francés occitan

Lo naviu de nèu

Per Los pagalhós

D'ausir dins :

Hami de víver

Sus un naviu de nèu
Que me’n voi anar
Pujar dab eth au cèu
Au miei deus lugrans
Ne me’n volitz pas
Si jo voi partir
Ne me’n volitz pas
Mes que’m cau dromir ( darrèr repic : mes que’m cau morir)

Au cap de la dolor
Que i a lanas de patz
Que i a gaubas d’amor
E de libertat
Pensarèi a vos
Desbrembarèi pas
Que serèi urós
Un còp desliurat

Que deisharèi mon còs
A vòsta pieitat
Un còs hart de dolor
De vita vueitat
Pujarèi shens eth
Tà apressar la lutz
Tà vàder ausèth
Auseron de lutz

Demoratz près de jo
Tà’m barrar los uelhs
E caratz-ve sustot
Espiatz-me meilèu
Shens plorar, shens brut
Sonque dab doçor
Lo naviu qu’ei prèst
Adishatz a tots

Au sèr que vederatz
S’espiatz a capsús
Hens lo cèu s’alucar
Ua blanca lutz
Lusirà tà vos
Com un flòc de nèu
Lusira tà tots
Lusirà tostemps

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel