Bele Yolanz en ses chambres seoit,
D’un boen samit une robe cosoit,
a
son ami tramettre la voloit.
En sospirant …
Legir tot
Bele Yolanz en ses chambres seoit,
D’un boen samit une robe cosoit,
a
son ami tramettre la voloit.
En sospirant ceste chancon chantoit :
"Deus tant est douz li nons damors:
Ja n’en cuidai sentir dolors"
A ces paroles et a ceste raison
Li siens amis
entra en la maison
Cele lo vit, si baissa lo menton
Ne pot parler, ne li dist o ne non.
"Deus tant est douz li nons damors:
Ja n’en cuidai sentir dolors"
"Ma douce dame, mist m’avez
en oubli."
Cele l’entend, cel’ li jeta un ris,
En sospirant, ses bels bras li tendi :
Tant doucement, a l’acoler l’a pris.
"Deus tant est douz li nons damors:
Ja n’en cuidai sentir
dolors"
Li siens amis entre ses bras la prent
En un biau lit s’assient seulement,
Bele Yolanz lo baise estroitement
A tor françois enmi lo lit l’estent...
"Deus tant est douz li nons
damors:
Ja n’en cuidai sentir dolors"
