Ara l’ora s’abança
Es finida la dança
Escota la romança
A de gaire mila ans
I a totjorn pas de …

Legir tot

Ara l’ora s’abança
Es finida la dança
Escota la romança
A de gaire mila ans
I a totjorn pas de saula
Dins aquelas paraulas
E ditz vertat la faula
Del poeta occitan.

Non sabi dins quina ciutat
Un jorn tombèt un plujarat
Que tot òme a pena tocat
Ne demorèt destimborlat.
Totis dessenats manca un
Escapat d’aquel revolum
Que dins son ostal dormissiá
Quand la mala raissa ploviá.

Aqueste d’aver pro dormit
Se levèt salve del resquit,
Venguèt defòra entre las gents
Que fasián fòls experiments :
Un en camisa, l’autre nud
Un escopís coma un perdut
Un tira pèiras a grand crit
E l’autre esquiça son vestit,

Aqueste se pren per un rei
Se quilha, se confla, se crei,
Un menaça, l’autre mal ditz
Quand un renèga l’autre ritz...
Lo que son èime aviá gardat
Ne foguèt esmaravilhat
Ja comprenguèt qu’èran capbords
E agachèt a son entorn.

Agachèt ben d’aval amont
Mas cap de savi trapèt non
E los autris mai estonats
Eran de lo veire senat.
De l’avisar venir plan suau
Siguèron : "Qu’es aquel colhaud
Que çò que fasèm non pòt faire ?"
Es inocent a lor vejaire.

E li cridan de fòl, de fat
Qui lo carpana, qui lo bat
Qui lo brandís e qui lo buta,
Tant que lo paure en desbaruta
Fugís en grand pena, en grand mal
S’amagar lèu a son ostal
Ont arribèt fangós, mièg mòrt
Mas plan content d’èsser a bon pòrt.

Aquela faula ditz ben pro
Cossí los òmes ara son,
Lo temps present es la ciutat
Que n’es tot plen de dessenats.
La pluèja que çai es casuda
Aquò’s l’enveja : n’es venguda
Per orgulh la foliá cobesa
Que tota la gent a perpesa.

E se n’i a un de Dieu gardat
Ja lo tenon per desvariat
Li cèrcan brega sens quitar
Pel tropèl li faire sutar.
Mas el vei un pòble caluc
Que lo sen del mond a perdut
E sómia d’una autra ciutat
Ont jamai plòu suls banhats.

Una poleta rosseta
A fach un uòu dins la casseta
Ni cuèch ni cru
Tira-te la bagueta
E vai-te’n tu. …

Legir tot

Una poleta rosseta
A fach un uòu dins la casseta
Ni cuèch ni cru
Tira-te la bagueta
E vai-te’n tu.

Una rascleta ni cleta ni clau
Seta bolheta castèl ronhau
Sirga mirga coa de rat
Tu siás un fat.

Rond rond la poma
L’aguièr crièr
Sampa la mar
Vira balajon
Comptava las oras
Las oras del jorn
Jorn jorlim jorlam
Citra mitra mirga
Coeta de rat
Tu siás un fat.

Auèi per curiositat
Ieu vos vau parlar del tabat
Que tot lo monde mai o mens
Pren de tabat de …

Legir tot

Auèi per curiositat
Ieu vos vau parlar del tabat
Que tot lo monde mai o mens
Pren de tabat de temps en temps
Tabatairas o tabataires
Li cal aquò per se distraire
Pòdon pas viure quitament
Sens prene un bocin d'aliment.

Gara gara que lo tabat
Es una planta apetissanta
Gara gara que lo tabat
A lo juc fòrt embrenat !

La filha qu'aima de fumar.
Cèrca totjorn a s'amagar
A vergonha de far saber
Qu'a tastat a n'aquel plaser
Es encara tròp jovenota
Ne fuma qu'una cigareta
Mas pòt pas téner tròp longtemps
Sens prene un bocin d'aliment!

La femna qu'aima de fumar
Es totjorn de mal contentar
Aprofiecha sovent d'un moment
Per ne prene un suplement
S'a lo bonur d èsser de nòça
Fa la cigareta mai gròssa
Siága l'ivèrn o lo printemps
A totjorn besonh d'aliment !

I a de femnas que qualque còp
Ne fuman pas que de barròts
Quand son balhats per lor espós
Los troban totjorn tròp pichons
E per cambiar de fabrica
Fuman lo cigara d'America
Pòdon pas viure Dieu vivent
Sens totjorn mai d'aliment !

Las atissadas del brulòt
Aiman lo gost dels vièlhs culòts
Quistan totjorn de tot costat
Per trapar un mont de tabat
Se'n van al bal de la Talvera
Se far emplir la tabatièira
Pòdon pas passar un moment
S'an pas quicòm entre las dents !

Femnas filhas o gojats
A maridar o maridats
Prenètz de tabat de temps en temps
Mas prenètz ne rasonablament
Que lo juc de nicotina
Pòt faire coraflar la peitrina
Poriatz trapar o Dieu vivent
Un brave sadol d'aliment !

Repic :
Ie ie iò iò
Diga me qual es aquò
Ie ie iò iò
Que travèrsa lo Vigan
Ie …

Legir tot

Repic :
Ie ie iò iò
Diga me qual es aquò
Ie ie iò iò
Que travèrsa lo Vigan
Ie ie iò iò
Es Carnaval escota ben
Ie ie iò iò
Nos es tornat ongan tanben.

Carnaval es per carrièiras
Fa mestièr de s’amusar
Fa dançar la tèrra entièira
De Rio a la Ciotà
Los tambors fan binga banga
Tot lo monde es mascarat
Lo paure en director de banca
E lo jutge en scelerat.

Carnaval es nòstra fèsta
Quitem pas de bolegar
Avèm tròp de jòia en tèsta
Lo daissarèm pas jutjar
E se coma una sorcièira
Decidavan de lo cramar
I a pro d’aiga a la ribièira
Mancarem pas de l’atudar.

Ieu en l’an 2002
Serai totjorn amorós
E en l’an 2003
Parlarai pas mai francés
E en l’an 2004
Jogarai …

Legir tot

Ieu en l’an 2002
Serai totjorn amorós
E en l’an 2003
Parlarai pas mai francés
E en l’an 2004
Jogarai dins un teatre
E en l’an 2005
Ieu passarai sus la cinc

Ieu en l’an 2002
Serai pus fòrta que vos
E en l’an 2003
Segur faretz pas lo pas
E en l’an 2004
Aurai aprés a me batre
E en l’an 2005
Pertot aurai de percings.

O vanta te bartàs
Que deguns te vanta gaire
E vanta te bartàs
Que degun te vanta pas...

Ieu en l’an 2006
Traficarai los tres sièis
E en l’an 2007
Serai pus fat que los pècs
E en l’an 2008
Mon Q.I. serà perfèit
E en l’an 2009
Mon cervèl serà tot nòu.

Ieu en l’an 2006
Demorarai sus un circèis
E en l’an 2007
Aurai milanta sicrèts
E en l’an 2008
Ma visa serà un delèit
E en l’an 2009
Deguns ma farà pas paur.

Ieu en l’an 2010
Cantarai tota la nèch
E demest los cançonièrs
Ieu serai un dels prumièrs
Serai pas mai un arganhòl
Cantarai coma un pairòl
Serai lo rei del music hall
E me veiretz dins los Guinhòls.

Ieu en l’an 2010
Aurai pas mai de despièg
E pertot dins l’univèrs
Mon nom aurà pas de prètz
Pus famada que Madonna
Farai tanben de cinemà
Quand montarai sus las pòstas
Pertot serà la revòlta.

Ieu en l’an 2011
De Marsilha serai conse
E en l’an 2012
Me bandarai coma un torge
E en l’an 2013
Aurai cambiat tres còps de fetge
E en l’an 2015
Aurai los anars d’un singe

Ieu en l’an 2011
Te dirai : "Vai-te far mólzer !"
E en l’an 2012
Serai pus òrra que lo fólzer
E en l’an 2013
Cambiarai vint còps de sexe
E en l’an 2015
Ieu farai tombar los princes.

Ieu en l’an 2016
Serai tornamai eretge
E en l’an 2020
Aurai la lenga de brim
E en l’an 2030
Serai dins totas las mementas
E quand serai centenari
Serai dins lo diccionari.

Ieu en l’an 2016
Sus la luna aurai de dreches
E pertot sus la planeta
Serai la reina, la profeta
E en l’an 2000 japa
Ieu farai calar lo Papa
Quand seràs dins las analas
Serai vengut eternala

Joan de la Riula mon amic
Ai que ta femna es mal cofada
Baila-me-la, la cofarai
A tota ora, a …

Legir tot

Joan de la Riula mon amic
Ai que ta femna es mal cofada
Baila-me-la, la cofarai
A tota ora, a tota ora
Baila-me-la, la cofarai
A tota ora quand l’aurai.

Joan de la Ribas es aribat
Amb una carga de flaütas
Quant las vendètz, quinze denièrs
Son traucadas, son traucadas
Quant las vendètz, quinze denièrs
Son traucadas, causissètz.

Art’aquí l’Atissaira
Que vos ven picanhar
De dançaire en dançaire
Corrís sens s’arrestar. (bis)

Anem pichon
Passa la cadena
Subre …

Legir tot

Art’aquí l’Atissaira
Que vos ven picanhar
De dançaire en dançaire
Corrís sens s’arrestar. (bis)

Anem pichon
Passa la cadena
Subre cent drollons
N’i a pas un de bon. (bis)

Art’aquí l’Atissaira
Que vos ven picanhar
De dançaire en dançaire
Corrís sens s’arrestar. (bis)

Ara la molhièr
Dança la borrèia
Bradís lo drelhièr
I pòdes pas res. (bis)

Art’aquí l’Atissaira
Que vos ven picanhar
De dançaire en dançaire
Corrís sens s’arrestar. (bis)

Ara pertot
Avèm la gobèrna
Amai en amor
Avètz pas mai lo mot.

Art’aquí l’Atissaira
Que vos ven picanhar
De dançaire en dançaire
Corrís sens s’alassar. (bis)

Anem pichon
Passa a la padena
Subre cent drollons
N’i a pas un de bon
Anem pichon
Passa a la padena
Subre cent drollons
Seràs benlèu lo bon.

Art’aquí l’Atissaira
Que vos ven picanhar
De dançaire en dançaire
Corrís sens s’alassar. (bis)

Ara la molhièr
Dança la borrèia
Fa lo cavalhièr
I pòdes pas res (bis)

Art’aquí l’Atissaira
Que vos ven picanhar
De dançaire en dançaire
Corrís sens s’alassar. (bis)

Ara pertot
Avèm la gobèrna
Amai en amor
Avètz pas mai lo mot...