Lo vent de Nord m’a dit
Qu’i avè un païs
Fòrça luènh d’aciu
Dab costas descarnadas
Batudas de mareias

E …

Legir tot

Lo vent de Nord m’a dit
Qu’i avè un païs
Fòrça luènh d’aciu
Dab costas descarnadas
Batudas de mareias

E qu’en aqueth païs
Lo sabè
Ua auta vita
M’esparava
Mès …

Arrepic :
A la crotz deus víra-hucs
Lo sèr
Quate vents, quate camins d’espèr

Lo vent de l’Oèst m’a dit
Qu’i avè ua vila
Tant au hons de la mar
Que d’aqui podè pas
Ne veder las torralhas
Mès podè i anar
Se volè
I jonher la Serena
Que m’esperava
Mès …

Lo vent de l’ Est m’a dit
Hens los plans orientals
I a mants e mants cavaus
I a mants e mants galaups
L’ atreit deu Pacific au luènh
I anarem ensems
Companhièr
Caçar de l’auba aus sorelhs-colcs
Mès …

Lo vent d’Autan m’a dit
Las lanas occitanas
Ont hei la passada
D’auzeths e torbilhs pluègs
Esparnhí ta cabana, la nuèit
E ton camin
Per tos amics
Adara …

Hens ma cabana de la crotz
Lo sèr
Suènhì mon huc
Ateni l’ Autan
Lo sèr