Iu siu anarquista
Iu siu occitanista
m’embato ben fòrt de çò que pensatz
Lo crio ben fòrt anarc-occitan
Iu siu …

Legir tot

Iu siu anarquista
Iu siu occitanista
m’embato ben fòrt de çò que pensatz
Lo crio ben fòrt anarc-occitan
Iu siu anarquista e occitanista

Anarquia en Occitània
m’agradaria la veire un jorn
Aqueli que vòlon tot conservar
Aqueli que vòlon tot preservar
Iu çò que dio
un pauc d’anarquia en Occitània

Iu n’ai pro d’aquestas balas
Iu n’ai pro dai confins
volem esser libres d’aquestas nacions
volem tot esclapar e siem occitans
siem anarquia
en Occitània

Non siem pas de (l') IEO
Non siem pas de Mistral
Non siem pas d’integralistas
non siem pas de l’Espaci
nos siem anarquia
en OccitaOccitaniniaà
an aquò miu

nos, nos volem
anarquia en Occitània
an aquò nòstre

non, nos volem
esser libres ent aquel monde

nos, nos volem
anarquia e Occitània

Vèrs lo nòrd partem
e tot laissem
trobarem ilai nòstre futur
Vèrs lo nòrd anem
lo bonaür cerquem
nòstra vita …

Legir tot

Vèrs lo nòrd partem
e tot laissem
trobarem ilai nòstre futur
Vèrs lo nòrd anem
lo bonaür cerquem
nòstra vita es tot lòn que avem

Sabla chauda, vènt
passant lo desèrt
lo pantais dins las estelas la nuèch.
Aiga, onda , sal
passem lo grand mar
lo sumi pòde pas s'arrestar.

En tempèsta, esluçis
èrsa , lo mar gròs
lo bòn Diu nos a fach salvar.
Crotz, devisas, gais
siam sarrats aquí
ent la gàbia esperem lo deman

Tèrra nòva es
tèrra de pantais
l'avenir per nosautres es aquí
Coma li astres nos
ent la nuèch dau tèmp
trobarem aquí
constellacion

Denant de ma maison,
sal montruc tota soleta,
cereisièra de grafions
la prima blanca de flors
l’estiu rossa e madura …

Legir tot

Denant de ma maison,
sal montruc tota soleta,
cereisièra de grafions
la prima blanca de flors
l’estiu rossa e madura charjaa d’amor
Es lo silenci an aquò miu ...fin a l'estiu...
Un estròp de crobàs s'aquela cereisièra
crion e parlon fòrt
me laisson pas durmir
non, me laisson pas durmir !

Lo fusilh fau parlar e lor se’n van escapar
...après un pauc van retornar...
Nièr de plumas es la planta, nièr de flin siu mi
coma far per ne’n surtir? Coma far per li chapar?
Es Filip dal Carrù que un idea me vai donar ,
en grinhand , sai pas que diaul...
"La pega se l'àrbol te chal butar, parièr li ausèls tu pòs fusilhar!"

Coma aquò lo matin ai fach
e tot l'àrbol ai empegat
li crobàs son arribats
e sai rams se son pausats
e coma un soldat, ai tronat, lo fusilh ai fach tronar!
E d'un crep se son levats…
la cereisièra emb lor a tacat a volar, volar, volar...
ent lo cièl es partia per jòmai retornar.

Un plan pus bas dai vòstri pès
passa la vita aiçí dessot
lo jorn, la nuèch, m’embato sas
la tèrra …

Legir tot

Un plan pus bas dai vòstri pès
passa la vita aiçí dessot
lo jorn, la nuèch, m’embato sas
la tèrra chava anant enrier
Lo monde vira aquí dessot
e siu content se tròbo un vèrm ,
posso la tèrra darrier de mi
e vau anant , la vita es bèla

Siu un darbon , siu bòrni e nièr
siu un darbon , un vira-monde …

Aiçí dessot pas de bordèl,
una musica ent la tèsta,
la “bòna vibra” me fai bojar,
de tant en tant suèrto la tèsta,
qué se passa aquí dessus ?
E çò que veu m’agrada pas …
compreno pas çò que se passa…
ent aquel monde dai “doas chambas”

De gènt s’escapa dau siu país
de gènt que plora ent la miseria
de monde gras charjat d’argènt…
de pichòt mòrt ent la via
de bombas calon dau cièl…
es tote gris , veu pas las estelas
sento la vita que se’n vai
e tot d’entorn l’indiferéncia…

Siu un darbon , siu bòrni e nièr
siu un darbon , un vira-monde …
siu un darbon escotètz-me
siu un darbon escota çò que dio…

L'i a quarquaren que marcha pas
ent aquel monde aquí dessobre
Es complicat viure ensem?
Vos chal rusear? Vos chal tuar-vos?
Arribètz pas a volètz-vos ben?
Es la Natura que vos lo chama!
Es tan da bèl voler-se ben
un pauc d’amor lòn que vos chama!

Duèrm ma pichòta fin a deman
la nuèch es bèla, lo sumi ven plan
duèrbes li tius uèlhs ent un …

Legir tot

Duèrm ma pichòta fin a deman
la nuèch es bèla, lo sumi ven plan
duèrbes li tius uèlhs ent un autre monde
doç e colors, degun chagrin

L’i a una cevito abo quatre uèlhs,
un chat que parla abo quatre peis
una ramaça que bala se’n lac
Cinc solelhs la luna ent lo cièl

L'i a un ors que sòna lo rock & roll
Abo una marmòta que chanta de folk
de puèrc-singlarts que li fan lo còr
e de chaçaires que balon coma de fòls

Vièlhs e mainats juan ensem
Jòmai de sera, sempre matin
Jòmai de plors, sempre sorís
Masque d’aquò bòn tròbes aquí

Duèrm ma pichòta fin a deman
la nuèch es bèla , lo sumi ven plan
duèrbes li tius uèlhs ent un autre monde
Doç e colors, degun chagrin

Es bòn lo minjar al miu país...
m’agradon las limaças abo lo pastís...
m’agradon... las raviòlas, lo civet…
chimóç en …

Legir tot

Es bòn lo minjar al miu país...
m’agradon las limaças abo lo pastís...
m’agradon... las raviòlas, lo civet…
chimóç en banha… lo bonet...
Pèrsis...sebas plenas... anchoas al vèrt…
Tot bòn , segur, tot bòn ...m’agrada a mi...
m’aquò que me dona de mai
aquò que monta…
es lo bolet!

Fungo Fungo Fungo Fungo Fungo Fungo Fungo, Fungo Dance
La Dança , La Dança dau Bolet
Fungo Fungo Fungo Fungo Fungo Fungo Fungo, Fungo Dance
M’agrada, M’agrada lo Bolet

M’agrada minja-lhe tot lo jorn….
Matin...de sera...l’après-mesjorn…
Panats...al vèrt...fricassats..
Maiòlas…
un pauc de sucre…
e de Bolets!

Fungo Fungo Fungo Fungo Fungo Fungo Fungo, Fungo Dance
La Dança , La Dança dau Bolet
Fungo Fungo Fungo Fungo Fungo Fungo Fungo, Fungo Dance
M’agrada, M’agrada lo Bolet
Fungo Fungo Fungo Fungo Fungo Fungo Fungo, Fungo Dance
Done-me, Done-me de Bolets
Fungo Fungo Fungo Fungo Fungo Fungo Fungo, Fungo Dance
Me monta ! Me Monta! Lo Bolet!

Joanina dal batalh l’i agrada l'argalícia
Joanina dal batalh l’i agrada la chuchar
Joanina lo licha , Joanina lo pastissa …

Legir tot

Joanina dal batalh l’i agrada l'argalícia
Joanina dal batalh l’i agrada la chuchar
Joanina lo licha , Joanina lo pastissa
lo tròç finís jòmai...qu'es doç aquel batalh!
Joanina lo licha , Joanina lo pastissa
lo tròç finís jòmai, qu'es doç aquel batalh!

Libertat, Justícia, Dinhitat ent’es?
ent la tèrra democràtica d’Euròpa
vièlh monde aquí
cuna de lo drech, rènhe sobeiran de cultura …

Legir tot

Libertat, Justícia, Dinhitat ent’es?
ent la tèrra democràtica d’Euròpa
vièlh monde aquí
cuna de lo drech, rènhe sobeiran de cultura
sal papièr sinhat
nòstra libertat
es paraula vuida encui
siem allineats
tuchi ben “quadrats”
creiem d’èsser libres encara…

Libres, volem èsser libres
Libres qué vòl dire aquò?
Libres abo deguna estaca
Libres ent la nòstra tèrra

Tuchi li jorns pistaa, nos la fan agachar
ent l’esquèrm pintat de noticias
Estraçaa, violentaa… nòstra libertat
es quimèra luenha… es viva
Catalonha, Grècia passant per l’Irlanda
dau nòrd au sud se plora
as da bèl votar,
es lo capital… es lo vil denar… comanda

Libres, volem èsser libres
Libres qué vòl dire aquò?
Libres abo deguna estaca
Libres ent la nòstra tèrra
Libres volem viure libres
Libres de pensar d’escriure
Libres de combatre encara
Libres ent la nòstra tèrra

E la borsa cala e la borsa monta
e lo monde trima, paures.
Tomben las frontièras, las doganas, li sòus…
Li estats padrons nos iston.
Nombres sal papièr
esclaus dai financièrs
auça pas la tèsta paure.
Es “l’Union” dai sòus pas “l’Union” de la gènt
lo poder sobre de tuchi

De l’autre cant de las frontièras l’i siem nos
De l’autre nòstri fraires , siem nos
dal costat de la justícia siem nos
son pas li vòstri sòus que fan lo nòstre deman.
La poténcia dal Monde siem nos.
La sagessa dal pòple siem nos.
De las raïtz ent la tèrra trobarem la fòrça
auçarem la tèsta
serem Libres

Libres, volem èsser libres
Libres qué vòl dire aquò?
Libres abo deguna estaca
Libres ent la nòstra tèrra
Libres tornarem èsser libres
Libres ent aquest monde
Libres de combatre encui
Libres d’èsser libres encara

Èira suèrto d’aquí e me’n vau ent lo nièr
de pensar per esto sera n’ai pro.
De chats crion l’amor …

Legir tot

Èira suèrto d’aquí e me’n vau ent lo nièr
de pensar per esto sera n’ai pro.
De chats crion l’amor sal cubèrt tot nevat
Una cevítola chanta sus un àrbol glaçat

Bufs de vènt dal Rio Frèit que me jala la mènt
es dedins lo miu mal, es pus fons dal Lac Nièr
vòi trobar coma far, la meisina qual es?
Se me fermo siu mòrt...
se me bòjo siu mòrt…

Qué vòs encara tu da mi?
Qué vòs encara dal miu còr?
Enté vòs que ane la mia vita?
Aquí solet, de mi n’ai pro!

Lo matin que me gacho abo un rai de solelh
l'aranha desvelhaa es trempaa de rosaa
li crobàs s’auçon luènh, lo miu pas sòna fòrt
fito, fito, volar polariu escapar!

Qué vòs encara tu da mi?
Qué vòs encara dal miu còr?
Es tot jalat aquí dedins
es tot de glaç e mi n’ai pro!

Tot lo ben t’ai donat, joventut , lo bonaür
tu l’as pilhat coma òr… l’as estremat, l’as raubat
Èira agacha dessot, me’n foto de tot
vòi volar esto matin
sarra li uelhs
siu partit…

Qué vòs encara tu da mi?
Qué vòs encara dal miu còr?
Es tot vuit aquí dedins
es tot fenit... e mi n’ai pro!

Paraulas , paraulas , paraulas, l’i n’a se vòi chantar
las dralhas de la lenga me chal pistar
enté vai …

Legir tot

Paraulas , paraulas , paraulas, l’i n’a se vòi chantar
las dralhas de la lenga me chal pistar
enté vai la mia lenga, enté vai lo miu parlar
lo deman de la mia Tèrra es aquí.

Occitan es la mia lenga es tot aquí
Occitània es la mia tèrra lo miu País

Per ben lo gardar lo chal parlar
per ben lo parlar lo chal mostrar
la semença dal deman es da bèl trobar
ent la toa lenga la pòs trobar, te chal parlar.

Occitan una lenga que viu aquí
Occitan si vòs viure te chal parlar
Occitània es aquò que se vè pas
Occitània ent la votz d'una mainat

Coma aiga sus la peira , lo tèmp nos pòl ajutar
a créisser embé la lenga lo nòstre pensar
Pensar que siem libres, ni regions, ni frontièras
ensem, la nòstra fòrça, lo nòstre parlar

Occitan, una lenga una nacion
Occitània una tèrra sensa padrons
Occitan mia lenga, ma religion
Occitània sensa frontièras, degun confin
Occitan auça la tèsta e cria fòrt
Occitània dins lo miu còr l’i sies tu
Occitan es la lenga, una passion
Occitània una paraula
Amor