occitan

Sequèra

Per Los pagalhós

D'ausir dins :

Hami de víver

Quan l’aire espés e pèsa
Quan la sudor e vad
Quan l’estiu hè la guèrra
Suus camins emprobats
Lo cant de l’arribèra
Que’s hè doç e que cad
Los dias de sequèra en Bearn de capvath

Que partí que i a hèra
Qu’ei atau, qu’ei lo hat
Mes que’m vienen enqüèra
Imatges deu passat
Qu’a set, qu’a set la tèrra
E qu’apèra l’aigat
Los dias de sequèra en Bearn de capvath

Lo men còr que galèra
Despuish qui m’a quitat
E l’alet que’m hè hrèita
De tant qui èi sospirat
Lo milhòc que hè hèira
Au caut e arroishat
Los dias de sequèra en bèarn de capvath

Com un drin de troblèra
Que dança au ras deu prat
Per’mor de la hornèra
O, lhèu, d’aver plorat
La bèla copadera
Floreish en l’aire caut
Los dias de sequèra en Bèarn de capvath

Parets de milhoquèra
Pè-deu-cèu estujat
Sorelh cresmant la pèira
Pèira cresmant la man
A l’ombra bronidèra
Que pantaisha lo can
Los dias de sequèra en Bearn de capvath

{jumi [_pagesaure/cancons_meteisart.php]}

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel