occitan

Lo passatgier

Per Lo Mago de’n Castèu

Montan lu crits dei vivents qu’esperan
D’aquelu que luchan per un monde mai monde
Siás dins lo bacan dei espers a ganhar
Aquí per mendicar, un soguinhe, un buf
Lo remon que s’espantega
Despí la batuda dau monde
Fa virar lo còr, fa tremblar lu barris
Ti tenes enviscat dins la vida dei òmes
Com’un arrisson dins lo lume blanc

Passa lo passatgier
Se’n va de matin pescar en Palhon
Passa lo passatgier
Ti mena de matin pescar en Palhon

Un jorn passat, mascarat dei dubis
Se’n va en ferpilha, au tron de Dieu
Siás lo pichon mut au canton de l’escòla
Aquí per demandar s’es ver qu’esiste pas
Lo remon que si desloga
Despí lo badalh dau monde
Agota lo còr, embasta lu barris
Ti creses qu’es cocanha, mas chiques l’estrassa
Un amor que se’n va es pas de limonada

REPIC
Anar a ratge, laissar la gumena
Passar un moment au luenh dei dolors
Ti manca l’ària per tenir lo cabús
Lo ment a remenar tota li sofrenças
Lo remon que reventola
Despí lo quiet dau monde
Recrea lo còr a la sosta dei barris
Se d’una mosca tu ne’n fas un tavan
Fas coma Bachicha, laissa anar lo batèu

Seras aqueu passatgier
T’enaneras de matin pescar en Palhon
Serai aqueu passatgier, serai aqueu passatgier
M’enanerai de matin pescar en Palhon

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel