Autant d’estieu quand d’ivèrn
Totjorn reina malgovèrn

Malgovèrn reina pertot
E sustot en gents de glèia
Mai non s’ausa dire …

Legir tot

Autant d’estieu quand d’ivèrn
Totjorn reina malgovèrn

Malgovèrn reina pertot
E sustot en gents de glèia
Mai non s’ausa dire mot
Car seriam mès en galèia
Li i a tant de semigria
Se tot èra descubert

An reculhit pron de blat
E de vin los plenas tinas
Mai sovent pan l’a mancat
Per fauta d’aver farina
Lo non i a reson ni rima
Tot quand la va de travèrs

Malgovèrn reina pertot
E sustot en esta vila
Autant de nuech quand de jorn
Subre chascun el s’apiela
Non laissa ni crotz ni pila
Mai lo gibassier dubert

Paures gents non an de carn
Sinon amb una grand pena
Degun non i a bòn regard
E si pagan ben l’estrena
La carn non es pas tròp ferma
La bòna es au luec secret

Las tripas non valon ren
Jamai non fòron tant maigras
Non sai si las lavan ben
Dedins elas son tant negras
Quand manjatz, manjatz de merda
De bada i a de juvert

Perdonatz-nos bònas gents
Si avèm dich deguna causa
Que vos fosse desplasent
De la cançon farem pausa
E tenètz las maisons clausas
Que no li entre malgovèrn

Autant d’estieu quand d’ivèrn
Finís malgovèrn