Ciutadans de la tèrra entièira
Escotatz plan la meu cançon
Serà un conte, una epopèia
Una gaujosa orason (bis)

Entre …

Legir tot

Ciutadans de la tèrra entièira
Escotatz plan la meu cançon
Serà un conte, una epopèia
Una gaujosa orason (bis)

Entre doàs mars i aviá un pòble
Era pas pièger que los autres
Amb una sola differéncia
Se languissiá al seu ostal.

Ni per cançons ni per pregàrias
Totjorn viviá desconsolat
E res lo podiá pas distraire
Ges de país mai fastigat.

Aquí quun jorn de vent soledre
Arribèt un pòble estranh
Diguèt : "Quitatz de vos penedre
Vos venèm tornar donar vam".

Demorèron mai de sèt sègles
Mudèron tot de cima en cap
Omes e Dieus, e leis e lenga
Cap de país mai apariat.

Causiguèron la toleréncia
De se mesclar, bstardejar
A l’encòp la resisténcia
Perdián pas res per esperar.

Ciutadans cresètz plan la faula
Car son parlar es just e clar
Cal cultivar lo metissatge
Per sa cultura reviscolar.

Cossergon a pas d’ostal
S’en faguèt un dins una corgeta
Cossergon a pas d’ostal
Per far teulada i a mes …

Legir tot

Cossergon a pas d’ostal
S’en faguèt un dins una corgeta
Cossergon a pas d’ostal
Per far teulada i a mes un dedal
E l’ivèrn lo freg l’amenaça
L’estiu acampa la calimassa
Finta finta finta-lo
Aquò’s lo paure Cossergon.

Cossergon a pas d’amics
Se’n marguèt un amb’una broqueta
Cossergon a pas d’amics
Amb un caulet i faguèt un vestit
Se lo vesiatz pertot lo rebala
I manca pas que la paraula...

Cossergon a pas de trabalh
Es valentàs coma una missara
Cossergon a pas de trabalh
Mas es content coma un perdigal
E tot lo jorn ne fa de musica
En tustent sus una barrica...

Cossergon a pas d’argent
Es ventre prim coma una claveta
Cossergon a pas d’argent
Te paga tot pas qu’amb de vent
El n’a pas cap de compte en banca
Ma se n’a pas aumens non li manca...

Cossergon a pas de gos
Se’n faguèt un amb una ficèla
Cossergon a pas de gos
Se’n faguèt un amb de cocorlons
E cada jorn pertot lo passeja
Sens cap d’estac ni mai de correja...

Cossergon a pas de molhièr
N’a facha una amb de poemas
Cossergon a pas de molhièr
N’a fach una amb de papièr
Li faguèt un capelon de rimas
Pas qu’amb de colors de prima...

Dança dança fai me fisança
Es una causa que descança
Dança dança te cal bolegar
E la ruca te passarà. …

Legir tot

Dança dança fai me fisança
Es una causa que descança
Dança dança te cal bolegar
E la ruca te passarà.
Dança dança lo còr te balança
Dança dança que vanga la transa
Dança dança te cal bolegar
E la ruca te passarà.

Tu trabalhes tota la setmana
Per un vièlh patron que t’escana
Que te fa crebar de fam
Lo cusson lo galapian
Embarrat dins la teuna usina
Dins lo rambalh de las maquinas
Tot lo jorn tenes somiat
Al moment que seràs deslargat.
E cada ser ni per lassièra
Per dintrar lo metrò que t’espèra
N’as per dòas oras pauròt
Quand i a pas grèva dels transpòrts.
Colcat tard, levat matin
N’as pas vam de te divertir
Mas se vòls te requinqiulhar
Lèva-te bota-te a dançar.

Sens comptar totas las talhas
Que te daissan sus la palha
A l’estat te cal tornar
C.S.G. e R.D.S.
Cal ben que tot òm la paguèssa
E quand as quicòm a crompar
Te cal pagar la T.V.A.
Cal pagar per l’agricultura
Cal pagar per las falsas facturas
Cal pagar per l’occitan
Qu’es pas ges la lenga de deman
Pagar per la canhòta sicreta
Pagar er far sautar la planeta
Se tot aquò te fa tròp inquietar
Lèva-te bota-te a dançar.

E se plòu tota la jornada
Que la prima s’es negada
Se los rius fan que sautar
Ieu te disi te cal dançar
I a pas mai de sason que valga
En estiu del freg pren-te garda
En ivèrn te cal lo capèl
Se te vòls pas cremar la pèl
Poluat l’aire que respiras
De pertot los desèrts s’estiran
Tan qu’i aura d’argent a ganhar
Plegaràn pas de tot saganhar
E tanpís per l’efèt de sèrra
Tan que lo capital prospèra
Davant qu’agèsson tot fach petar
Lèva-te bota-te a dançar.

Dança per cridar ta colèra
Dança dança pertot sus la tèrra
Arrapa-te qu’anam virar
Res nos poirà pas arrestar
Fai de ta dança una revòlta
Una ronda que tot empòrta
Quand serem de milièrs a dançar
Lo vièlh monde trantolarà
Dança sus tot çò que t’atrista
Dança sus l’estat centralista
Dança sus Monsur W
E sus la globalisacion
Dança sus los mercants de bombas
Dançs sus los mercants de tombas
La Talvera te farà dançar
Cada còp que te caldrà lutar.

E : Ò ! Tot la
Passa se vòls passar
Passa dejost las trelhas
E : Ò ! Tot la …

Legir tot

E : Ò ! Tot la
Passa se vòls passar
Passa dejost las trelhas
E : Ò ! Tot la
Passa se vòls passar
O laissa te’n estar.

Sul grand camin
Lo cat ambe lo chin
Fasián de cabriòlas
Sul grand camin
Lo cat ambe lo chin
Se volián divertir...

Repic :
De Tolosa a Pesenàs
Que nani nani
De Tolosa a Pesenàs
Que nani pas.

Rencontrèri tres galinas
Que …

Legir tot

Repic :
De Tolosa a Pesenàs
Que nani nani
De Tolosa a Pesenàs
Que nani pas.

Rencontrèri tres galinas
Que tenián un rainalàs
Que nani nani
Que tenián un rainalàs
Que nani pas.

La pus trassa totjorn cridava :
"Daissem lo qu’es pas pro gras !"...

Rencontrèri tres formigas
Que rebalavan un pòrc singlard...

Una lo teniá per las aurelhas
Las autras dòas pel trauc del nas...

Faguèri una autra legueta
Rencontrèri un pus bèl cas...

Rescontrèri tres milhaucas
Que lauravan un burgàs...

Lo boièr que las menava
Las podiá pas far virar...

Lor donèt un tròç d’ensalada
Las me cugèt debanar...

Faguèri una autra legueta
Rencontrèri un pus bèl cas...

Rescontrèri tres lebretas
Que dansavan al fons d’un sac...

La pus nauta totjorn cridava :
"O sac te destaques pas !"...

La pus bassa totjorn cridava :
"Arrestatz que me cachatz !"...

Rescontrèri una gleiseta
Sens vicari e sens curat...

Rescontrèri una cabreta blanca
Que rosigava los autars...

Lo lop èra detràs la pòrta
Que la ne voliá me confessar...

La cabra monta sus la campana
E la i gitèt pel cap...

Diga Joantol qu'as fach a la tia femna
Qu'aquesta nèit t'a fach tombar del lèit ?
Aquò's aital que tu …

Legir tot

Diga Joantol qu'as fach a la tia femna
Qu'aquesta nèit t'a fach tombar del lèit ?
Aquò's aital que tu la careçavas,
Aquò's aital que t'a fotut per l'ostal !

La nèit e lo jorn ò butavam Mariana
La nèit e la jorn ò butavam totjorn.

Vèni pel fen pichona Marioneta
Vèni pel fen que nos amusarem.
Vèni pel fen farem de crombimbetas
E puèi farem a sauta bodufet.

E l'an pas nòu las filhas de La Cauna
E l'an pas nòu lo prèstan coma Fan.
Se l'an pas nòu las filhas de La Cauna
Se l'an pas nòu nos costa pas un sòu.

Aquò's fotut las filhas d'en çò nòstre
Aquò's fotut pareis que l'an vendut
Es pas vertat las filhas d'en çò nòstre
Es pas vertat l'an que sonca prestat.

Repic :
Diga-me diga-li
Cal totjorn botar
Un pichon punt sul i.

Un jorn qu’èri a la broa d’un riu …

Legir tot

Repic :
Diga-me diga-li
Cal totjorn botar
Un pichon punt sul i.

Un jorn qu’èri a la broa d’un riu
Trapèri un ausèl qu’èra tombat del niu
Lo prenguèri al meu ostal
Lo calfèri al pè del fuòc
Pèi lo tornèri menar al bòsc
E quand lo metèri dins lo niu
Sa maire me faguèt : piu piu piu.

Un jorn qu’èri dins una clarièira
Trapèri una paura formiguièira
Una petroleta veniá de passar
E l’ostal de tèrra aviá fach tombar
Me metèri de genolhon
Per tornar bastir lo trace d’ostalon
Quand foguèri a mand d’acabar
Tot lo formigum se metèt a cantar.

Un jorn qu’èri en Australia
Trobèri un cangoró qu’èra tot malautiu
En pugent sus una teulada
La siá pòcha s’èra esquiuçada
Prenguèri de gulhas e de fial
E còpsec me metèri al trabalh
Quand metèri lo pichon dins son sac
Sa maire me prenguèt a bèl braçat.

Un jorn qu’èri dins un grand desèrt
Te trapèri un fotral de lusèrp
Lo solelh aviá calfat tan fòrt
Que lo bestialàs èra mièg mòrt
Amb un pauc de vin de Galhac
Lo t’agèri lèu asagat
E quand se tornèt reviscolar
Se metèt a dançar la polcà.

Un bon jorn a cò d’un maselièr
Vegèri un tesson qu’èra penjat pels pès
Era aquí tot desconsolat
Que lo volián cambiar en melsat
Sortiguèri lo meu cotelàs
Per lo tirar d’aquel missant pas
Quand l’agèri despindolhat
Se metèt a rire coma un fat...

Un jorn que dormiái a la serena
Vegèri una estela que tirava pena
Dins la nèch en faguent a clunheta
Aviá perdut son tropèl de planetas
L’estaquèri darrièr ma fusèia
Per traçar tota la contrèia
Quand trapèrem lo seu ostal
Se metèt a lusir coma un radal.

Dins lo cèl i a nòu estèlas
Pus pichonas que la man
Mas pareis que son pus bèlas
Que la …

Legir tot

Dins lo cèl i a nòu estèlas
Pus pichonas que la man
Mas pareis que son pus bèlas
Que la tèrra e la mar
La nuèch quand lo temps es clar
Que lo vent brèça las fuèlhas
La nuèch quand lo temps es clar
Sovent las vesèm dançar.

Dins lo cèl i a uèch estèlas...

Dins lo cèl i a sèt estèlas...

Dins lo cèl i a sièis estèlas...

Dins lo cèl i a cinc estèlas...

Dins lo cèl i a quatre estèlas...

Dins lo cèl i a tres estèlas...

Dins lo cèl i a dòas estèlas...

Dins lo cèl i a una estèla
Pus pichona que la man
Mas pareis que n’es pus bèla
Que la tèrra e la mar
La nuèch quand lo temps es clar
Que lo vent brèça las fuèlhas
La nuèch quand lo temps es clar
Sovent la vesèm dançar.

Divertiguem-nos filhetas
Qu’aicí la velha de Sant-Joan
Farem de camaradetas
En sautant, en branlant
Pauc o pro
Brandirem nòstre cotilhon. …

Legir tot

Divertiguem-nos filhetas
Qu’aicí la velha de Sant-Joan
Farem de camaradetas
En sautant, en branlant
Pauc o pro
Brandirem nòstre cotilhon.

Mai quand serem maridadas
Demorarem a nòstre ostal
N’aurem pas que la pensada
Als beguins, als jacotins
Als camisons, als borassons
Brandirem nòstre cotilhon.

L’aiga de la trementina
Serà plan bona dins nòstre ostal
Per adocir las esquinas
De fotrals amb un pal
Plorarem, gemirem
Gardarem l’òme quand l’aurem !

- Domaisèla pichonèla
De que fas l’estiu ? (bis)
- Vau potonar las floretas
Tot lo long del riu...

- …

Legir tot

- Domaisèla pichonèla
De que fas l’estiu ? (bis)
- Vau potonar las floretas
Tot lo long del riu...

- Domaisèla pichonèla
De que fas l’estiu ?
- Passegi mas amoretas
Duran pas bèl briu...

- Domaisèla pichonèla
De que fas l’auton ?
- Plori las fuèlhas que tomban
E cambian de color...

- Domaisèla pichonèla
De que fas l’auton ?
- Pensi al temps que trescola
E capvira tot...

- Domaisèla pichonèla
De que fas l’ivèrn ?
- Soi dins ma preson de seda
A cantar mos vèrs...

- Domaisèla pichonèla
De que fas l’ivèrn ?
- Somii de sortir de l’ombra
E tornar pica-sèrp...

- Domaisèla pichonèla
De que fas la prima ?
- Pensi al solelh que me guinha
Amont per las cimas...

- Domaisèla pichonèla
Q ue fas lo printemps ?
Chuqui la saba que monta
Per passar lo temps...

Dona un uòu poleta
Dona un uòu (bis)
Per faire una moleta
Poleta poleta
Per faire una moleta
Poleta dona …

Legir tot

Dona un uòu poleta
Dona un uòu (bis)
Per faire una moleta
Poleta poleta
Per faire una moleta
Poleta dona un uòu

Dona un uòu guiteta
Dona un uòu (bis)
Per faire una moleta
Guiteta, guiteta
Per faire una moleta
Guiteta dona un uòu

Una mosca en bicicleta
Fasiá lo torn d’un caulet
Encontrèt una mongeta
I fotèt un brave pet...

Repic :
Ara …

Legir tot

Una mosca en bicicleta
Fasiá lo torn d’un caulet
Encontrèt una mongeta
I fotèt un brave pet...

Repic :
Ara que la sason s’avança
Cal pas demorar al canton
Anem dintra dins la dança
Cantarem milanta cançons...

Dins lo trauc d’una sarralha
I aviá un rinoceròs
Que dançava l’escoticha
Sus quatre palms de fial gròs...

Una mirga s’afanava
A montar sus un pibol
La balena l’acorsava
A còp de pè dins lo cuol.

Dins una bóstia de sardas
Vivián 130 monins
Que fabricavan de farda
Amb de fuèlhas de ris...

Un tesson dins sa tessonièira
Que legissiá lo jornal
Vegèt la declaracion de guèrra
E tombèt se trobèt mal.

Lo combat d’una cigala
Contra un tropèl d’elefants
Emplenèt la mar glaciala
De cadavres e de sang.

E dança
Vai dança
E dança lo Parpanhàs...

L’autre jorn a Vabre
Vegèri venir
U carre fumaire
Pensèri morir
Se …

Legir tot

E dança
Vai dança
E dança lo Parpanhàs...

L’autre jorn a Vabre
Vegèri venir
U carre fumaire
Pensèri morir
Se fuma que fume
Aquò m’es egal
Qu’anga dins la luna
Quò’s pas mon trabalh.
Un jorn a Marsilha
Vegèri venir
Un tren de bons drilhas
Cugèri morir
Se fuma que fume
Es per far venir lo gaug
Monta sus la luna
Amai sovent pus naut.

Ie n’a quatre ròdas
Negras de carbon
Sens vaca ni muòla
Ni sens vacaron
Lo carre fumaire
Maquina a vapor
Totjorn ne fend l’aire
Amb un regulator.
N’a un escach de diòdas
De totas las colors
Sens viòla ni mandòla
Mas de sentetisors
Un molon de semplaires
De maquinas sens nom
Que venon asclar l’aire
De milanta ressons.

Mena a sa seguida
Un tropèl de vagons
Un plen de farina
L’autre de favons
Un autre menava
Filhas e garçons
De femnas e d’òmes
E de viatjors.
Mena a sa seguida
Un tropèl de chormons
De París de Marsilha
De totes los cantons
Quand la chorma en còla
Desbola un bèl jorn
Los francimands trantòlan
S’amagan los pebrons.

Un autre portavau
Cinc quintals de fèr
La maquina ronflava
Coma una sèrp
Tròta tròta tròta
Dins aquel valon
Sus tota la linha
E sus totes los ponts
Mena a sa seguida
Un tropèl de cançons
Reggae de jamaica
Borrèias e branlons
Lo tren d’Occitania
Partís totjorn comol
Se’n va de vila en vila
Per portar la leiçon.

Se qualqu’un arriba
Que siága en retard
Ne lèva las ússias
E ditz : "Ara es tròp tard !"
Aquí cal qu’atenda
Jusca l’autre tren
Per montar en voitura
E anar pus lènh
E se qualqu’un arriba
Que siága en retard
I a totjorn una via
Un veire un petard
Totjorn plaça segura
Auràs dins aquel tren
Anem monta en voitura
Anam partir pus lènh.

Cada defilada
Al còp de fiulet
La maquina lançada
Ba pren tot al net
Cada defilada
Al còp de fiulèl
La maquina lançada
Ba pren tot al bèl
Cada raggà baleti
Es un novèl espet
Lo fólzer es dins las tèstas
Lo fuòc es sul trastet
Cada raggà baleti
Es un viatge novèl
Per brandir las idèias
Bolegar tot al bèl.

En (t) anguent a Tolon
Passèri per Beucaire
Cantatz rossinholet
En (t) anguent a To1on
Passèri per Beucaire.

I rencontrèri …

Legir tot

En (t) anguent a Tolon
Passèri per Beucaire
Cantatz rossinholet
En (t) anguent a To1on
Passèri per Beucaire.

I rencontrèri ieu
La filha del pescaire...

I demandèri ieu
Se se daissava faire...

Ela me respondèt :
"Demandatz a mon paire !"
Ela me respondèt : "Demandatz a ma maire !"

Son paire respondèt :
"Aquò se poriá faire !"
Sa maire respondèt :
"Un bocin...un pauc...pas gaire !"

La toquèri tres còps
Trapèt qu'èra pas gaire.

Quitèri los esclòps
E i tornèri faire !

"E se n'avètz pas pro
Lo muòl es a l'estable !"

Repic :
En montent la Còsta Vièlha
Rencontrèri rencontrèri
En montent la Còsta Vièlha
Rencontrèri un galistron
En montent la …

Legir tot

Repic :
En montent la Còsta Vièlha
Rencontrèri rencontrèri
En montent la Còsta Vièlha
Rencontrèri un galistron
En montent la Còsta Vièlha
Rencontrèri rencontrèri
En montent la Còsta Vièlha
Rescontrèri Batiston.

Tornavi de la fièireta
Per un ser del mes de mai
Quand me parlèt d’amoreta
Las cambas me tenián pas mai
Me diguèt : "Vèni droleta
Anam dançar sus l’erbèta."
E me menèt lo coquinàs
Aval detràs lo, bartàs.

L’ombra dels pibols tremolava
Quand tombèri al seu costat
Lo solelh me fasiá colhambra
Quand me prenguèt a bèl braçat
El fiulava e ieu dançavi
Dins lo jorn que morissiá
Dos rossinhòls sens relambi
Dins lo ser se respondián.

O mesfisatz-vos drolletas
D’aqueles joves galistrons
Quand vos prenon per la maneta
Per vos panar de potons
Mesfisatz-vos sonbons parlaires
La catamiauna sabon plan far
Son pas que de calinaires
Que vos vòlan engarçar.

En Occitània sèm de bons enfants pecaire
En Occitània sèm de bons enfants
Sèm de bons enfants de polidas dròllas …

Legir tot

En Occitània sèm de bons enfants pecaire
En Occitània sèm de bons enfants
Sèm de bons enfants de polidas dròllas
Sèm de bons enfants de polits enfants.

E d’académia nautres n’avèm pas pecaire
E d’académia nautres ne volèm pas
Avèm mai d’un parlar mai d’una lenga
Mas pertot ont anam nos comprenam.

De capitala nautres n’avèm pas pecaire
De capitala nautres ne volèm pas
Anam de pòrt en pòrt de vila en vila
E pertot ont passam nos agradam

Nem de frontièira nautres n’avèm pas pecaire
Nem de frontièira nautres ne volèm pas
Nòstre ostal es dubèrt a la tèrra entièira
I a totjorn per manjar e per trincar.

De cants de guèrra nautres n’avèm pas pecaire
De cants de guèrra nautres ne volèm pas
Pas besonh de tambor, de Marselhesa
Nautres dempuèi totjorn cantam l’amor.

Un arcan que se miralha
Dins lo flume de tos uèlhs
Dos ausèls que se cascanhan
Sus la punta de l’asuèlh
Una bòla que redòla
Per las linhas de ta man
La fortuna que gingòla
A l’esquèrra de deman.

Una dròlla per la rota
Que desbrena un pauc de pan
Una grana jos la mota
Qu’a lo langui de puelhar
Una cata que s’escauda
Sus l’espassa del soldat
Una carta que descapta
Lo devenir del passat

Una estèla que torneja
Als quatre vents de la mar
Una pèrla que repesca
La beutat de tota part
Una sèrp que se desquirla
Al crosièr de tos pantais
L’enfant que brandís l’esquila
Al mièg del mercat del biais

Lo solelh que fa de trenas
Dins los pelses del desèrt
Lo regret que t’encadena
Dins la solesa de l’avèrs
Una poma e una pera
Que t’espèran al temps clar
Un perfum que se passeja
Pel regatge de l’asard

Una prigondor daurada
Sus las alas del resson
Lo bramadís de l’aubada
Que se nèga dins la font
Un sorire que s’esquiça
Sus la boca del faidit
Una ronda que t’atissa
A las raras de l’oblit...

Las pesadas de ton ombra
Dins las tubas del tabat
L’epigrafa sus la tomba
Que lo temps a rosegat
E l’amor...

En tirent la rassega
Guengué guengà
Scions là lalala
En tirent la rassega
Totjorn de naut en bas
Totjorn a …

Legir tot

En tirent la rassega
Guengué guengà
Scions là lalala
En tirent la rassega
Totjorn de naut en bas
Totjorn a torn de braç.

La mèstra me’n cridava...
Que la tiravi pas...

E ieu que la tiravi...
Totjorn de naut en bas...
Totjorn a torn de braç...

Anarem a la fièira...
La rauba de crompar...

La rauba de la nòvia...
Cent escuts m’a costat...

D’argent de ma pocheta...
M’a costat de ganhar...