Arièja, Arièja, o mon país,
O terra tant aimada, maire tant adorada
De près de lenc totjorn, ton nom me …

Legir tot

Arièja, Arièja, o mon país,
O terra tant aimada, maire tant adorada
De près de lenc totjorn, ton nom me rejoís
Arièja, o mon país.

Aimi d’amor tas montanhas supèrbas.
L’ivèrn lors met un blanc abilhament.
E dins l’estiu, al miètg dals nautas èrbas,
Los anhelons reguitnan folament.

Arièja, Arièja, o mon país …

Aimi tanben tas planas tant polidas,
Riche tapís de vinhas e de blats,
Tos rius d’argent e tas pradas floridas,
E tos planèls de bòsques coronats.

Arièja, Arièja, o mon país …

Per l’aucelon, fasque solelh o pluèja,
Lo pus bèl nis serà totjorn lo sieu.
Som ariegès, daissatz-me mon Arièja,
Cap de país n’es polit coma lo mieu.

Arièja, Arièja, o mon país …

O mon país, tant doç a ma memòria,
Ton nom aimat es gravat dins mon còr.
Ont som nascut, Dieu vòlga que me mòria,
Jol mieu cèl blu, jol mieu bèl solelh d’òr.

Arièja, Arièja, o mon país …