Escapado

Musicas de dançar - Frèjus (França)

Escapado es un orquèstre de musicas tradicionalas. Es la tradicion occitana, de musicians que van al rescontre de son public. Un dotzenat de musicians que fan costejar galobets, tamborins, flaüta traversièra, acordeon, cornamusas, vièlas de ròda, violons, guitarras electricas, batariá e cants.

Un mescladís susprenent dins una ritmica d'una vitalitat contagiosa, una convidacion a la dança; una musica noirida de las influéncias mai divèrsas d'Occitania, de Provença a Itàlia, amb una escapada sus las rivas celticas.