occitan

La vièlha usina

Per Los pagalhós

D'ausir dins :

La sobirana

Drin en delà deu caminau
La vielha usina que plora suu passat,
Dab los sons carrèus estelats
Peus mainats a còps de calhaus.
E lo resson
Deu motor
Deus camions
Que vien trucà’s
Suu mur negrós,
A contunhar,
Shens desvelhar
Lo huec deus horns.


Quan passa aquiu, en espiant
Çò qui estó lo lòc deu son tribalh,
Qu’ei saunegiu lo praube Joan :
Que sap non cau pas tròp pensà’i…
Qu’avè
Tanben
L’ideia, un dia, de
Totun poder
Mià’i lo hilh
E deu véder
Dens lo talhèr
Vestit d’obrèr.

Mes com l’aigueta de l’arriu
Ei uei a noste e doman en la mar,
Lo tribalh ací qu’ei hueitiu.
Tant per tant vienut que se’n va.
E quan
Lo Joan
Passa, lo pas soant
Suu vielh camin,
Be’s hè mau sang
En bèth pensant
A l’avenir
Deu son hilh gran.

Drin en delà deu caminau
La vielha usina a còps que sembla viva ;
E los plaps negres au portau
Que’u hèn com ua cara esmalida.
E dens
Lo vent
Corrent suu bastiment
Lo Joan, sovent,
Que ditz qu’enten
Un broniment
Qui va creishent :

Qui sap d’on vient ?

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel