Joan de Nivèla mon amic, as ta femna mal cofada
Balha me la, la cofarei, a tota ora, a tota …

Legir tot

Joan de Nivèla mon amic, as ta femna mal cofada
Balha me la, la cofarei, a tota ora, a tota ora
Balha me la, la cofarei, a tota ora de la nuèit
 
Joan de Nivèla mon amic, as ta femna mal lavada
Balha me la, la lavarei, a tota ora, a tota ora
Balha me la, la lavarei, a tota ora de la nuèit
 
Joan de Nivèla mon amic, as ta femna mal potonada
Balha me la, la potonarei, a tota ora, a tota ora
Balha me la, la potonarei, a tota ora de la nuèit
 
Joan de Nivèla mon amic, as ta femna mal caressada
Balha me la, la careçarei, a tota ora, a tota ora
Balha me la, la careçarei, a tota ora de la nuèit

La molièira qu’a nau escuts (bis)
I a ronlala la molièira la molièira
I a ronlala la molièira va dançar …

Legir tot

La molièira qu’a nau escuts (bis)
I a ronlala la molièira la molièira
I a ronlala la molièira va dançar

La molièira qu’a uèit, sèt, sièis, cinc, tres, dos, un…aa

Las filhetas del Saulà
E las de Vilamada,
Sus la riba van dançar
Mai d’un còp dins l’annada !
Los …

Legir tot

Las filhetas del Saulà
E las de Vilamada,
Sus la riba van dançar
Mai d’un còp dins l’annada !
Los joves fringaires
Quand las veson a passar larireta...
Los joves fringaires
Las van far tornejar !

N’es pus lo temps de dançar
Doman dins la segada,
Filhetas cal trabalhar
La sèga es commençada !
Los joves segaires
Quand voldretz garbejar larireta...
Los joves segaires
Vendràn vos ajudar !

Pus tard abans vendemiar
Lavarem la bugada,
Apèi vos caldrà filar
L’ivèrn dins la velhada !
Los joves lauraires
En quitent de laurar larireta...
Los joves lauraires
Vendràn vos passejar !

E l’ivèrn se passarà
E l’èrba dins la prada,
Amb lo printemps possarà
La dalha es agusada !
Als joves dalhaires
Abans de fenejar larireta...
Als joves dalhaires
Poirem vos maridar !

Aicí la vida es plan tranquila
Per de que quitas ton chantièr ?
Me'n cal anar de vila en vila …

Legir tot

Aicí la vida es plan tranquila
Per de que quitas ton chantièr ?
Me'n cal anar de vila en vila
Me rafinar dins lo mestièr.

Te cal d'argent per lo voiatge
Tant de camin te costarà !
Vau a pè pòrti mon bagatge
E mon mestièr me noirirà.

Tot coratjós per tant que siagas
Rencontraràs mai d'un dangièr
Ai un pistolet dins las bragas
E mon baston de codomièr

Pendant l'ivèrn, pendant l'auratge
Regretaràs ton Avairon !
Mos fraires de companhonatge
M'aculhiràn dins lor fogairon.

E la Ròsa que tant t'agrada
S'anava trobar lo temps long ?
A mon retorn s'es maridada
Me'n tornarai pel camin grand

Te tendriam pas quand siaguèssem mila
Adieu pensa a ton vièlh cloquièr
Adieu m’en vau de vila en vila
Me rafinar dins lo mestièr

Lo petit aucelon
Se’n vòl anar ‘n ta Spanha
Mès çò que li a heit paur
La nèu de la …

Legir tot

Lo petit aucelon
Se’n vòl anar ‘n ta Spanha
Mès çò que li a heit paur
La nèu de la montanha
E lo pòrt d’Auloron
Au petit aucelon
 
Lo petit aucelon
Se’n vòl minjar fromatge
Mès çò que li an donat
Tant solament calhada
E de pan un bricon
Au petit aucelon
 Lo petit aucelon
Se’n a minjat calhada
De tant que n’a minjat
Que se n’a heit la barba
La barba lo menton
Lo petit aucelon

Passat deman ieu me maride
Cosin vene vos convidar
Se volètz dansar venètz me veire
Se volètz manjar venguessiatz pas …

Legir tot

Passat deman ieu me maride
Cosin vene vos convidar
Se volètz dansar venètz me veire
Se volètz manjar venguessiatz pas

Lo nòvi diguèt a la nòvia
Ont metrem jaire lo cosin
Aval aval dins la cambreta
Tot prèp tot prèp de nòstre lièch

Tot en disent lo pater noster
Lo nòvi s'endurmiguèt
E la coquina de la nòvia
S'anèt jaire amb lo cosin

Quand lo nòvi se desrevilha
Ne fa tres còp lo torn del lièch
Ne cresiá d'embraçar la nòvia
N'embraçava lo cap coissin

Ne sonèt sa sòrre la Joana
Que li portèssa lo calelh
Mès de calhelh ni de candela
Mès de calelh n'i aviá pas ges

Ragèt lo cap a la fenèstra
N'entendèt cantar lo cocut
Que cantas cantas rabestias
Que tu que tu o as sabut
Que tu que tu o as sabut
Que ieu que ieu n'èri cocut

O diguèri a mon paure fraire
Que el o m'aviá totjorn dich
Quand òm aviá polida nòvia
Caliá pas èsser tant endurmit

Quand lo mèstre ven dal mercat
Tronlariron lariron lalèra
Tròba son lièch tot rambalhat
Tronlariron lariron lala

Serventa tu me …

Legir tot

Quand lo mèstre ven dal mercat
Tronlariron lariron lalèra
Tròba son lièch tot rambalhat
Tronlariron lariron lala

Serventa tu me diràs ben
Tronlariron lariron lalèra
Tronlariron lariron lala
Quau m'a rambalhat mon lièch

O mestre o vos dirai ben
Aquò's la coara amb lo vailet

Lo mèstre s'en va trobar lo vailet
N'ai trobat mon lièch rambalhat

E vailet tu te cal partir
N'ai trobat mon lièch rambalhat

O mèstre ieu partirai ben
Mès que mon compte siasca fach

Quand lo vailet siaguèt partit
La coara se metèt a plorar
E la serventa a bramar

Lo mèstre un pauc descorajat
Se’n tòrna trobar lo vailet

Ò vailet tu te cau tornar
N'as la coara a consolar
E la serventa a maridar

Ò mèstre ieu tornarai ben
Mès vòle saber amb quau cochar

Amb la serventa cocharàs
E amb la coara quand poiràs

Quand lo vailet siaguèt tornat
La coara se metèt a cantar
E la serventa a dançar 

Que donarai ieu a ma mia lo prumièr (dos, tres etc... )de mai (bis)
Dotze damaiselas jòunas piucelas
Onze mossurs …

Legir tot

Que donarai ieu a ma mia lo prumièr (dos, tres etc... )de mai (bis)
Dotze damaiselas jòunas piucelas
Onze mossurs gris tot 'bilhats de gris
Dietz mòlas virants
Nau chavaus fringants
Uèit buòus laborants
Sèt taureus belants
Siès motons tot blancs
Cinc dindes volants
Quatre lop urlants
Tres ritons viulets
Doas tortorelas
Un boquet de ròsas

E la pardis vola que vola e lo pijon vei totjorn vei (bis)