Man encantada

Musicas de dançar - França

La Man Encantada, aquò’s la man dau shaman que trebolha la volontat e lo cert. L’òm ne sap pas mei se lo cantanèir de la mandòla nos rossega capvath los estanquets daus cais de Bordèu o dens quauque bayou d’un delta imaginari, dens las plujas lòngas de novembre sus la landa de Gasconha, o per devath un calelh roge dau pòrt de Shangai. L’acordeon pompa coma bohan après l’estrenta d’una dança, tant que lo bugle fèi ressonar sa calor coirada, ací e desseir. Mes, de la mandragòra au banc de Maian, la hilha perduda dau pòrt, Asmodet velha totjamèi sus aquesta dròlla d’amuleta en fòrma de man.