Ai causit de cantar l'amor, la vida
E vaquí que me trapi davant aquel silenci.
Ai causit de cantar la …

Legir tot

Ai causit de cantar l'amor, la vida
E vaquí que me trapi davant aquel silenci.
Ai causit de cantar la flor, la femna
E vaquí que se taisan dins ma boca los mots.
Ai causit de cantar lo cèl, la prima
E vaquí que l'ivèrn jamai s'acaba pas.
Ai causit de cantar la nuòch, l'estela
E vaquí que que l'imatge d'un presonièr me ven.
Ai causit de cantar lo gran, la tèrra
E vaquí que qu'es desèrta la plana ont ai viscut.
Ai causit de cantar mon pòrt, ma vila
E vaquí que la barca ja se pèrd dins l'estanh.
Ai causit de cantar l'amor, la vida
E vaquí que me trapi davant aquel silenci.

Ai dins lo còr coma un ritme t’amor fòl
Ai dins lo còs una plaga coma un dòl
Ai dins …

Legir tot

Ai dins lo còr coma un ritme t’amor fòl
Ai dins lo còs una plaga coma un dòl
Ai dins los uòlhs de belugas per aimar
Ai dins las mans una enveja de donar

De femnas-solelh et d’òmes de plueja
Ai set d’un pais et la copa es vueja

Ai vist la mar silenciosa en ivern
Ai vist ton pas dessenhat sul camin verd
Ai vist ton nom escrich coma un crit d’esper
Balha ta man siam ensems aqueste ser
D’esser silenciós mon pòble s’anuja
Farem un pais se n’avem l’enveja

Una guitarra un fuòc de camp
Prèp de la vila s’ausís ton cant
Qualquas paraulas en catalan
Una musica un …

Legir tot

Una guitarra un fuòc de camp
Prèp de la vila s’ausís ton cant
Qualquas paraulas en catalan
Una musica un èr bomian

De vila en vila t’an escampat
Dison que raubas e qu’as tuat
Rison quand passas sul camin blanc
Dison que manjas los enfants

Penjada al pitre i a una crotz
D’aur e de perlas lusìs al jorn
Sarras la lama de ton cotèl
Sarah la negra a ton anèl

Crompas las pelhas vendes de tot
Rachèl desvela l’avenidor
Sias òme liure desrengas plan
La lèi e l’òrdre d’un mond fat

L’ostal rodèla de vers la mar
De vers las Santas benlèu tard
Mas sera fèsta per tu Bomian
Sabi ta jòia d’esser a deman

Una guitarra sens fuòc de camp
Prèp de la vila s’ausís mon cant
Qualquas paraulas en occitan
Te balhi ma cançon bomian

Tot al fons de son trauc aital l’òme aviá viscut
Paure e sol negre e fòrt a la mina s’èra …

Legir tot

Tot al fons de son trauc aital l’òme aviá viscut
Paure e sol negre e fòrt a la mina s’èra perdut
Passava sa vida a cavar passava sa vida a somiar

Es al solelh que vau morir ma vida la vesi fenir
La Joana a l’aiga e ièu pescant
Terra t’aurai vuejat la sang

Lo solelh l’aviá vist pel maridatge de son filh
E la platja e la mar las avia vistas al cinema
Passava sa vida a somiar passava sa vida a cantar

E vaquí qu’un matin la terra venguèt un tombèl
Paura Joana, paure filh diguèt lo patron al solelh
Passava sa vida a cantar,passava sa vida a cantar

Es al solelh que vau morir ma vida la vesi fenir
La Joana a l’aiga e ièu pescant
Terra m’auràs vuejat la sang

Son arribats un dimenge amb lo trin de Paris,
An cercat dins lo vilatge lo cap de gara e li …

Legir tot

Son arribats un dimenge amb lo trin de Paris,
An cercat dins lo vilatge lo cap de gara e li an dich :
"Fai ta mala, mon brave, l'a decidat lo govèrn.
Ara la linha es copada, fai ta mala, vai-te'n !"
Dempuèi òm l'apelava Fai ta mala. E la mala jamai la faguèt.
Esperava, esperava, esperava lo trin de cinc oras vint e sèt.
Sul trepador de la gara esperava cada matin
E lo vilatge se trufava en li disent : "I a ges de trin !"

Òme blau dins lo matin blanc
Lo drapèu roge dins la man.

E sa vida s'es passada a esperar son paure trin.
E lo vièlh Fai ta mala refusava de morir.
Refusava totjorn de creire que son trin passariá pas
E disiáa que voliá faire son mestièr fins al trespàs.
Om l'apelava Fai ta mala. E la mala jamai la faguèt.
Mas moriguèt un matin de prima a cinc oras vint e sèt.
Sul trepador de la gara, lo drapèu roge desplegat,
Dormissiá Fai ta Mala, dormissiá coma un enfant.

Òme blau dins lo matin blanc
Lo drapèu roge dins la man.

I a pas pus de Fai ta mala, i a pas pus de matin blanc.
L'an enterrat dins lo vilatge, lo drapèu roge dins la man ;
Mas del costat de la gara lo vent canta aquel refranh :
"I aurà pas pus de Fai ta mala : lo drapèu roge es per deman".

Lo jorn que tornarà la prima e mai lo polit mes de Mai
Quora sautarem la rondissa que barr entre …

Legir tot

Lo jorn que tornarà la prima e mai lo polit mes de Mai
Quora sautarem la rondissa que barr entre mar e montanhas
Los pòrtas de nòstras presons
Aquí començarem lo conte, aquel qu'arrestava lo temps,
Quora m'aimavas e que t'aimavi e te sonavi per ton nom
Un òme fiula, una guitarra, e mai luònh un acordeon,
L'astrada es longa, una cançon que ne sabi pas las paraulas.
Mas perque monta dins ma cambra aquela femna pèl desfach,
Que me demanda de dançar e que coneissi pas encara
Dins aquel vespre sense nom ; la musica es a tot lo mond.

Sus un trepador lusent luònh dins una capitala
Se passejava longtemps al moment que dins la vila
La nuòch pren …

Legir tot

Sus un trepador lusent luònh dins una capitala
Se passejava longtemps al moment que dins la vila
La nuòch pren son vestiment son lum roge per senhal
Dins la carrièra un ostal aici cambras per logar

Per metre en venda son còs blanquejat per aquèla vila
Aviá lo morre plan pintrat aviá la camba plan polida
Pasmens i aviá dins son regard una mena de dire t’aimi
Aital l’òme pagava car un amor color de sòmi

Quand dins sa cambra lo sèr sul lièch se trapava sola
S’inventava un pais a l’odor de farigola
Ont los monsurs disian en se levant lo capèl
Adieu Madama e dins sos uòlhs beluquejava lo solelh

Segur regardava sovent coma quand òm quita un parent
Dins la gara tot lentament fugir lo trin al nom de vent
E puèi quand veniá un client que parlava amb l’accent
D’aquèl pais qu’èra lo sèun ela plorava doçament

Tu coma un solelh qu'òm vei pas jamai,
Coma una mar qu'existís pas.
Tu los uòlhs barrats, donant tas mans …

Legir tot

Tu coma un solelh qu'òm vei pas jamai,
Coma una mar qu'existís pas.
Tu los uòlhs barrats, donant tas mans
Dintrant dins l'òrt d'un mond mòrt.
E t'aimi, òc !
Leu, cridant ton nom d'aquel canton
D'un mond vièlh, d'un mond fòl, e t'aimi.
Tu coma aquel blat qu'an semenat
E que jamai dona de fruch.
Tu coma aquel lum qu'òm crei perdut
Coma un aucel que sembla mut.
E t'aimi, òc !
Tu coma un passat tant amagat,
Coma una istòria sensa vertat.
Tu coma un marin qu'òm cresiá mòrt
E puèi un jorn que dintra al pòrt.
E t'aimi, òc !
Ieu, vaquí que canti ton retorn.
Vaquí que canti mon amor e t'aimi.

Tòni siás òme ara te cal ganhar la vida amb ton trabalh
Pròche ta vila aquò’s norma, lo mond dison …

Legir tot

Tòni siás òme ara te cal ganhar la vida amb ton trabalh
Pròche ta vila aquò’s norma, lo mond dison qu’aurás de mal
Lo solelh fai susar ton front marcha que lo camin es long
Coma a l’escòla rapèla-te, per una plaça maina-te

Sol dins la vila sol dins Rodés sol per carrièras sol per pas rès
Dins las fabricas i a pas degus de trabalh Tòni n’i a pas pus

I a plan d’annadas èra lo temps ont lo mond èran contents
E sensa pena podian trapar quicòm per viure ganhar son pan
Dins los vilatges e dins los camps cada dissabte i aviá los cants
D’un pòble en fèsta d’un pòble viu d’una cabrèta un sèr d’estièu

Dimenge a taula seràs tristàs per dire al mond que t’en vas
Dins la vilassa dins lo laç e a la Nina pensaràs
Dins la memòria de ton grand i a una istòria i a un cant
Ditz que se la fuelha morís es que l’aubre es luènh del païs