occitan

Lo Fantastí

Per La Talvera

D'ausir dins :

Quincarelet

Ieu crenti pas las fantasiás
Del Fantastí. Que me farà ?
Me trufi de sas mascariás
Amb mon pal lo farai dançar. (bis)

Un jorn per una carrièira
D’un masatge del canton
Trapèri una molinièira
Que se fasiá de morron
Me diguèt : "A la molina
Quicòm vira pas redond
Lo Fantastí m’imagini
Es a nos jogar un torn."

Sauti sus la petroleta
M’encamini d’aquel latz
E al son de ma gauleta
Te fau dançar lo diablàs
Tica tica tica teca
Tica tica tica ta...

Un jorn per una montanha
D’un país plan luènh d’aicí
Trapèri una paura aranha
Qu’aviá vist lo Fantastí
Me diguèt : "Me cèrce brega
Ma tèla val pas res mai
M’i aurà escampat de pega
Non sabi cossí farai"

Un bon jorn per la fenèstra
D’un tot pichot ostalon
Vegèri una paura mèstra
Que repassava sas leiçons
Me diguèt : "Dins mon escòla
Demòra pas cap d’enfantons
Lo Fantastí e sa còla
Nos an gitat un sorcelon..."

Un jorn per una ensalada
Trapèri un escagaròl
Tot toisse dins la panada
Qu’èra mièg mòrt e mièg fòl
Me diguèt : "Para l’aurelha
Lo Fantastí ven de passar
Amb de savon de Marselha
Pòdi pas mai avançar..."

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel