Nautres ambe de castanhas e de rufòrs
Engraissam totes los nòstres pòrcs
E nautres fasèm ben diferentament
Los engraissam ambe …

Legir tot

Nautres ambe de castanhas e de rufòrs
Engraissam totes los nòstres pòrcs
E nautres fasèm ben diferentament
Los engraissam ambe de farina e de bren.
Nautres anam sul pioch de Gaitz
Per cercar una padenada de patanons
Per saber se son plan bons
S'aviam saput cossí èran
Ne seriam pas anat tan d'esquèrre.
Daissem los autres coma son
Qu'ambe çò nòstre n'avèm plan pron

Messorguièrs de Feda vièlha, repapiaires de Vivièrs
Plaidejaires de Labronda, lenga forchuda de Saïx
Ivronhas de Freta mica e bandats de l'Amelhèr
Trantalhaires de la Casa, cuvaires de Barginac
Refrain1:
Aital sètz, aital sètz
De voler viure en patz, coneissètz pas lo prètz
Aital sètz.

Batalhièrs de Valdurenca, tustaires de Pedardè
Tanards de La Vitarèla, mossegai(re)s de Pontcarral
Destrucis de Nauta Riva, brigalhaires de Navès
Çaganhaires de La Mòta, bresai(re)s de Sala Piuçon
Refrain2:
Aital siàs, aital siàs
De voler viure aital, vas tombar sus un òs
Aital siàs

Ara sèm dins aquela trista istòria
Ont cadun s'amaga coma pòd
Tampem los uèlhs, la votz e las aurelhas
Daissem lo malur e los autres dins lor tripòt
E cresètz que del costat de Labruguièira
Es plan melhor? E ben non!

Picanhaires d'Aigafonda, embolhaires de La calm
Mal aprés de Caun(an)-Engelis, carcanhaires d'Aupilhac
Encugats de Caucalhièras, tampa aurelhas del Reclòt
Amnesics de Labruguièra, mudejaires dels Auriòls
Refrain1
Fanfarrons de Sant Africa, repotegaires dels Gauds
Bavards de La Recuquèla, orgulhós dels Escudièrs
Foita cloca de Verdalla, lèva cuèissa d'Escossens
Mal units de La Vernhèira e cocuts de Massaguèl
Refrain2

1.
De bon matin se leva,
Barabim, barabam, bam, bam;
De bon matin se leva,
Dis que s'en vòl anar, …

Legir tot

1.
De bon matin se leva,
Barabim, barabam, bam, bam;
De bon matin se leva,
Dis que s'en vòl anar, e-i-a, e-i-a,
Dis que s'en vòl anar.

2.
S'en vòl anar a Marselha...Veire lo rei passar...

3.
Lo rei es en fenèstra...Que l'agacha passar...

4.
_"Quala es aquela dama...Que se passeja tant...

5.
_Ièu soi pas una dama...Soi filha d'un paisan...

6.
_Se volètz èstre reina...Ièu vos esposarai...

7.
-Vòli pas èstre reina...Vòli préner un paisan"...

Venètz, venètz me crompar la polalha, braves gents,
Venètz aqui, un bon afar 'n'aquel prètz
Agachatz aquò, Venètz,
Segur que …

Legir tot

Venètz, venètz me crompar la polalha, braves gents,
Venètz aqui, un bon afar 'n'aquel prètz
Agachatz aquò, Venètz,
Segur que traparètz pas melhor qu'aquò, veiretz,
Quand n'i tastaretz n'i tornaretz
Ieu vos trompi pas sus la qualitat,
Que lor balhi pas que de mil e de blat,
E las daissi corrér pels prats
Coma son polidas, bèlas o pichonas tanplan
An la carn plan fina ongan,
Lo gost de l'èrba salvatja
Aprochatz madomaisèla,
Ne regretaretz pas la mitat.
Ne regretaretz pas brica,
Dòna, sénher, venètz, aprochatz.

Galineta, sus tas patetas,
Veni picar lo bon gran dins ma man
Galineta, domaiseleta,
Aqui poiràs manjar, tant que voldràs
Quan seràs plan pron grassa, dins un mes o dos
Un matin, ieu te traparai, e per ma fè te plumarai
E te farai rostir ambe de patanons,
Dins l'astre viraràs al fuòc, ambe ton pol un pal al cuòl.

Gaton, gateton, gata, gat

Te lèvas tròp matin
M'empachas de dormir
Vòli far lo calin
Tu, vòls pas res ausir …

Legir tot

Gaton, gateton, gata, gat

Te lèvas tròp matin
M'empachas de dormir
Vòli far lo calin
Tu, vòls pas res ausir
Vòls pas res que fugir
E t'eiriças coquin

Quò's pas tròp agradiu
Un pauc avant l'estiu
Vas quèrre dins lo niu
Li plantas ton arpiu
E lo manjas tot viu
Lo paure repiupiu

Ieu, soi descambat uèi
Quand pica mièja-nuèit
Me grafinhas al lèit:
Avant de comptar uèit,
T'arrapas al ridèl
Del çaganh siàs lo rei.

1.
Una cara que soritz
Al nenon que s'endormís
Èri pas qu'un enfanton
Abelit, plan coquinon.

refrain:
M'a bolit e …

Legir tot

1.
Una cara que soritz
Al nenon que s'endormís
Èri pas qu'un enfanton
Abelit, plan coquinon.

refrain:
M'a bolit e rebolit
Per mon paire aganit
Ieu sortissi de mon niu
Chiu chiu chiu encara soi viu

2.
La mairastra a còps de pal
Cambavirava l'ostal
Ieu ploravi dins mon brèç
Tremolant del cap als pès.
refrain

Trio
La femnassa, morruda pudiá l'aigardent
Reganhava, cridava sovent
Lo solelh dins lo cèl escampava son fuòc
Lo papà atelava los buòus.
D'aquel temps Riconèl se plorava solet
Lo lauraire trimava totjorn
Per darrèr son parelh, aganit, assedat
Li trigava d'aver son manjar.

3.
Me sagnèt, me trocegèt
Dins la sopa me getèt
Al meu paire quand foguèri prèst
Ma soreta la portèt
refrain

4.
La Liseta muda de paur
Qu'òm li fasca lo meteis sòrt
Los òssaments enterrèt
Un arbrilhon ie plantèt.

refrain final
Jós l'alba vendretz entendre
L'aucèl gris color de cendres:
Ma mairastra pica-pastra
M'a bolit e rebolit;
E mon paire lo lauraire
M'a manjat e rosegat;
Ma soreta la Liseta
M'a plorat e sospirat;
Jós un arbre m'a enterrat...
Chiu chiu chiu encara soi viu.

Jós l'èrsa lisa de la nuèit, l'èime demòra.
Sorga viva de sapiença a l'ombra doça de la nuèit,
De son …

Legir tot

Jós l'èrsa lisa de la nuèit, l'èime demòra.
Sorga viva de sapiença a l'ombra doça de la nuèit,
De son mormolhadís risent al clar de luna,
Poirà nàisser un cant novèl
Per un grelh, un anhèl, un aucèl,
Piuçonèl, un vanèl, 'n estornèl, 'na tortorèla.

Lo long d’un riu, la salvatga corres
Los pès banhats, lo pèl, los vestits solhats
Lo cèl es bas e …

Legir tot

Lo long d’un riu, la salvatga corres
Los pès banhats, lo pèl, los vestits solhats
Lo cèl es bas e la nivol negre
Ailà, un liuç, l’auratge va arrivar
Crid e òm sap pas s’es de libertat,
De joi, de paur o de dolor
Perqué jamai de deguns se vòl pas far adujar
Un bartàs o una vièlha soca
Suffis per se parar un pauc
Perqué jamai de deguns se vòl pas far adujar

1.
De bon matin me soi levat per culhir la lauseta.
L'ai pas culhida, l'entenduda cantar,
Al jardin de ma …

Legir tot

1.
De bon matin me soi levat per culhir la lauseta.
L'ai pas culhida, l'entenduda cantar,
Al jardin de ma mia s'es anada pausar.

2.
«Mia bonjorn, aquò soi ièu, vite dubris-me la pòrta...
Fa fret defòra, lo rosal es tombat,
Amont dins ta cambreta serem leu rescalfats...

3.
­Porià jalar porià gibrar, dubrissi pas la pòrta.
M'as descridada, pertot te siàs vantat
Que m'avias per amiga, galant te siàs trompat.»

4.
E lo galant s'en va trapar lo rossinhòl salvatge.
«Dins ton langatge, parla rossinholet,
Ambe mas amoretas diga-me s'ai tòrt o drech.

5.
­Ieu te dirai per ma rason apuèi per ta vergonha,
L'amor sincèra se fa secretament,
Sens que diguns ne sapià l'endrech ni lo moment.»

1.
Lo piuçon e lo barbarós (bis) se maridèron totes dos (bis)

2.
E quand venguèron d'esposar, n’agèron pas de …

Legir tot

1.
Lo piuçon e lo barbarós (bis) se maridèron totes dos (bis)

2.
E quand venguèron d'esposar, n’agèron pas de pan per manjar

3.
Veson venir lo parpalhòl, una micha de pan sul còl

4.
Ara de pan n'avèm ben pron ,mès de carn non n'avèm non

5.
Veson venir lo rossinhòl amb un buòu rostit sul còl

6.
Ara de carn n'avèm ben pron, mès de vin non n'avèm non

7.
Veson venir lo moscalhon que ne portava un plen barricon

8.
Ara de vin n'avèm ben pron, de dançaires non n'avèm non

9.
Lo pesolh sòrt de pel petaç, ne trapa la piusa pel braç

10.
De dançaires n'avèm ben pron, de musicien non n'avèm non

11.
Lo rat sortís de pel palhièr per faire lo tamborinièr

12.
Ieu vos tamborinariái ben pron, se me paravetz del minon

13.
Lo cat sortís de pel cendràs, e ne fot un saut sul rat

14.
Ara n'avèm pron dançat, lo cat nos a manjat lo rat

1.
Peire Joan ven de la vinha, ne tròba la femna al lèit
E lo curat a son costat
Refrain: …

Legir tot

1.
Peire Joan ven de la vinha, ne tròba la femna al lèit
E lo curat a son costat
Refrain:
Me caldriá ben fachar, mes me facharai pas.

2.
N'as la femna al lèit malauta, te veniái la confessar
Que lo diable te confesse, fas res que la confessar?....

3.
N'as la sopa sus la taula, se la vòs la manjaràs
I a sèt ans qu'es escu(d)elada, s'es cauda la bufaràs....

4.
N'as lo culhèr dejós la taula, se lo vòls l'amassaràs
Lo temps qu'el se l'atrapava, lo cat negre i es anat....

5.
Peire Joan se'n va a l'estable, ne trapa l'ase escanat
Lo ne trapa per la coa, la coa ie demòra a la man....

6.
Peire Joan se'n va a la glèisa, se'n va trobar lo curat
N'ie'n pòrta la coa de l'ase, «Ie n'auretz per asperjonar...»

7.
Peire Joan va a la fenèstra, n'entend cantar lo cocut
Diable que cantas lorda bèstia que tant lèu tu b'as saput....

1.
De bon matin me soi levat;
Tau, racatacatau, racatacatau,racatacatau;
De bon matin me soi levat,
Un parelh d'oras avant …

Legir tot

1.
De bon matin me soi levat;
Tau, racatacatau, racatacatau,racatacatau;
De bon matin me soi levat,
Un parelh d'oras avant jorn, (bis)

2.
N'ai entendut cantar lo calandre e lo novèl rossinholet

3.
Que me disiá dins son lengatge : «Mes tas amors son pas aicí.»

4.
N'es una filha embarcada sus una barca de papièr.

5.
Mès lo barquièr que la menava n'èra un nommat cordonnièr

6.
Mès lo martèl n'èra de coire e lo linhòl de pèl de can

7.
E los solièrs que fabricava n'èran de rusca de noguièr