Repic :
Amistat, amistat
Qu’es la flor la mei bera
Qu’es l’arrai e lo blat
L’imortela de neu
Qu’es l’estrela …

Legir tot

Repic :
Amistat, amistat
Qu’es la flor la mei bera
Qu’es l’arrai e lo blat
L’imortela de neu
Qu’es l’estrela deu ceu
E l’esper de la terra
Doça flor de joentut
Suu sendèr calhabut

Entau monde en susmauta
Enta uei, enta doman
Tau malau qui mei nos mauta
Enta un punhat de man
Enta l’omi shens estaca
Tau qui tira shens larèr
Tau printemps qui s’en escapa
Entau judjament darèr

Quan broneish lo vent d’espanta
Au mei pregon de la nueit
Quan s’adrom debath la manta
Lo soldat après l’argoeith
Quan lo hat d’amor cap-vira
Au darèr sèr de l’estiu
E quan l’amic s’arrevira
Sus lo camin de l’adiu.

Co qui’vs vam disèr uei
Que’vs hara drin de mau
E si’vs pot consolar
Autan de mau a jo
Que’m …

Legir tot

Co qui’vs vam disèr uei
Que’vs hara drin de mau
E si’vs pot consolar
Autan de mau a jo
Que’m hè despush longtemps
Quan èri mainadet
Parlavi biarnès
Jamei au diu vivant
N’averí pas gausat
Disèr un mot de Francès

On ei lo temps de la vita sancèra
On ei lo temps de la fiertat
Que i avè mestres en noste pais
No n’i a pas mei que servidors.

A Siros quin plasèr
No parlam que Biarnès
E lo sèr en tornant
A casa per un an
Qu’em tots de bons Francès
Avetz vos jamei vist
Una lenga shens un puple
Un puple shens una lenga
Jamei au diu vivant
No l’avetz jamei vist

Ta menar los ahats
De la terra mairana
La lenga deu podèr
La lenga deu saber
Qu’ei tostem lo Francés !
Aco qu’a pron durat
Que va caler sortir
Lo frut qu’a madurat
Siros que l’a portat
A nos auts deu guardar

Adara qu’em arrivats
A la crotz deu camin
Biarnès qu’ei a nos auts
De’s virar ta Paris
O de’s virar ta Pau

Que’s vireram enta l’on cau
S’en torneram entau pais
Pren-te la fluta e lo tamborin
Doman matin qu’em au pais…

Doman qu’ei la grana hèsta
Taus parents e taus vesins
La gran taula sera presta
Enta arcuilhe los cosins.
Tots …

Legir tot

Doman qu’ei la grana hèsta
Taus parents e taus vesins
La gran taula sera presta
Enta arcuilhe los cosins.
Tots amassa dab plasér,
Los vesins, los invitats,
Que’s plaseram dinc’au sèr
En cantan noste amistat

Repic :
Doman qu’ei lo pela-porc
Que s’i cau gahar hort de matin !
Doman qu’ei lo pela-porc
Sue s’i calera drin segotir !
Que’i sera l’escanador
Dab sa guinabeta !
Se voletz minja coston
Tripas o hampeta,
Micas dab un troç d’esquiau,
Que n’i a tau matiau !

Cau ajelar la cotera
Que cau har trempar la meit,
Cau grivar la gran cautera
I a trivalh dinca la nueit
E vos auts las cosineras
Baga pas de’s pasejar !
Deu larèr ta la hornèra
Que’s i cau amanejar !

Praube porc o praube troja
Ne n’as mei que tau matin !
Dab lo ret e dab la ploja
Qu’aneras entau topin !
Se los omis sus la terra,
An lo còr tot enclavat,
Per u còp emper la guerra
Viveram dens l’amistat !

Lo vielh Siset que’m parlava
De dora au ras deu portau
Dab lo sorelh qu’esperava
Catavas suu caminau.
Siset e …

Legir tot

Lo vielh Siset que’m parlava
De dora au ras deu portau
Dab lo sorelh qu’esperava
Catavas suu caminau.
Siset e vedes l’estaca
A tots que’ns i an ligats
Si arrès non’ ns en destaca
Quin poderam caminar !

Si tiram tots, que caderà
Goeira de temps pot pas durar,
Ségur que tomba, tomba, tomba
Plan croishida qu’ei dejà.
Se tiri hòrt jo per ença
Se tiras hòrt tu per delà
Ségur que tomba, tomba, tomba,
Que s’en poiram desliurar.

Totu i a pro de temps ara
Que s’escarronham las mans
Se la força e’ns deisha càder
Pareish mei grana qu’avans
De tot segur qu’ei poirida
Totu, Siset, pesa tan
De còps que’m perdi l’ahida
Ven ! tornam diser ton cant !

Lo vielh Siset que s’en cara
Mau vent se l’a miat atau
Qui sab on se troba adara
Demori sol au portau
A pausa passan los drolles
Lhevi lo cap ta cantar
Lo darrèr cant deu vielh omi
Lo darrèr qui m’ensénha.

Au beth som de la costa majèra
A l’auberja de pèla-busocs
La gojata qui hè la vaishèra
De mei bera …

Legir tot

Au beth som de la costa majèra
A l’auberja de pèla-busocs
La gojata qui hè la vaishèra
De mei bera no s’en trova enlòc.
Aus gojats qui au parlen de holia
Qu’a sabut tostem disérèque non
Lo patron que l’apèra Maria,
Nos auts que l’apéram Marinon

Repic : Marinon (ter), tan bera
Quin vos que parlem de pintons.
Quan l’amor (ter) s’apera
Al’entorn de tons cotilhons.

Que s’i beth amaturs de baricas
Qui s’ac beberen tot tau broquet
Marinon qu’aus te copa la chica
Quan la veden qu’èi d’era qu’en sed.
Qu’i vien mema amaturs de tisanas
E qui son defenduts de l’alcòl
Ets taben de tard que hen mangana
Marinon qu’aus herè bébe au bol.

Pramor d’aber crédut qu’ua oelhada
Qu’estè heita a Bernat de Lassus
U beth ser Peirot de Lataulade
Drin pintat qu’au te sauta dessus
Desempuch que s’i copa vaishèra
Mes n’ei pas per patacs ni pers os
Qui la poderan prene l’enchèra
Marinon que factura los troçs

Marinon (ter) tan bera
Qu’ei lo ton nom sol Marinon
Qui tostem (ter) s’apera
Pramor que rima dab l’amor.

De Martéron tà Nadau
Pintar que cau
E lo qu posca
Dinc a Pentecosta

E si lo vin ei bon …

Legir tot

De Martéron tà Nadau
Pintar que cau
E lo qu posca
Dinc a Pentecosta

E si lo vin ei bon
Dinca l’aute Martéron
E si pots encuèra tastar lo vin
Dinc a Sen Martin

Si n’es pas trop hart avan
Dinc a la Sen Jan
E si pots pas béber pendent la séquera
Dinc a la Sen Piero

I a un vilatge
Au mielh deu Biarn
On lo paisatge
Qu’èi plan charmant
Los monuments
Ne n’i a pas …

Legir tot

I a un vilatge
Au mielh deu Biarn
On lo paisatge
Qu’èi plan charmant
Los monuments
Ne n’i a pas nat
Que pot har shens
Célébritat.

Repic :
Diu marce, qu’em de maserolas
Beroi pais hera plasent
Petites e grans i son com drolles
Uros e tostem arridens
Seram tostem de maserolas
Un endret com pertot s’en vet
Dab grans tojas e herbas holas
Mes qu’em a casa per ma fe

Au bòrd deu Lu
Que i èm tan plan
Qu’èi un bonur
De i demorar
E lo Barrat
Dens son mantèu
Sembla estruçar
Secrets deu cèu

Noste país
Que’ns da lo goç
D’estar hardits
De víver uros
E quan lo sèr
Que’ns retrovam
Qu’ei dab plasèr
Que-n’se cantam

Diu marce, qu’em de maserolas
Beroi pais hera plasent
Petites e grans i son com drolles
Uros e tostem arridens
Seram tostem de maserolas
Memo si oei que cau partir
Permor noste cor qu’a lo role
De’ns rapela qu’em vaduts aci

Cada dimentge entà missa,
Quan pareishè la Sabelita,
Que s’entenè grana brossida
Autorn de l’aiga benadita.
Que la disèvan la …

Legir tot

Cada dimentge entà missa,
Quan pareishè la Sabelita,
Que s’entenè grana brossida
Autorn de l’aiga benadita.
Que la disèvan la mei bèra
Qui aja peu departament.
Que goariva de la helèra
Dab son regard franc e brivent.

Repic :
Sabelita, la sabelita
Que’ns enlugarnes, aquo que’s sap
Sabelita, la sabelita
Que’nse vos har perder lo cap.

Entà la véder mei enquèra
Quan haséra sa devocion,
Que’ns jumpavam sus la cadièra
Shens brig’escotar lo sermon.
La soa vots qu’èra famosa
Quan se botava a cantar,
Mantua hemna vadè jelosa
E s’en pensava escanar !

Mossur lo curè tau com èra
Que’s trobava beth drin uros.
Deu som de la predicadera
Que la vedè mei plan que nos !
Los drolles, en servin l’aufici,
De l’espiar qu’avon cap virat.
Que s’an desbrombat lo servici !
B’ei totun aquo gran pecat !

Lo bon diu eus perdona omen
Com me deu perdonar a jo,
Au loc de diser « amen, amen »
Que diseram « amor, amor ».
Sabelita, la sabelita
Que’ns enlugarnes, aquo que’s sap
Sabelita, la sabelita
Que’ns as hèit pla pèrder lo cap !

Vila de Pau, de nostes Pireneos
Be’n es la reina, la mei bera flor
Enlòc n’ei vist com tu vila …

Legir tot

Vila de Pau, de nostes Pireneos
Be’n es la reina, la mei bera flor
Enlòc n’ei vist com tu vila tan plea
De dos deu cèu d’atrets et d’esplendors
Que vau partir mes miga que pots créder
Que tornerei au pais de mas amors
Vila de Pau per mei te podé véder
Uelh en partin, m’en vau de reculons.

Que cau quitar lo pais qui m’a vist bader
On ei cantat, aimat e bébut tan
D’aquet bon vin de hauta renomada
De Jurançon deus costalats de Gan
Bé caleré qu’avossa l’amna rhéda
Lo qui’t coneish si pativa shens plors
Vila de Pau per mei te podé véder
Uelh en partin, m’en vau de reculons.

Adiu ! Adiu ! Beròi lòc de plasença
Lo trin partesh jo ne no’t védi mei
Adiu Biarn on l’aunor, la vailhença
La fé, la glòri e s’an hèi ua lei
Lo bastiment que l’ancra no maseda
Deisha en darrèr lo pais de mas amors
Vila de Pau per mei te podé véder
Uelh en partin, m’en vau de reculons.