Fòtos del moment

Mediatèca de Pau : Carta blanca a Joan-Francés Tisnèr

Companhiá del mes

Art Cie

Artista del mes

Feràmia

Autor del mes

Patric Guilhemjoan

Espectacle del mes

Catharsis sound maquina

Play-list del mes

Totas las play-lists deezer

Qual sèm ?

Paraulas en Òc es un portal qu'a per vocacion es la promocion de la cultura occitana a travèrs tres de sas facetas : la musica e la dança, l'espectacle viu (contes, teatre) e lo cinèma, la literatura e la premsa.

Es realizat d'un biais completament benevòle per Aura Séguier. Una associacion s'es creada per ajudar al desvolopament de Paraulas en òc.

Se desiratz ajudar Paraulas en Òc en li mandant informacions, totas las proceduras de seguir per far recensar companhiás, CDs, libres... son explicadas dins la partida Mandar d'informacions.

Esitatz pas a parlar d'aqueste site a l'entorn de vos !

 

Estatuts de l'Associacion Paraulas en Òc

I. Tòca e composicion de l'Associacion

ARTICLE 1 - L'Associacion Paraulas en Òc a per tòca la promocion de la cultura occitana, mai que mai de la musica occitana. Lo sèti social de l'associacion es situat 8D Traverse de Villedaigne, 11200 Canet.

ARTICLE 2 - Los mejans d'accion de l'Associacion son :
- los otisses de difusion, mai que mai sus Internet
- las manifestacions intellectualas (conferéncias, exposicions, concèrts, etc.)
- e totas las iniciativas que pòdon servir las tòcas de l'Associacion

ARTICLE 3 - L'Associacion se compausa de sòcis actius (sòcis d'onor, sòcis aderents e sòcis donators).
- Los sòcis d'onor son causits pel Conselh d'Administracion, e lo títol de sòci d'onor es balhat a las personas que rendon o an rendut de servicis signalats a la Cultura occitana. Pagan pas de cotisacion.
- Los sòcis aderents son de personas fisicas o moralas que pagan una cotisacion annadièra a l'Associacion. Lo montant de la cotisacion es fixat pel règlament interior.
- Lo títol de sòci donator es balhat pel Conselh d'Administracion als qu'ajudan l'Associacion, financièrament, dins una proportion importanta.

ARTICLE 4 - L'adesion a l'associacion necessita l'adesion als presents estatuts e s'obten per pagament de la cotisacion ; es somesa a l'aprobacion del Conselh d'Administracion. L'Associacion interdís tota discriminacion, velha al respècte d'aquel principi e garantís la libertat de consciéncia per cadun de sos sòcis. La qualitat de sòci de l'Associacion se pèrd : 1° per la demission, mòrt (per las personas fisicas), dissolucion (per las personas moralas) ; 2° per la radiacion prononciada pel Conselh d'Administracion, per de motius grèus o per non pagament de la cotisacion, l'interessat estant estat primièr apelat a fornir d'explicacions.

Concepcion : Aure Séguier, Grafismes : Géraldine Puel