i son andait la su, ij pè ch’ a sagnavo
i’ euj ch’ a sugnavo ‘d avèj già vinciù
i …

Legir tot

i son andait la su, ij pè ch’ a sagnavo
i’ euj ch’ a sugnavo ‘d avèj già vinciù
i ven-o da lontan i l’ hai lassà fomna e fròcia
e col corage ‘n sacòcia i l’ hai prontà ‘l tascapan
i l’hai butàje ij sagrin i l’hai butàje la por
boneur ch’ a-i è ‘l vin ch’ a no dà bonimor
con ij pè e ‘l cheur sagnant
nòsta tropa a s’ encioca
dëstopa la bota
ch’ ij pinton a son soagnant
e con ël fusil an bras i vas a fé la goèra
për difendi la frontièra andova a bogio ij mèi pass
e arduit al tross i l’ hai portala
la bajonëtta ‘n spàla com’ a feuissa ‘na cross
i ‘t pregoma nòst-Sgnor dij tuti ij bajèt
it sas ch’ i l’ oma la por stërmà dre ij murajèt
i ‘t pregoma nòst-Sgnor dij tuti ij bajèt
it sas ch’ i l’ oma la por stërmà darera ij murajèt

e dëcò s’ ij nemìs a son motbin pì che noi
s’ a l’è për ël nòst paìs i ‘s na batoma dl’ ësbùj
alora gàva ij ròch da costa muràja
e campne ij tòch acòl a cola maràja
e tuta nt ën moment potent qoaidun a bràja
com ën tron: bogianen! A l’ ha marcà la batàja
tòh! costa a l’è la pera s’ a vo basta pà pì ‘l piomb
la pera ‘d cola tèra ch ‘a së s-ciama Piemont!
I l’ hai tovà l’ arlass andova son cogià
Adess son an pas dsora a ij tòi prà
Colpa o grassie a ‘n tenent ch’ a l’ha ordiname:
“bajèt bogia nen!” da si son mài pì bogiame
Colpa o grassie a ‘n tenent ch’ a l’ha ordiname:
“bajèt bogia nen!” da si son mài pì bogiame