francés

La grand

Per Moussu T. e lei jovents

D'ausir dins :

Forever polida

Sus la vielha carta postala,
Vendes de chichorlas en rient
Davant l’afitcha coloniala
D’una dançarèla d’Orient.
Pareisses libra e sensa crenta,
Joventa bruna e insolenta.

A l’entorn, Marselha batega
E lo pòrt es cafit de naus,
Aquí lo monde entier bolega
O li fa son darnier badau.
Es ti la fam ? Es ti la mar ?
Dins lo rebat de ton regard.

Monte siás ara pichoneta ?
A quant d’infèrns as escapat ?
Monte siás ara polideta ?
La grand que mi fa pantaiar.

Segur, toei lei jorns son pas festa
Fau trimar per ganhar son pan,
Lo temps se’n va e lo fais resta,
Creses pasmens au lendeman.
Sembles ambé ta mina fièra,
La princessa de la carriera.

Au dintre de la molonada
Es lo sorgent de teis amors,
Aquí manca pas d’arribadas,
Aquí manca pas de colors.
Lo bèu jovent de Bagatoni
O lo viatjaire e son mistèri.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel