A Sent Liugèr que i a quate bèras gojatas
Quate bèras gojatas se'n van dens l'Orion
Per har dançar los …

Legir tot

A Sent Liugèr que i a quate bèras gojatas
Quate bèras gojatas se'n van dens l'Orion
Per har dançar los drilhes e aqueths joens garçons.

Que s'an hèit un boquet pesava trenta liuras,
Pesava trenta liuras ne'u podèn pas portar,
Au permèr torn de dança se l'an deishat tombar.

Adishatz dauna de la mèisson,
Lo topin la culhèra e lo cautron,
On ei la vòsta hilha
Lo topin e …

Legir tot

Adishatz dauna de la mèisson,
Lo topin la culhèra e lo cautron,
On ei la vòsta hilha
Lo topin e la gran' grilha.

Sabetz pas perqué e soi vienut ?
Lo topin la culhèra lo bisagut,
Tà'va demandar la Catrina
Lo topin e la tarrina.

Catrina e's marida pas augan,
Lo topin la culhèra lo cuu deu can,
Que n'ei tròp Sent Jausèpa
Lo topin e l'escauheta.

Au gavarrat que i a ua bruna de tot Chalòssa n'i a pas ua,
Amorosada dab un aulhèr que morirè …

Legir tot

Au gavarrat que i a ua bruna de tot Chalòssa n'i a pas ua,
Amorosada dab un aulhèr que morirè si non l'avè.

De bon matin que s'ei lhevada tota peinusa descauçada
E que se'n va entau brostèr véder a passar l'aulhèr.

E bé ma filha d'on viens adara tota peinusa descauçada,
I a jo que vièni deu brostèr véder a passar l'aulhèr.

E bé ma filha que voi que'u quitis que'n sabi un aute que t'i volè,
Que t'i volè e que t'aurà e cent escuts que deu costar.

Mon siu ma mair quinh voletz que'u quiti
Qu'èi un gojat, que me'u meriti,
Que me'u meriti e que l'aurèi a maugrat de vos que l'esposerèi.

Mes çò qui me'n facha bèra sus la montanha sias aulhèra
Aulhèra per darrèr los boishons per guardar los petits anherons.

Hilhòtas de delà l'aiga passaretz ença ?
Passaretz ençà tà d'aquesta ombreta
Hòrs l'arrai deu sor parlarem de har l'amor. …

Legir tot

Hilhòtas de delà l'aiga passaretz ença ?
Passaretz ençà tà d'aquesta ombreta
Hòrs l'arrai deu sor parlarem de har l'amor.

Quin voletz que jo que passi que non i a batèu ?
Que non i a batèu ni nat pont d'arcada
Ni nat pastorèu qui sia fidèu.

Si tu n'èras fidelòta trobarés batèu.
Trobarés batèu tanben pont d'arcada
Tanben pastorèu qui't sia fidèl.

No'm hidi a vòsta promessa plan v'arrideretz.
Plan v'arrideretz de la mia feblessa
Que'm parlatz d'amor tà'vs trufar de jo.

Jo me'n vau entau marcat per crompar un chivau blanc.
Querdi de'm crompar un chivau, n'èi crompar ua mitra ahorda. …

Legir tot

Jo me'n vau entau marcat per crompar un chivau blanc.
Querdi de'm crompar un chivau, n'èi crompar ua mitra ahorda.
N'èra ahorda de l'un uelh e de l'aut' ni vedè pas gota.

La voloi l'i balhar hen, ne'n hialèva estopa.
La voloi i balhar mei, ne'n caguèva ficèla.
N'i voloi montar dessus, soi tombat sus Raiona.
Que me'n vau entau casau, tròbi un casso dab mesplas.

Jo m'i boti a còps de pau, ne'n drabèvan cerilhas.
La dauna n'enguisèva lo can e la lèba que'm nhaquèva.
Que'm nhaquèva au dit deu pè, l'aurelha que'm sagnèva.

Quand soi arribat a l'ostau las daunas que chinèvan.
Los òmis n'èran a la sot e los pòrcs que dalhèvan.
De qui me'n vau entau porèr, la vaca que prestiva.
La hasan caubèva lo born, las guitas qu'en.hornèvan.
E lo polòi suu miei deu sòu s'estoflèva d'arríder.

Lo Bertran n'a ua craba gromanda com un can
Es anada a l'entoma au casau d'un paisan
Lantran la miralintrèna, …

Legir tot

Lo Bertran n'a ua craba gromanda com un can
Es anada a l'entoma au casau d'un paisan
Lantran la miralintrèna, lantran la miralintran.

S'i a minjat las leitugas e mei lo caulet blanc
Es estada assignada per cinc o shèis sarjants.

Apresentèt sas còrnas au premèr arribant
Que l'an miada a l'audiença davant lo president.

S'i trocèt sa codeta, sautèt dessus un banc
D'un sustèth de cagalhas, un sustèth tot pishant.

Que paguèt las leitugas e mei lo caulet blanc
Que domandèt aus jutges si ne'n volèn autant.

Margòt vòu pas dançar, Margòt dancerà pas
Que n'aja un beròi par d'esclòps.
Los esclòps que son vienuts, Margòt se …

Legir tot

Margòt vòu pas dançar, Margòt dancerà pas
Que n'aja un beròi par d'esclòps.
Los esclòps que son vienuts, Margòt se los a metuts.
Trucs malhuca, trucs malhòc a la lutz de la candèla,
Nos vèiram dançar Margòt.

Seguir en remplaçar "par d'esclòps" per :
par de debàs, pantelons, cotilhon, devantau.

Au darrèr :
Que n'aja un beròi pagalhós
E perqué pas dus pagalhós.
Lo laganhós qu'ei vienut...

S'ombreja devath bèth bròc la bèra Margalida.
Per aquiu vèn a passar bèth chivalièr d'Ongria?
Que hasètz la bèla au …

Legir tot

S'ombreja devath bèth bròc la bèra Margalida.
Per aquiu vèn a passar bèth chivalièr d'Ongria?
Que hasètz la bèla au bòi sola shens companhia ?
E pujarètz au chivau o sus la sèra brida ?
Tot lo bòi que n'an passat abens se jamei mot díser.
Quand estón delà deu bòi la bèla e's bota a ríder.
Jo m'arridi de tu galant, de la toa coardisa.
Tornarèm la bèra au bòi, cent escuts que't daria.
Ni per cent, ni per dus cents, quan me'n daretz dus mila.
Quan teniètz la calha au pè, perqué non la plumavatz ?

Sarremilhòca m'i tòca ma maire,
M'i vòu tocar lo pè ma maire
I e dèisha l'i tocar ma hilha.

la …

Legir tot

Sarremilhòca m'i tòca ma maire,
M'i vòu tocar lo pè ma maire
I e dèisha l'i tocar ma hilha.

la cama, lo jolh, la cueisha, cca...

Vila de Castelnau, vila tant renomada
Que i a dus cents sordats mandats son a la guèrra
Tots i son …

Legir tot

Vila de Castelnau, vila tant renomada
Que i a dus cents sordats mandats son a la guèrra
Tots i son maridats sinon lo capitèni
Eth s'i vòu maridar dab bèra damisèla
Suu camin de la hont rencontra la chambrièra
Ditz-me chambrièra donc, on ei la damisèla
Pujatz la-haut pujatz, la-haut dens la chambreta.

Las hilhas de Marmanda que's vòlen maridar
Non vòlen pas deus òmis qui non sian avocats
Los avocats son riches mes non las vòlen pas
Vòles las de Coduras qui'n son de majestat
Que'n pòrtan las frontanjas davant deu peu frisat.

E suu bèth pont de Lio Marion s'ei endromida.
Era ne'n drom pas si fòrt que n'enten lo naviri
E …

Legir tot

E suu bèth pont de Lio Marion s'ei endromida.
Era ne'n drom pas si fòrt que n'enten lo naviri
E ronlalà derideta la, derideta lanlira.

Arriba, arriba matelòt te sohèti ua bona arriba.
M'as pas au men vist mon amant per qui capvath los islas.

Jo l'èi vist e mei parlat qu'es mòrt dens l'Italia,
M'a deishat per testament vos qu'estessitz m'aimia.

Jo l'èi atenut set ans jo l'atendrèi sus quinze.
Mes au cap de queths quinze ans la bèra s'i marida.

Tot en vienent d'esposar son bel amant qu'arriba.
Autant luenh com l'i a vist tombèt mòrta esbahida.

Eth l'i gaha a plenh braçat, revelhetz-vos m'aimia.
Se vos avetz un amant, jo m'èi hèit ua aimia.