina

Avèm negats leis esperanças
Dins un passat de revòutas assecadas
Mentre qu’enauçèron la Finança ;
Una societat que vai a la cabuçada…

Leis òmes s’abèuron a la television
E laissan dispareisse lei fònts promièras
Lo monde d’avant èra luenh d’estre lo bon
Lo sistème d’encuèi fabrica la misèria.

Lei mèstres assedan l’argentina
Aclapan la selva amazoniana
Lei presidents convidan Potina
Putan de raca-còr que m’escana…

Repic :
Lei colors de nòstre passatge sus tèrra
Lei lutz de nòstrei pantais
Sirventés dau sègle 21, cançon fèra
Reggae engarçat tornamai.

Sirventés dau sègle 21, nòva ritmica
Vesèm ben quau fa virar la ròda d’Ixion
"L’America nos fa la nica!!"
Es un pauc simplàs pasmens dins lo fons…
.…Es tot un simbòu, un modèle de societat
Es una causida de vida, una presa de posicion
Ara fau ben qu’aguessiam la volontat
De veire onte menam lei novèlas generacions
S’es dins la muralha o se lei laissam una chança
Aquò me sarra la frechalha, me tira lo ventre
A la tèsta lei canalhas mènan la dança
Te jitan sus la palha, t’escampan mentre

Que la tèrra brutla, lei desèrts rosigan la vida
D’escuras idèas tòrnan sortir dei sablas dau temps
Dins mon tèxte, ma cançon desglesida
Vèsi lei crosadas, leis empèris dau moment…

Repic :
Lei colors de nòstre passatge sus tèrra
Lei lutz de nòstrei pantais
Sirventés dau sègle 21, cançon fèra
Reggae engarçat tornamai.

Lei Dieus nos an quitats, o lei fantaumas an tornat
De vièlhs fantasmas, de sovenirs de genocidis
La corsa au profièch, l’ordre, l’estat
E la planeta nafrada : nòstre suicidi.

Camicasas de l’Islam, òmes flambejants
Camionetas dinamitadas, inocents aclapats
Guèrras de religion, chaples grands
Nòstrei vidas d’òmes carcanhats
Fan aquèu teatre, aquèu cinemà estrange

Saupre
Connaître
Lei colors de nòstre passatge sus tèrra
Lei lutz de nòstrei pantais
Sirventés dau sègle 21, cançon fèra
Reggae engarçat tornamai.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel