francés

Pour de bon ils nous le font

Per Moussu T. e lei jovents

D'ausir dins :

Mademoiselle Marseille

Escotatz ben cambaradas,
Cançon novèla farai,
Una polida envolada,
Bòna per fotre lo òai.
Es pas una galejada,
Aprochatz-vos se vos plai.

Pour de bon, pour de bon,
Pour de bon, ils nous le font.

Aprochatz-vos se vos plai,
Parlarai d’aquestei gents
Que nos fan jugar leis ais
Sensa nos donar de fen
E, dau fons de sei palais,
Nos tractan de gents de ren.

Nos tractan de gents de ren,
De capons e de fenhants,
Elei son lei bòns regents,
Siam lei marrits escolans.
Son a comptar son argent
E ieu còmpti lei mendiants.

E ieu còmpti lei mendiants,
Ara que mandan lei fabricas
Dins de país de tirans
Monte, de drechs, n’i a pas brica.
Fan susar mai leis enfants,
Es la lei economica.

Es la lei economica,
Totei nos l’an explicat,
Tantei fes, a còps de trica
Per lei que comprenián pas,
En Europa, en America,
Ai chantiers de La Ciutat.

Ai chantiers de La Ciutat
Se fasiá de petroliers,
Ara que tot es barrat,
Lei minòts fan de foliás,
Sabon pas manca ti far
Un batèu ambé de papier.

Un batèu ambé de papier
E de velas de carton,
Aquò nos fariá mestier
Per embarcar lei pebrons
E totei lei conariás,
En delà de l’orizont.

Pour de bon, pour de bon,
Pour de bon, on va le faire.
Pour de bon, pour de bon,
Pour de bon, nous le ferons.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel