Gramaci pèr vosto counvidacioun
Ero pas marrido nosto
relacioun.
Ço que vau vous óufri, aro à tort o à dre,
Es belèu, quau lou saup, ma darniero cansoun.
Uno de mai o uno de mens, d’en-premié,
Crese que chanjara pas grand causo dins lou founs,
Es un biais agradiéu de faire un bilans,
De ma vido d’artisto, e de musician.
Mai que s’en remembrara ?
Degun ! Ié fai rèn ! Mai avans…
Gramaci pèr vosto counvidacioun
Ero
pas marrido nosto relacioun.
Me souvendrai pas
De chascun de vous.
Mai, garde au cor
Mi plus bèu rendès-vous.
Gramaci pèr vosto counvidacioun
Auran crento de iéu, tòuti mi
grands einat ?
Léo Ferré, Brassens, Brel, Becaud, Barbara.
Eli, avién trouba, uno impoussiblo estello
Siéu pas segur deman que la mieuno se desvèlo.
Siéu sincère, lou jure, acò fai pas
soufri.
Que ièu dins moun mestié, sabe que i’a plus marrit
Coume autour, e peréu coume artisto
Ai pensa quàuqui fes: « Eisiste ! ».
Gramaci pèr vosto counvidacioun...
Passe sus mis
annado de grand doulènci
Licèu, counservatòri, ingrato adoulescènci
Boumbounejavo en iéu, de longo un voulcan.
E me disiéu : « Un jour, belèu devendrai grand ! ».
Ai près un béu matin lou
camin de Paris.
D’en proumié : Que galèro ! Piei la chanço m’a sourri.
Ma cansoun "La Font", a fa l’Eurovisioun,
Ere uno bono debuto, noun ?
Gramaci pèr vosto counvidacioun.
Ero pas
marrido nosto relacioun…
Ai coumpausa alor pèr lis artisto en plaço.
Amave moun mestié, senso agué la testasso.
Mai dins uno muto tóuti li cop soun permés
M’an mourdu es verai, ai mourdu quàuqui
fès.
Ai décida pamens de m’entourna un jour,
Pèr canta moun païs dins ma lengo d’amour.
O Prouvènço crudèlo :
As di : « Lou parisen ! Mai de que se melo ?
Gramaci pèr vosto
counvidacioun…
Ai fa de disque e pièi siéu mounta sus la scèno.
Ai rescountra l’amour, l’ahiranço e meme
De gènt ounèste, de traite, de marchand, de gusas,
La Prouvènço toustèms, es en guerro,
ai las !
Es pas de crèire coume lou tèms a passa !
Ai talamen lucha, que siéu forço alassa.
La batèsto es gagnado?
Siéu pas assegura.
Gramaci pèr vosto counvidacioun.
Ero
pas marrido nosto relacioun….
Ero un plesi nosto dicussioun.
Vène enfin de coumprene uno causo pamens,
Es que nosto Prouvènco, à degun apartèn
Subre-tout pas is ome, qu’à elo
simplamen,
Pèr dire lou countrari, fau estre pau-de-sèn !
T’ai adoura ma bello e t’ame forço encaro.
Auriéu vougu pèr tu, douna moun sang, ma caro.
Aro es elo, la jouino generacioun,
Qu’entre-tendra ta flamo e sauvara toun noum,
Gramaci pèr vosto counvidacioun…
Se d’aquelo cansoun, encuei vese la fin,
Siéu pancaro amoundaut, demié li serafin,
Vole me
souveni d’aquèli bèu moumen,
E vous dire : « Au reveire… Vous ame, simplamen ».
Gramaci pèr vosto counvidacioun,
Ero un plesi nosto discussioun…
