Veja lo vent que s’entrinqueja
Veja lo vent que vai soscant
Veja lo vent que se passeja
Veja lo vent …

Legir tot

Veja lo vent que s’entrinqueja
Veja lo vent que vai soscant
Veja lo vent que se passeja
Veja lo vent que vai breçant
Adus-me, adus-me vent flairor de pins e de frigola
Adus-me, adus-me vent de Mirelha lo sisclar risent

Veja lo vent que randoleja
Veja lo vent que vai jogant
Veja lo vent que viroleja
Veja lo vent que vai roncant
Adus-me, adus-me vent rampèl galoi de la cabrette
Adus-me, adus-me vent escruma freja tot ragent

Veja lo vent se descadena
Veja lo vent que vai badant
Veja lo vent se descabèstra
Veja lo vent vai idolant
Adus-me, adus-me vent lo tocàsenh de Carcassona
Adus-me, adus-me vent de Monsegur lo cant rabent

Veja lo vent que s’entrinqueja
Veja lo vent que vai s’enflant
Veja lo vent que camineja
Veja lo vent vai se conflant
Adus-me, adus-me vent lo bruch d’un pòble que s’aubòra
Adus-me, adus-me vent lo bruch d’un pòble que vai creissent.