Lo dimenge au mercat de Lunèu
Pesca-luna a portat son capèu
A son braç la polida Muriel
Li demanda de …

Legir tot

Lo dimenge au mercat de Lunèu
Pesca-luna a portat son capèu
A son braç la polida Muriel
Li demanda de crompar de mèu
Pesca-luna es au “Marselhès”
I demòra lo temps de la messa
Pesca-luna es pas un borgès
Lo trobaretz au mercat de Lunèu

A la fièra de Rovièra
Pesca-luna a crompat un anhèu
Mai pecaire a Beucaire
Pesca-luna a perdut son capèu

Lo dijòus au mercat d’Avinhon
Marca-mau a crompat un moton
Per l’ofrir a la bèla Marion
En volent que li fague un poton
Marca-mau es au cafeton
I demòra lo temps de la messa
Marca-mau es pas un colhon
Lo trobaretz au mercat d’Avinhon

Lo divendres au mercat de Montfrin
Manja-cèba a crompat un lapin
Per l’ofrir a la bèla Fanny
Per i faire fugir lo chagrin
Manja-cèba es au bar deis amics
I demòra lo temps de la messa
Manja-cèba es pas luènh d’aqui
Lo trobaretz au mercat de Montfrin

Quatre companhas, mila companhas, o bella ciao
Cantavan la tèuna canson.

L'aura es valenta, l'auba es naissenta, o bella ciao …

Legir tot

Quatre companhas, mila companhas, o bella ciao
Cantavan la tèuna canson.

L'aura es valenta, l'auba es naissenta, o bella ciao
E lo camin mena a la mar.

Dins la montanha, dins la campanha, o bella ciao
Cercam d'òmes de volontat.

E tu que dobtas, ven amb nautras, o bella ciao
L'aire sentís la libertat.

Sovent te sònan amb de noms
D'aqueles qu'èran pas tos filhas.
Sovent te meton lo vestiment
De lor dimenge qu'es …

Legir tot

Sovent te sònan amb de noms
D'aqueles qu'èran pas tos filhas.
Sovent te meton lo vestiment
De lor dimenge qu'es pas lo tieu,
Dòna Carrièra.

Te sabi trista quora lo pas
Martèla l'òrdre sus ton pavat.
Te sabi urosa quand lo pè nus
De l'enfant paure jòga sens bruch,
Dòna Carrièra.

Dins tos ostals i a tant d'uòlhs
Pas res t'escapa dels gestes fòls
Dins ta memòria tot aquò deu
Comptar per l'ora del jutjament,
Dòna Carrièra.

Dins ta gandòla, a cada instant,
L'amor se jòga a s'inventar ;
Un amor paure qu'es amagat.
Pasmens te jure qu'a pas trichat,
Dòna Carrièra.

E se te levan tos pavats
Per que s'ausisse lo bruch
D'una revòlta d'encolerats,
Sabi que t'an pas levat ton buf,
Dòna Carrièra.

Gachòla aviá cent ans disia que n’aviá mila
Aviá pas de maset aviá ges de familha
Disiá qu’èra nascut un …

Legir tot

Gachòla aviá cent ans disia que n’aviá mila
Aviá pas de maset aviá ges de familha
Disiá qu’èra nascut un jorn amb l’auratge
Disiá qu’èra vengut après un polit viatge

Coneissiá lo Japon la China e l’America
E lo nom perfumat de las filhas d’Africa
E Gachòla contava al mond estabosits
Las istòrias d’un pòble qu’avià pas jamai vist

E Gachòla diguèt un matin de setembre
Ara me cal partir per faire un novel viatge
Sabi qu’endacòm mai demòra un pais
Aquel l’ai somiat e l’ai pas jamai vist

Es un pais quilhat entre mar e montanha
A l’odor de rasim farigola e castanha
Lo vent d’autan i bufa amb la tramontana
Lo roge e l’aur i dansan lo sèr sus la plana

Ven, ven aquò's la festa de musica per dansar
Lo vin te monta a la testa vaquí çò que te …

Legir tot

Ven, ven aquò's la festa de musica per dansar
Lo vin te monta a la testa vaquí çò que te cal far :
Leva, leva, leva la camba, tira, tira, tira lo pè.

Deputat dins ton cartable doblides pas la leiçon,
Caldrà faire ton miracle, tas promessas d'eleccion.

Mèfi monsur lo ministre que la ròda vai virar,
Se ta plaça èra plan cauda lo temps se pòt refrejar.

Monsur lo despenja-figa, cambiament-continuitat,
Voliás despenjar la luna, lo solelh t'a ensucat.

Coma cal de solelhada per la vinha e lo rasim
Carnaval tota l'annada, de fogassa e mai de vin.

Pren la man de ta vesina, potoneja ton vesin,
Lo potage se rabina soparem amb de vin.

Aval a la ribeira i a una richa maison
Tota blanca e de peira es la de Joaneton.

Es partida …

Legir tot

Aval a la ribeira i a una richa maison
Tota blanca e de peira es la de Joaneton.

Es partida a la vila dins l'administracion
La fenèstra es tampada e lo camin peirós.

Pas degus al vilatge, país abandonat,
Un país de caumatge es un país tuat.

Lo vent del nòrd i canta una trista canson
Ont es la farandòla que fasiá Joaneton ?

Ara qu'es revenguda i a de flors dins lo camp
La fenèstra es doberta e lo camin es blanc.

Lo vent marin i canta una bela canson
Aquò's la farandòla que mena Joaneton.

Aval a la ribeira i a un polit ostal
Dimenge serà festa i farem carnaval.

Ieu ause amont lo gau que canta sus lo teume
Adieu patron Sigaud, lo brande de Sant Eume,
Lo gau …

Legir tot

Ieu ause amont lo gau que canta sus lo teume
Adieu patron Sigaud, lo brande de Sant Eume,
Lo gau vò non lo gau fasem coma se l'èra
Lanlira, lanlèra e vòga la galèra.

Ieu ause lo siblet dau mèstre d'equipage
Adieu lo risolet dei filhas dau rivatge
Siblet vò non siblet...

Ieu vese Garlaban amb la Santa Bauma
Fau metre pé sus banc, la magdalèna embauma,
S'aquò's pas Garlaban...

Ieu ause lo trinhon de Santa Reparada
De Napl'en Avinhon n'avem qu'una estirada,
Trinhin vò non trinhon...

Ieu vese un grand portau que cuerb tota la rota,
Marsilha e seis ostaus i passarien dessobta
Portau vò non portau...

Ieu vese au mirador Roson tota esmoguda
Qu'amb son mocador nos fai la benvenguda
S'es pas un mirador...

Dins ton agach i a de solelhs e i a d’estèlas dins tos pels
Vòli ma lenga per nommar la …

Legir tot

Dins ton agach i a de solelhs e i a d’estèlas dins tos pels
Vòli ma lenga per nommar la terra ont pausi la man

O mon pais aquò’s tos uòlhs ò mon pais aquò’s ton còs mon pais

Ta pel mon viatge mon retorn tas cambas ma rota d’amor
Al cap del camin i a mon nis m’i pausarai per i dormir

Sus ton espatla sus ton braç lo camin blanc de mon solaç
E sus ta cara lo repaus pais de mila somis blaus

Aviá la pichòta vinha mai polida del canton
L’aimava coma sa filha es aquò d’esser vinhairon
Quand arranquèt totas las …

Legir tot

Aviá la pichòta vinha mai polida del canton
L’aimava coma sa filha es aquò d’esser vinhairon
Quand arranquèt totas las socas los uòlhs coflats de tant de plors
La sang de sas mans grafinhadas èra vin de socas d’amor

Pichòta vinha polit rasim dansa la trelha raja lo vin
La vida es corta lo camin long aquò’s la ròda de las sasons

Deman de matin a sieis oras nos vendran querre per partir
Farem la festa dins la vinha tota la nuòch òc Magali
Metrem la taula e las candèlas ta rauba verda de velòs
Nos aimarem deman a l’auba coma s’èra lo premièr jorn

Vaquí l’Esteve e son cigarro ven aquí siás lo benvengut
Manja un mossel pren-te un seti parlarem quand aurem begut
Jogatz musicians e cantaires tot lo vilatge es convidat
Deman venon los profitaires e lo tonèl l’aurem voidat

A l’auba totes dos s’aimeron tot lo vilatge èra present
Quand los gendarmes arriveron lo solelh éra naissent
Cadun sentissiá la colera cada man sarrava una man
E un silenci grand cridava çò que segur seriá deman

Dejós ma fenèstra i a un aucelon
Tota la nèit canta, canta sa canson.

Se canta que cante, canta pas …

Legir tot

Dejós ma fenèstra i a un aucelon
Tota la nèit canta, canta sa canson.

Se canta que cante, canta pas per ièu,
Canta per ma mia qu'es al luenh de ièu.

A la font de Nimes i a un ametlier
Que fa de flors blancas coma de papier.

Aquelas montanhas que tan nautas son
M'empachan de veire mas amors ont son.

Nautas son plan nautas, mas s'abaissaràn
E mas amoretas se raprocharàn.

Baissatz-vos montanhas, planas levatz-vos
Per que pòsque veire mas amors ont son.