Seradas de la mar,
Quand lo pintre Soleu
Fa de foliás de ròse.

Lo gouf es un joièu,
La riba …

Legir tot

Seradas de la mar,
Quand lo pintre Soleu
Fa de foliás de ròse.

Lo gouf es un joièu,
La riba es un anèu
Passat au det dau monde.
L’aubaresta secreta,
Tira dei dindoletas
Siblantas e rapidas.
L’aucèu raia lo ciele
Coma un cairèu negre
Vèrs l’invesibla buta.

Tancats sus lo lindau,
Ligats dins lo silenci,
Calor còntra calor.
Per viure lo moment
Que lo tristum s’esconde
Ailalin darrier l’illa,
Minuta pichoneta
Desraubada a l’afan,
Quand s’amaisa la vila.

Sus la paret de’n fàcia,
Un grand linçòu que seca
En vela de bateu.
Se l’aura bofa mai,
S’anirà vesitar
Leis estius de la tèrra,
Li mesclar mei cançons
A l’entorn de la taula
Dei fraires dau trobar.