Sobre Santa Reparada
Plòu e senti ben
L’ai aquí la mauparada
M’au silenci dei gents

Lo monde es grand
Ieu …

Legir tot

Sobre Santa Reparada
Plòu e senti ben
L’ai aquí la mauparada
M’au silenci dei gents

Lo monde es grand
Ieu siáu tant pichon
Mas ai mil’ans de pantais
E lo passat mi brutla lu dets
Lo frei amuèrce la nuech

S’ai escrich a la malora,
Se tu mi capisses pas,
Sentes mai luenh que cen qu’audies
Lo gabian s’es enanat

Era l’an mil e nòu cent subla
Gag e Genari cantavan
Sensa augurar la tant’amara
A la sosta d’une flor

E li fau una cançon
Despí lo monde de caires
‘mé cen que senti sota-votz
E lo malan de la fin

Dies que tu n’as pas de raiç
Mas ieu de branca n’ai minga
L’ària nen manca a totai doi
Lo fantaume es gelat

Non plorar, non asperar
Mas virar emé li cauas
Emé l’amor, dau bòn ensinda
Nen revendrà lo gabian

Amiga d’un sera
Ti parli d’un monde silenci
Sus la tèrra de França
Despí de sègles embarrat
Esgarat ai vents …

Legir tot

Amiga d’un sera
Ti parli d’un monde silenci
Sus la tèrra de França
Despí de sègles embarrat
Esgarat ai vents de l’istòria
Amiga d’un sera
Laissa lu mòts intrar

Se creses que dau bòn pantàii
Que la tèrra de França
Es tèrra de libertat
Un jorn lu catares an cremats
En galèra lu barbets an mandats
Amiga d’un sera
Laissa la ràbia intrar

Deman per nautres sera la fin dau viatge
Lo nòstre esper lo cau agantar
Amiga d’un sera
Ti parli d’una paura vida
Siáu ren qu’un òme aquí a cantar

Lu mieus mòts van pantaiar
De còups mi manca la fòrça
Mai que d’un còup mi siáu enganat
Canterai tant que lu buf mi menerà
Pereu siáu aquí e per tu canti

Amiga d’un sera
Laissa la vida intrar
Amiga d’un sera
Laissa la jòia intrar

Cala la pluèia
Pareisse que darrier lo barri
L’i es bessai la mar
Cala la pluèia
Cala sus nòstra vida …

Legir tot

Cala la pluèia
Pareisse que darrier lo barri
L’i es bessai la mar
Cala la pluèia
Cala sus nòstra vida
E lu sòmis maravilhós

Mas ieu, enfant pichonet
Vòli viure vòli viure,
Mas ieu, enfant pichonet
Vòli estar drech

Cala la pluèia
Darrier lo fieu-fèrre pareisse
Que l’i es un pauc de rire
Cala la pluèia
Cala sus nòstra tèrra
Cada jorn es carneval

Cala la pluèia
Pichona ti siás enanada
Sensa ren dire
Cala la pluèia
Cala sus lo mieu morre
Solet sota la pluèia

Mas ieu, enfant pichonet
Vòli viure, vòli viure
Mas ieu enfant pichonet
Vòli estar drech

Cala la pluèia

Dins una carriera estrecha
Un òme camina la nuèch
Es vengut d'una autra tèrra
De pantaïs a cada braç
Bravi …

Legir tot

Dins una carriera estrecha
Un òme camina la nuèch
Es vengut d'una autra tèrra
De pantaïs a cada braç
Bravi gens regarjatz pas
A d'estelas plen la boca
Bravi gens regarjatz pas
Bravi gens li parlatz pas

E passa coma lo lume
Donant la febre en toï
Despi vingts segles travaca
Sus doï colas a cavau
Bravi gens lo tocatz pas
Pareisse que dòna la malautiá
De viure en sanhant verd
Bravi gens lo tocatz pas

Es vengut d'un autre monde
Eme li sièu amics babiàs
Dalin dalan per la lavanda
A pichins bots recommençats
Bravi gens lo tocatz pas
Si pòu pilhar la malautiá
Lo monde si mettre a balar
Bravi gens lo tocatz pas

Siem pas aquí per si rire
E l'òme solet s'es pendut
Dins una carrièra eseura
Sensa un bram sens'un bram
Bravi gens vi ploratz pas
A d'estelas plen la boca
Bravi gens vi ploratz pas
Bravi gens anem cantar.

Cauria que vos diguèssi
Bèu soleu qu’escaufa la pèu
Cauria que vos diguèssi
Èrba verda per li feas ò li …

Legir tot

Cauria que vos diguèssi
Bèu soleu qu’escaufa la pèu
Cauria que vos diguèssi
Èrba verda per li feas ò li vacas
Cauria que vos diguèssi
Mar, coma un sucre dins una bòla
Cauria que vos diguèssi
Ària dins lo piech
Bòna ària dei matins sensa nèbla
Frema, vin novèu
Òli sul tomati

Cauria, ‘mé de mèu sota la lenga
E de galòfres dins lu uelhs
País, mon País batetjat de sudor
Ti teni companhia
País pintat de matins rogissents
T’esquici per ne’n beure encar’ un pauc
E ieu m’en vau en tu
Que vòles pas crepar
E ieu me’n vau en tu
Descolorit, desganguilat

E tu, a la crotz d’un camin ventós
Sònes una frema per ti levar lo frei
Sònes dins la nuech ti sente un ganavèu
E li estèlas espaventadi
S’escapan en faguent de lume
Sus l’esquina giboa dau temps

Cauria ‘mé de mèu sota la lenga
E de galòfres dins lu uelhs,
País mon País batejat de sudor
Ti teni companhia
País pintat de matins rogissents
T’esquici per ne’n beure encar’ un pauc
E ieu m’en vau en tu
Que vòles pas crepar
E ieu m’en vau en tu
Descolorit, desganguilat

Lo temps s’aropa cada jorn
Lo vielh temps dei constipacions
Lo sèra rompe lo miegjorn
Dont duermon li revolucions

L’aucèu-festin …

Legir tot

Lo temps s’aropa cada jorn
Lo vielh temps dei constipacions
Lo sèra rompe lo miegjorn
Dont duermon li revolucions

L’aucèu-festin vendrá bensai
De Wichitá ò Barcelona
Mas crèsi qu’es ren qu’un pantais
Cau pas plorar la mieu pichona

Ai, chau viva ! Chau Viva !
Ò Mamanina !

Tu, vòs d’enfants per l’an que ven
Emé « de ròsas e de pans »
Escote-mi, ti vòli ben
Aspera ben es per deman

Lo tieu pantais es un mesclun
Paure colhon equilibrat
Per li carrieras l’i a degun
Que siam toi pròpi retirats

La Maria Joana dau canton
Ti sembla pròpi un soleu
E fa badar toi lu colhons
Que son jamai montats au sieu

E per aquí ve, tot es gris
Li anam toi lo cuo amar
Que lo borgés ti fa sentir
Mas cambarada es pas tròup tard

De cen qu’ai dich
De cen qu’ai fach
Ai pas vergonha
Dei mieu jòias, dei mieu làgrimas
Ai pas vergonha …

Legir tot

De cen qu’ai dich
De cen qu’ai fach
Ai pas vergonha
Dei mieu jòias, dei mieu làgrimas
Ai pas vergonha
Encuei siáu coma vos
La vida m’estirassa
Un jorn d’amont
Un jorn davau
Li es pas de miracle
En camin ai perdut
Quauqui sòmis, quaque’ amics
Li mieus berris son venguts lòngs
E ai pilhat de tripa

De cen que ai dich
De cen que ai fach
Ai pas vergonha
Dei mieu jòias dei mieu làgrimas
Ai pas vergonha
Aqueu qu’es pas content
Que si vague pilhar un banh
Lo vin es totjorn bòn, leis amics sabon rire
De temps en temps
Mi piqui en tèrra
Coma un bèl estassi
M’enauci e reparti
La vida m’estirassa

De cen que dii
De cen que fau
Ai pas vergonha
Dei mieu jòias dei mieu làgrimas
Ai pas vergonha
De temps en temps
Mi piqui en tèrra
Coma un bèl estassi
M’enauci e reparti
La vida m’estirassa
Encuei siáu coma vos
Pas pus ric, pas pus fòl
Encuei siáu coma vos
La vida m’estirassa

De cen qu’ai dich, de cen qu’ai fach, ai pas vergonha

Duerme emé ieu filheta
Derme emé ieu dintre aqueu liech
Siás una musica tant doça
Siás un camp cubèrt de …

Legir tot

Duerme emé ieu filheta
Derme emé ieu dintre aqueu liech
Siás una musica tant doça
Siás un camp cubèrt de flors
Siás un rire que passeja
Quora a maion fa bòn èstre ensems

Lo vent dins li rores
Subla la sieu cançon
Vene emé ieu
Duerme emé ieu

Duerme emé ieu filheta
Li marridi bèstias si son escapadi
L’i es l’enfant que juega
L’i es l’enfant resplendissent
Siás lo fuec que escaufa
Siás la raïç que mi ten drech

Duerme emé ieu filheta
Duerme emé ieu, deman es luenh
Siam tu e ieu, lo relòri si ferma
Siam tu e ieu, deman es luenh
Duerme emé ieu filheta
Es doç lo gust dau vent

Lo vent dins li rores
Subla la sieu cançon
Vene emé ieu
Duerme emé ieu

E lo jorn vendrà
Que careçerà
L’espera dei mieus uelhs
E lo jorn vendrà
Que vendrà tanben
E lo jorn …

Legir tot

E lo jorn vendrà
Que careçerà
L’espera dei mieus uelhs
E lo jorn vendrà
Que vendrà tanben
E lo jorn vendrà
E seràs mai liura
Que lo maça-flic
Dau roge mes de mai
E seràs mai liura
Que li gabianòlas
Dau vent terrador

Canteràs mai luenh
Que la lònga votz
Dei vielhs trobadors
Canteràs mai luenh
Canteràs tanben
Reinat Char e Ritsous
L’Euskadi de deman
Lu fraires Catalans
L’Euskadi de deman
Lu poètas embarats
Auràs pus vergonha
De parlar Occitan

Bensai qu’un endeman
Borrèus s’escaperàn
Per la si faire bòna
Borrèus s’escaperàn
Per la si faire bòna
Embé lo soleu
Un jorn vendràs tanben
Escriure sus lo barri dau mieu
« Drech de viure »

Siáu un gròs malerós
Escotatz joventura
Siáu estat amorós
N’ai augut d’aventuras
Un jorn ai cogordons
Ai gastat la mieu …

Legir tot

Siáu un gròs malerós
Escotatz joventura
Siáu estat amorós
N’ai augut d’aventuras
Un jorn ai cogordons
Ai gastat la mieu vida
Despí de l’abandon
De la mieu Margarida

En calant de Cimier
Sota d’una figuiera
Ai rescontrat Noré
‘Mé la mieu calinhera
Aquò es un destin,
Que lo bòn Dieu nen dona
Ai pilhat lo fusiu
Ai tuat la pichona

E despí d’aqueu jorn
Pensi a l’infidèla
En regretant totjorn
La sieu fin tant crudèla
En lu prats de Cimier
Vau portant la mieu pena
En plorant lo malur
Dont lo destin nen mena

Esto matin lo mieu batèu s'en va
Tu qu'estas aquí non ti plorar
Auriam poscut viure trent'ans ensems
Mas sensa …

Legir tot

Esto matin lo mieu batèu s'en va
Tu qu'estas aquí non ti plorar
Auriam poscut viure trent'ans ensems
Mas sensa gust la sauça vau ren
Esto matin m'en vau sensa mentar
Se li son tres flors per pantaiar
Ai oblidat canque m'agrada ben
Sièu sensa estòria aquò mi fa de ben

Es la fauta en degun e lo sabem
L'istòria s'arresta li es plus ren
Auriam poscut estre doi soleus
Si donar la man un sera de junh
Segur avem mancat lo bòn camin
Siem dins li baranhas sensa vesin
Obliderai pas tots aqueli jorns
Qu'avem escolat 'tai soi ensems

Esto matin lo mièu batèu s'en va
Tu qu'estas aquí non ti plorar
M'en anerai vers l'an que ven
Passa la vida deman verem ben.

Felis Galean aviá
Emparat a mendicar
Lo sièu pan
Ai forestiers dau casinò
Diguèt un jorn
A Nore Ciais
Dau …

Legir tot

Felis Galean aviá
Emparat a mendicar
Lo sièu pan
Ai forestiers dau casinò
Diguèt un jorn
A Nore Ciais
Dau nissart n'en fan un can
Aquèu monde
Lo capissi ; pas m'en vau

M'en vau dont espelisse
L'estela dau sera
Sus li ribas d'en palhon
Quora an tirat
En Pellegrini
En causa d'una mita
N'an arrestat tres
De l'as de piqua
Degun dei tres a parlat
En galera an mandat Nore
En junh
Dau mille nòu cent vint

Non veira pus naisser
L'estela dau sera
Luenh dei ribas d'en palhon

Un ome veliá crompar
La maïon de Nore Ciais
Felis li respondet
V'ai t'en
L'argent non pau pagar
La vergonha e la foliá
Nautres vendem pas
La terra dei vivents

Nore revendra coma
L'estela dau sera
Sus li ribas d'en palhon

Pi lo temps
A passat
Nore Ciais es revengut
Li febres de Cayenna l'an crucit
Sai Nore
Cau pas laissar creisser
L'erba sus lo camin
Que mena
A la maïon d'un amic
O Felis mon fraire
Li serà basta d'erba
Per cerbir lo mieu còr ferit
Ma vòli veire
Un darnier còup
Calar l'estela
Dau sera
Sus li ribas d'en palhon.

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem …

Legir tot

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem
Aqueu es lo darrier
Asperam lo que ven
Mas s’endraia solet

Li vau balin-balan
Tra d’aquelu lorditges
E mi negui plan-plan
Dins la mieu folia

Ai barrat la pòrta
E lo mieu còr tanben
La mieu rason es mòrta
Aquò mi fa de ben
Tant de temps ai negat toi lu mieus desideris
Aura ai decidat de faire un pauc l’arleri

Siáu partit dins lo sera
Ai laissat lo vilatge
E lo mieu « trip » si serra
Per aqueu darrier viatge
cen que serà la vida
m’en bati la cançon
Que ti canti s’es poirida
Dins lo darrier vagon

Lu raias son polits
L’i van tra la mieu nuech
Ben drech a l’infinit
Enclavan lo mieu piech
Escotatz bravi gents
Es la cançon d’un garri
Qu’a la fora totplen
D’emparar lo judici

Un jorn un jorn bessai
Un jorn long de vida
Jorn embriac de la paur de la paura tèrra
T'anerem …

Legir tot

Un jorn un jorn bessai
Un jorn long de vida
Jorn embriac de la paur de la paura tèrra
T'anerem trovar la fòla esconduda

Un jorn segur
Un jorn malaut dau silenci dei crotz
Jorn negat l'escuma au canton dai labras
T'anerem pilhar la fòla esconduda

Jorn sensa lenga
Jorn bastard e gibos
Jorn parpaion brut emmascat
Jorn sàssi dei sòmi
T'anerem estacarla fòla esconduda

Un jorn vergonha
Jorn clavelat pintat mascarat
Espaventat de la sang dau darnier jorn
T'anerem cremar la fòla esconduda.

Ò la nuech, la nuech èra bèla
Una nuech pintada d’estèlas
Una nuech de luna amiga
Una nuech de rainards …

Legir tot

Ò la nuech, la nuech èra bèla
Una nuech pintada d’estèlas
Una nuech de luna amiga
Una nuech de rainards dins la còla
Una nuech sensa vent
Una nuech de pantais e de fèbre

Alora ai vorgut agantar lo lume
Escondre un’ estèla sota un peiràs
Alora ai vorgut mòrdre la vida
M’enanar per lu camps jerps

Ò la nuech, la nuech èra bèla
Nuech blu fòra dau temps
Una nuech de mèu, de sant joan
Una nuech de bondas floridas
Una nuech com’ un buf sus la mar
Una música que tremòla plan plan

Alora mé de folia en la boca
De rius d’esper sota la pèu
Coma fòls avèm corruts dins li faissas
Dins lo silenci de la nuech

Ò la nuech, la nuech èra bèla
E tu l’ères encà de mai
Avies d’uelhs mai clars que lo riu
De berris mai blonds que lo blat
Lo tieu còrs èra coma una fèsta
Li tieu labras avion gust de mar

Alora ai oblidat lo lume
Li èstelas e li rainards
Ai begut fins au matin la tieu fèsta
E lo jorn n’a trovats dins lo camp jerp

Baronant a la malora
Vau per raras e per camins
Coma es bèla la pastora
Rescontrada de matin !

Vau …

Legir tot

Baronant a la malora
Vau per raras e per camins
Coma es bèla la pastora
Rescontrada de matin !

Vau denant sensa retorn
Que non ai ostau ni amor

Siáu partit non sabi quora
E m’impòrta pauc la fin
La sieu boca es une amora
Tra doi gautas de carmin

En un luec degun mi plora
E ieu non ai de chacrin
D’un regard que s’enamora
Ma planhut ieu tant mesquin

La mieu set ai fònts s’amora
Ai pan negre per festin
M’au bòn lach de Val de Blora
S’en venia au sieu casin

Ja fumavan de bòna ora
Lu vielhs teules lauvaniers
Toët e frema que l’onora
Non son ren dau mieu destin

Aquí lu jorns semblan lòngs
Lu promiers freis son venguts
Plan li feas s’endraian
Per d’amont lo jas perdut

E …

Legir tot

Aquí lu jorns semblan lòngs
Lu promiers freis son venguts
Plan li feas s’endraian
Per d’amont lo jas perdut

E la sieu cara quieta
Entressa lo mieu sovenir
Per mi dire : « as mancat la mieu fèsta
As mancat lo mieu ben voler ! »

Li bèstias fan de pantais
Ieu pòdi manco plus durmir
E lo sieu còr reven mai
Tra la mieu mòrt aquí

Siáu lo prince dei dolors
Minga soleu m’escauferà
Ai perdut lo mieu amor
Plora lo rai ti menerà

E la sieu cara quieta
Entressa lo mieu sovenir
Per mi dire : « as mancat la mieu fèsta
As mancat lo mieu ben voler ! »

Madalon sus lo canton
Que si breçolava
Que si breçolava d’aquí
Que si breçolava d’aià
Que si breçolava

Un gibós …

Legir tot

Madalon sus lo canton
Que si breçolava
Que si breçolava d’aquí
Que si breçolava d’aià
Que si breçolava

Un gibós marrit gibós
Que la regarjava
…

Ò gibós marrit gibós
Qu’as que mi regarjes
…

Madalon pilha un cotèu
Lo copa la giba
…

Ò pegon, brave pegon
Preste-mi de pega
…

Lo gibós s’en va content
D’aver mai la giba
…

Moralitat :

Filha n’agut tres enfants
An toi tres la giba