A l'entorn de ma maison,
Nau* arròsas e un boton. (bis)

Arrosèr flairejant !
Viva lo bèth boton d'arròsa ! …

Legir tot

A l'entorn de ma maison,
Nau* arròsas e un boton. (bis)

Arrosèr flairejant !
Viva lo bèth boton d'arròsa !
Arrosèr flairejant!
Viva lo bèth boton d'argent !

* Chanson "de neuf" : "Nau", puis "ueit, sèt, sheis, cinc, tres, dus, un".

Ent'on vas, pastoroleta ?
Hè't drin ençà.
En aquesta pradeta,
Nat lop non i a.
Revira tas aulhetas
Luenh deu …

Legir tot

Ent'on vas, pastoroleta ?
Hè't drin ençà.
En aquesta pradeta,
Nat lop non i a.
Revira tas aulhetas
Luenh deu brocar,
Jo t'amassi floretas,
Ca-i'm aidar.

Per la còsta o la plana,
Si vòs maison,
Jo t'òfri ma cabana
Dab hèra aunor.
Enlòc seras plaguda
Mei que per jo,
Ni tanpòc recebuda
Dab tan d'amor.

Si vòs còca o milhada,
Jo te'n darèi ;
O si aimas mei calhada,
Jo te'n harèi.
Ací, joena pastora,
Pòts comandar,
Cò qui ei non demora,
Qu'a t'agradar.

Montanhas sus montanhas,
Montanhas de Seson,
Que i avè ua bergèra
Qui brilhava com lo só.

Be n'ei estada embrassada …

Legir tot

Montanhas sus montanhas,
Montanhas de Seson,
Que i avè ua bergèra
Qui brilhava com lo só.

Be n'ei estada embrassada
Per un pastor biarnés,
E mèma cortisada
Per aulhèrs de Cauterérs.

Jo la preni, jo l'embrassi,
Sus l'erbeta la pauséi ;
Be'n hasói mila promessas,
De non la quitar jamei.

La bergèra tota estonada
D'enténer aqueth pastor,
Be digó tota rusada :
"Be't volerés trufar de jo"

Jo travèrsi las montanhas
Tà seguir mon aimador,
E que deishi los de casa,
En grana desolacion.

Be'n diseràn que m'as panada,
Aquerò n'ei qu'un abus,
Adishatz tots los de casa,
Que no'm vederatz jamei plus.