occitan

A l’ombra dau Boscatge

Per Castanha e Vinovèl

D'ausir dins :

C é V

A l’ombra dal boscatge
Vene d’ausir l’autbòi
Los bergièrs dal vilatge
S’amusaràn tot uòl.
Quand ieu tota soleta
En gardant mos motons
Pres d’una font clareta
Exprime mas dolors.

Mon dieu quand me sovene
Dal bon temps qu’ai passat
Pòde pas me reténer
De plorar mon ingrat.
Tota la nuòch languisse
Ai pas pus de plaisir
E talament sofrisse
Qu’aimariai ieu mai morir.

Tene pas a la vida
Mon bergièr me trais
D’èstre joina e polida
De qu’aquò me servis ?
Abandonem pecaire !
Aqueste beù sejorn
Cerquem pas pus a plaire
Renoncem a l’amor !

Adieu bosquet paisible
Ieu te reveira pas pus
Mon còr totjorn sensible
Se sovendrà de tus.
Adieu charmanta erbeta
Adieussiatz anhelons
M’en vau tota soleta
Plorar de rescondons.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel