Oh che piasì s’ a voleissa dansé con mi
Am gaverìa l’ëstrì ch’ i l’ hai ‘d vivi ‘n bele-sì
…

Legir tot

Oh che piasì s’ a voleissa dansé con mi
Am gaverìa l’ëstrì ch’ i l’ hai ‘d vivi ‘n bele-sì
A cangerà pà ‘l mond con ti asnima ‘na canson
Tutun për ‘na pugnà d’ ëscond a peul pasiesse cost ësfond
Alé! Che nòsta stason a l’è rivà
E ‘n pressa l’ istà it l’has menà
Ël tò passagi a l’è ‘na ramà
Ch’a fa ravagi ma a l’è lesta passà
It ses ël feu ‘d paja ch’ a dura ‘na canson
it t’ ëslontan-e sla raja
E mi restà ‘n stassion,
ël cheur a s’ antàja
ch’a-i sarà pà ‘n pòst pró leugn
për feme dësmentié tò nòm faja!
adess bala con toa testa sla mìa spala
che mi i sai pà mai andova sarai
e ti a scòla sël tramvài o magara a travàj
it argretto ‘ntant ch’ arfletto sle vite che mai vivrai

com’ as amusa cand ch ‘a strusa nòsta fiùsa
a l’é ‘n mond salòp
ma andrinta a-i no brùsa qoài còsa ch’ a lùsa
com i feuisso dij fojòt (x2)
doi pass a gàucia e doi a drita
temp ëd fé “scottish” it n’ avrass tuta la vita
coma ch’ a l’ è doss l’ amor cand ch’ argica
ma për fé-lo vnì amèr a l’è pró cangé ‘na litra
doi pass a gàucia e doi a drita
temp ëd fé “scottish” it n’ avrass tuta la vita
nopà cost moment-sì a l’ ha qoaicòs ëd pì
ch’ a sìa ‘l seugn ëd ti ant ël mè avnì?

lassa perdi së doman savroma pà pì ch’ i soma
së gnun-a dë ste stèile a savrà dì
chi ch’ a l’ era con mi
cola neuit al bal
ch’ ansima ‘na canson a bogiava scarpëtte ‘d cristàl
ansema a un con j’ ëscarpon com la fàula ëd cenerentola
ma contà mal da un ch’ a l’ ha dësmentià ‘l final
un-‘ argin-a ch’ a fa senti ‘n rei
n’ òm sènsa cavàl e sènsa lèj
ch’ a spera ‘nt la neuit d’ essi ‘l lader
dij bisó ch’ a stërmo ij tòi laver ij tòi cavèj
alora dime “babye” pijé ancor da bèive?
e“cin-cin” ma ‘l tò bicer a l’è già veuid
coma costa neuit ch’a l’ é giumai a la fin
e ij tòi euj’nt ij mèi a vejran pà ‘l matin
ël dì a venrà a sglafié ij pì bèj seugn
coi sòi raj sël cusin,stame vsin pocionin!

E i’ arcòrd a svanisso
com a feuisso butà ‘n “delay”
Ma sota ‘l sipari ‘d àurti cavèj
‘l neuv amor as farà sotror dël vèj (x2)

com’ as amusa cand ch ‘a strusa nòsta fiùsa
a l’é ‘n mond salòp
ma andrinta a-i no brùsa qoài còsa ch’ a lùsa
com i feuisso dij fojòt (x2)
doi pass a gàucia e doi a drita
temp ëd fé “scottish” it n’ avrass tuta la vita
coma ch’ a l’ è doss l’ amor cand ch’ argica
ma për fé-lo vnì amèr a l’è pró cangé ‘na litra
doi pass a gàucia e doi a drita
temp ëd fé “scottish” it n’ avrass tuta la vita
nopà cost moment-sì a l’ ha qoaicòs ëd pì
ch’ a sìa ‘l seugn ëd ti ant ël mè avnì?