Isabela e ieu siam pron ensems
Sens si creira Eva e Adam
Avem caminat d'ans de temps
Barrutlant'me nosteis enfants. …

Legir tot

Isabela e ieu siam pron ensems
Sens si creira Eva e Adam
Avem caminat d'ans de temps
Barrutlant'me nosteis enfants.
E dos tres quatre, e sensa si batre,
L'amor de còps tomba plan
La causa sola que mi trebola
Es qu'i ai pas fach de refranh.

Aguessi agut lo gaubi
I auriái fach de som-som
Siés sinfonias s'aviái lo son
Ame mila cançons
(repic instrumental)

Ier per fortuna
Sota la luna
Ai pianò a quatre mans
Boscaviam l'aubada
E l'ai trobada
La valsa dei dos
Amants

Ansin l'auçeu e l'aucela
Improvisan galhoment
Si faguet la valse que dien
A Isa Isabela.

Frederi, Estello,
Vincent, Esterello,
Miquèu d'eici, Lùci d'eilà,
De que sara ?
Eugèni o Julian,
Emilio o Baqtian,
Bessai Julìo, …

Legir tot

Frederi, Estello,
Vincent, Esterello,
Miquèu d'eici, Lùci d'eilà,
De que sara ?
Eugèni o Julian,
Emilio o Baqtian,
Bessai Julìo, pulèu Nourat,
Es d'espera.

Refrin :
Filho o enfant,
Balin, Balan,
Chato o garçoun,
Pichoun.
Filho o enfant,
Balin, Balan,
Chato o garçoun.

Un fautuei de cano,
D'aguïo e de lano,
E tricoti, e tricota,
L'enfant vendra.
De debas, de braio,
De pedas, de maio,
E tricoti, e courdura,
L'enfant es na.

Refrin

Un brès blanc de velo
Barco bressarello,
E bressouli, e bressoula
E tintourla.
Lou pichot renejo,
Guigno, plourinejo,
E tintourli, e tintourla
La som vendra.

Refrin

Lo sire Montfaucon, gonfla bedena (bis)
Coma un barrau, coma un capon, pichòta Elena, (bis)
Se jamai dins son salon, …

Legir tot

Lo sire Montfaucon, gonfla bedena (bis)
Coma un barrau, coma un capon, pichòta Elena, (bis)
Se jamai dins son salon, tombatz lei braçs en estrena
Descurbiretz que l'amor, de fes es lord !

Refranh :
E i anetz pas (bis) gentona dòumaisela
E i anetz pas (bis) l'amor s'esquicha pas !

Dins Caromb i'a un baron, qu'a de dardenas
'Me de dardenas
D'escuts emai de ducatons, lei bralhas plenas (bis)
Se bevetz de picalhons a sa fònt que non s'abena,
Descurbiretz que tant d'or, a gost de mòrt !

Refranh... L'amor si juega pas !

I'a de cadres en Avenhon que fan pas pena (bis)
Mai son esclaus de son patron, pichòta Elena (bis)
Passan sa vida en avion, son aquí que per Calena
Descurbiretz que l'amor de fes es sord !

Refranh... L'amor s'espera pas !

Segur que deven gibos 'queu que si geina (bis)
Mai pecaire s'eriam vos, pichòta Elena (bis)
Se mancaviatz d'amorós, vos menariam a Vedena
Descurbiretz que l'amor es jamai cort !

Refranh... E i anetz pas se l'amour non i es pas ! (bis)

Ieu cèrqui meis amors,
Cèrca que cercaràs,
Que l'ora es ben falida
E se son esvalidas,
Adieussiatz, adieussiatz.

Ieu cèrqui …

Legir tot

Ieu cèrqui meis amors,
Cèrca que cercaràs,
Que l'ora es ben falida
E se son esvalidas,
Adieussiatz, adieussiatz.

Ieu cèrqui meis amors
Qu'avián ren dins lei mans
Qu'un pauc de blad de luna,
Alucadas, tot d'una,
Amossadas subran.

Ieu cèrqui meis amors,
De monte son cochadas,
Bessai au liech de glaça,
Amb'un que se n'en garça,
E pas meme alassadas.

Ieu cèrqui meis amors,
Qu'avián gost d'agriòtas
Raubadas d'escondon
Au jardin d'un capon
Lo vespre de la vòta.

Ieu cèrqui cade jorn,
Lo temps blanqueja mau,
E l'aure si destaca,
E la rason barjaca,
La gau manja la gau.

Alòr, a dos uelhs clars
Que m'an reconeigut
Quand picavi a la pòrta,
Ai laissat 'questa nòta :
"Cèrqui amor qu'es perdut".

L'oustau de Carmen la Goio
La joio se i'es tancado.
Soun cor es encuei un aubre
Qu'un mouloun d'aucèu ié …

Legir tot

L'oustau de Carmen la Goio
La joio se i'es tancado.
Soun cor es encuei un aubre
Qu'un mouloun d'aucèu ié canton.
Soun cor es encuei un aubre
Qu'un mouloun d'aucèu ié canton.

An pas vist brilha l'estello
An pas vist li bèu rèi mage,
E pamens dedins sa grùpi
Es un diéu que vèn de naisse.
E pamens dedins sa grùpi
Es un diéu que vèn de naisse.

L'oustau de Carmen la Goio
De segur es un di paure,
Mai l'enfant vangu la vèio
Dirias qu'enlusis la chambro.
Mai l'enfant vangu la vèio
Dirias qu'enlusis la chambro.

L'oustau de Carmen la Goio
La vido i'es plus grisasso.
Pèr que cadun i'espeligue
Sufis d'un respir d'enfanto.
Pèr que cadun i'espeligue
Sufis d'un respir d'enfanto.

An pas vist brilha l'estello
An pas vist li bèu rèi mage,
E pamens dedins sa grùpi
Es un diéu que nais de longo.
E pamens dedins sa grùpi
Es un diéu que nais de longo.

Aièr que fasiás flor,
Au jardin d'un enluec
Que m'èri plantat sauze,
Au canton dau sempre-jamai,

Mi venguèt un parèu …

Legir tot

Aièr que fasiás flor,
Au jardin d'un enluec
Que m'èri plantat sauze,
Au canton dau sempre-jamai,

Mi venguèt un parèu
D'enfants sucós d'amor
Au canton dau sempre-jamai.

Mai, s'an maridats toei dos, mai
Que leis abilhas de Mai
Si mandon lei flors...

E ieu, sas coma siáu,
Quand si devestigueran
Manqueri perdre l'ama,
Au canton dau sempre-jamai ;

Mi reveniá qu'ansinta
Sota d'un grafonier
S'eriam fach d'agriòtas
Au canton dau sempre-jamai.

Mai, per long païs de temps, vai,
Que si perde l'alen, l'aire
Emai lo sèns !

Es-ti que mi pensavi
"Si manjan son pan blanc"
O ben de ton abséncia
Au canton dau sempre-jamai,

Mi sentigueri'n pauc las
La branca coma freula
N'en tomberi una fuelha
Au canton dau sempre-jamai.

(parlat)

D'auvir tombar 'na fuelha
Cad'aubre tombet la sieuna
S'es replagat l'estiu
Lei pichòts s'en torneran
Cadun dedins sa chambra
Au canton dau sempre-jamai.

Deman quand farás flor,
Excusa mi per l'ombra,
Per la malanconià
Au canton dau sempre-jamai.

E vagues pas t'estonar
Se la sason si pèla
Se l'automna es d'avança
Au canton dau sempre-jamai.

N'i a que dison toujour de nautre
Sèns saupre de nosto vido :
"Auéli gènt, fan que dourmi,
Coume de …

Legir tot

N'i a que dison toujour de nautre
Sèns saupre de nosto vido :
"Auéli gènt, fan que dourmi,
Coume de limbert au soulèu".

Refrin :
Vène un pau dins nòsti restanco,
Vène un pau dourmi'mé nautre ;
Vène un pau dins nòsti restanco,
Vène un pau ié dourmi.

Veiras uno terro que douno
Pas tant de blad que de clapas,
E se vos que siegue bagnado,
Fau que i'adugues ta susour.

Refrin

S'acò t'agrado de li vèire,
Ié faren toui la meridiano,
La faren à còp de magau,
Que n'en avèn à te presta.

Refrin

Mai sian segur que vendras gaire,
E que diras coume as fa sèmpre :
"Aquéli gent, fan que dourmi,
Coume de limbert au soulèu".

Refrin (bis)

A l'entorn dau babi
Qu'es ais mila colonas
Erian totei aqui
Avans qu'una ora sona,
Algerian, Portugues,
Tunisian, Espanhòus,
E …

Legir tot

A l'entorn dau babi
Qu'es ais mila colonas
Erian totei aqui
Avans qu'una ora sona,
Algerian, Portugues,
Tunisian, Espanhòus,
E nosautrei bastards
Reis de la Plaça ais erbas,
Totei gents de la mar,
O paures montanhòus.

Lo patron soguihava,
A cadun sus la pòrta,
Pas lo temps de va dire
Qu'enam deja servits,
I'aviá que de ben rire
A l'entorn dau babi
Sabiá despuei longtèmps
Co que ben un Popòu
Un tipe de la mar
O ben un montanhòu.

Refranh (parlat)

Una lònga cigareta,
La pipa que tuba
Blanc e blu.
La mòstre que s'arresta
Lo bonur es perdut.
Un chíco de cafè,
Dos dets de Garlaban,
Ai begut dins teis uelhs
I'ai begut tei vint ans.

E lei mila colonas
S'emplissan de la votz
Dei lòngas charadissas
Que passaviam aqui.
Per se levar l'enuèlh,
Per plus èstre soulet,
Per se pausar un pauc,
Per parlar a quaucun,
Un tipe de la mar,
O a un montanhòu.

De còp que l'i'a li vau
Per aguer de novelas
D'un que vèsi plus
Despuei ja tant de temps
Ahmed s'en es tornat?
Pedro s'es maridat,
E sa pichòta ven
Cada jorn saludar
Lei tipes de la mar
O ben lei montanhòus.

Refranh (parlat)

Se de còps a l'asard
Passatz d'aqueu costat,
Intratz per beure un còp,
Saludatz ben lo Jò.
Digatz-li que vau ben,
Qu'ai fach pron de camin,
S'ai de còps de chagrin
Aquò ten pas longtemps,
Per un'chon de la mar
Qu'es vengut montanhòu.

Sus l'auturo douarme un rèi
Qu'a de ploumb dins sa courouno,
A soun bouquié de vermèi
Apatejon de leiouno.
Dins …

Legir tot

Sus l'auturo douarme un rèi
Qu'a de ploumb dins sa courouno,
A soun bouquié de vermèi
Apatejon de leiouno.
Dins soun uei
Uno larvo dei pichouno
S'acoucouno
E li tèisse soun embuei.
Sus l'auturo douarme un rèi...

Quand regnè sus Entremount
La terro istavo pas roundo,
Lou soulèu, levant-tremount
Si mouvié coumo uno foundo ;
A l'aploumb
D'un clapié d'estello blondo
Que d'iroundo
Clavelavon peramount.
Quand regnè sus Entremount...

Sabié la vano sabour
Qu'à la mouart toujour s'ajusto ;
Pèr planta sèns bescountour
Soun eternita roubusto,
L'escultour
Dins la roco bruto e justo,
De sa fusto
Avié taia lei countour.
Sabié la vano sabour...

Pèr que l'èime, au jou mortau,
Dins la closco li restèsse
Coumandè qu'à soun lintau
Un cran d'ome s'empeguèsse.
Un catau
Qu'avié counserva soun èsse
Dins leis ouesse
Li trevavo sus l'oustau.
Pèr que l'èime, au jou mortau...

Au counsèu, quand pareissié
Arribavo emé doues poumo ;
Davans sei pèd lei trasié :
"Eicò Cartàgi, aqui Roumo."
E disié
Lou perqué, la fin, lou coumo,
E la soumo
De la guerro que neissié.
Au counsèu, quand pareissié...

Lou mounde èro deja vièi
E gauvi coumo uno saumo :
Lei fado an passa per uei
O s'escoundon dins de baumo ;
E despuei
Marto fielo, Marto chaumo
Sus la caumo
Ounte jais lou cors dóu rei...
Ounte jais lou cors dóu rei...

Bau di Blanc o Bau di Negre
A soun brut fasien ecò,
Coume dins li bon "ouesterne",
Eu siblavo si …

Legir tot

Bau di Blanc o Bau di Negre
A soun brut fasien ecò,
Coume dins li bon "ouesterne",
Eu siblavo si tres cop ;
La ninèio de l'escolo
Ié cridavon : "Hosanna",
L'óuliveto de la colo
Devenié l'Arizouna.

Refrin :
Entendès lou Trin di Pigno,
Que poulit chu chu chu chu,
Despièi Niço ejusqu'à Digno
Fai toujour chu chu chu chu.
Entendès lou Trin di Pigno,
Es un trin coume n'i'a plus,
Vous retrais Buffalo Bill
Chu chu chu chu chu chu chu.

Au mitan de la mountado
S'arrestavo proun souvent,
Afourtisson que coumtavo
Sus l'ajudo d'un bon vènt.
Di vagoun chascun calavo
Sus lis erbo dou camin,
S'enanavo escampa d'aigo.
E culi de roumanin.

Refrin

A coustat de si dos raio
Dins li roure e dins li pin,
I'a plus rèn que d'oustalaio
Que ié dison de "bildin" ;
Soun clafido de besougno,
Moudernasso que-nou-sai,
Mai lou trin que vous empougno
Ié barrulo mai que mai.

Refrin

Lou bèu trin de la ninèio
Perqué dire que i'es plus
Soun penacho de tubèio,
Es verai que l'a perdu
Mai se sias dins la campagno,
Sarés tout reviscoula
D'avé'ncaro pèr coumpagno
La cansoun de soun sibla.

Negre de péu e de carage
Demié ti fraire narvelous
Jogues a l'orle dóu vilage
Dins la bourdilho e l'èr …

Legir tot

Negre de péu e de carage
Demié ti fraire narvelous
Jogues a l'orle dóu vilage
Dins la bourdilho e l'èr poussous.

L'oustau de rodo te carrejo
Uei de velout e pèd descaus,
D'un caire a l'autre ounte pounchejo
Un douchié bessai mai courau.

De-longo barrulant tambèn,
Sus lou camin di musician,
Je rescountrère. Pièi, ensèn,
Sus dos guitarro jouguerian.

Touto la niue tu, lou bóumian,
Cantères ta raço bandido
Iéu que me dison l'óucitan,
Plourère ma terro perdudo.

Se ta patrio es la grand'routo
Iéu moun païs, me l'an vendu...
Adiéu, bóumian, ma cordo es routo
Canto soulet, iéu pode plus !

E tu lou Mauro d'eilabas
Qu'as travessa la Mieterrano
Pèr veni basti d'oustalas
Sus la coustiero e dins la plano,

Dins toun casau, 'mé ti coumpan
Liuen de ti gènt, de ta mousuqeto,
Fas trop souvènt lou bramo-fam
E gaire proun la risouleto.

Pasmens ti rèire soun vengu
Cerca eici ço qu'esperavon,
Coume rèn de bon n'an agu,
Dins soun relarg se recampavon.

Li miéu, aièr, dins toun endré,
An fa batèsto e perdeguèron
Qu'aguèsson si tort o si dre,
L'un emé l'autre, nous liguèron.

Se repepies plus lou COuran,
Sero e matin, devers la Mèco,
Escoute plus lou capelan
Qu'en francés debano sa prègo.

Sian de coutrio, fourestié,
Descaviha dóu calaman,
Deman, segur, auren lou le,
Pèr acò dounen-nous la man.

Barrutla, barrutla, auras pas d'ostau,
Que me disiá ma grand, paura grand !
Jita un pauc de sau en passant …

Legir tot

Barrutla, barrutla, auras pas d'ostau,
Que me disiá ma grand, paura grand !
Jita un pauc de sau en passant lo lindau
Ti garda dau malan !...
Sabi pas s'es manca de sau o d'argènt
O de bonur belèu !
Ai talament cambiat d'ostaus que me dien
Novè de Qant-Miqueu !

Ieu qu'aimi de còrrer coma un chin de cassa,
Fau dire qu'a l'ostau deis aujòus
Rèn jamai non bolegava de sa plaça
Foliá marchar sus d'iòus !
Ara fau Sant-Miqueu a chasque congier,
Resti dins mon camien
Podriàu bèn far mon trauc dins l'immobilier
Siáu vengut competènt !

Dins l'afaire ai perdut quatre pianòs,
M'aquò mei disques, mei libres e mon vin,
Li ai même laissat mon amiga de còps
Dins lei bras d'un vesin,
Mai basta ! pertot onte l'asard mi pòrta
Ai coma de familha
Podriàu viure tot l'an de-vers l'un o l'autra,
Fariàu d'economias !

Mai m'agrada mies quora ven la sason
Niflar fins dins leis anoncias dau temps,
Barraca, estudiò, baqtida o cabanon,
Que siáu polivalent !
Es-ti pas verai qu'un apartament nòu
Es una nòva chabença,
Fau pintar lei parets, refaire lo sòu,
La vida recomença !...

Chorus
Quand la capolier mi cridara : "I'anem,
Es temps de dire adieu au soleu"
Ieu lo barrulaire, demandarai rèn
Que morir per Sant-Miqueu...
Se manca de plaça au cementèri onte siáu,
farai pas ges d'istòrias,
Siáu volontari que mi cambiessan lèu
Sustot s'es provisòri...

T'en vas dins la grand vilo
Qu'eici se póu ren fai'.
Li jouine fau que parton
Se volon de travai. …

Legir tot

T'en vas dins la grand vilo
Qu'eici se póu ren fai'.
Li jouine fau que parton
Se volon de travai. (bis)

Me dises que pèr Pasco
Saras mai de retour,
Mai pode pas t'escoundre
Qu'ai pòu d'aqueste jour. (bis)

N'aquelo grando vilo
De que vas rescountra ?
De femo que se pinto
Per miés vous trevira.

N'avèn pas d'autant bello
Dins noste vièi païs,
Li veiras 'mé de linge
Coume n'as jamai vist. (bis)

Veiras mi man gausido,
De rufo sus la pèu,
Que de tira la cabro,
Li fai vieii bèn lèu. (bis)

Saras-di bèn lou même
Que l'ome que s'en vai ?
Qu saup, quand vendra Pasco,
Se m'amaras enca ?

T'en vas dins la grand vilo
Qu'eici se póu ren fai'.
Li jouine fau que parton
Se volon de travai. (bis)

Lo dissabte après-miègjorn
Me ne'n vau.
Cambia lo cèu de color
Eilavau
Mi reven mai lo discors
"E la rota …

Legir tot

Lo dissabte après-miègjorn
Me ne'n vau.
Cambia lo cèu de color
Eilavau
Mi reven mai lo discors
"E la rota vira a cada torn"

Tot tot tot tot tot
Tot en montant la còsta
Mi siáu fach'una cançon,
Que ti mandi pèr la pòsta
Arribat au café
Sus la plaça d'Entraunes
Ai sortit lo fulhet
En mi beguent un jaune. (bis)

Segur que m'as vist venir
Quinge còps
A cada pas que fasián mi
Gròs esclòps,
Es pas que ti vau far languir,
"Mai vies, la vida, es important".

E i'a deja de temps
Que parlar mi tafura
Mai per dire "ti vòli ben"
Es una marcadura
Lei mòts que son que lei mòts
Lo còr fa pas fisança,
Siáu gaire bòn pilòt
Ai ges d'assegurança. (bis)

Mai bessai qu'en escrivent,
Vendras mies
Serai segur d'au mens
Qu'as compres
Qu'amariáu que siguem ben
Que siguem ben.

Ai pantaiat de tròp
Per de figas e d'amoras,
Vòli plus riscar tant gròs
Au camin dei temporas
S'amar quand fa ben caud
Melhor que la tempesta
Mies vau un sol pichòt
Que quatre dins la testa (bis).

Tot aque sembla pas
Romantica
Mai se vòs venir'scotar
La musica
Te dira çò que diéu pas.

Aqui, l'a de bruch,
E ma fuelha es pichòta,
T'escrivi a la chut-chut
Au mitan de la ribòta
Se mandes mon papier
Subran ais escobilhas,
Au mens serà discret,
Un biais de poesïa. (bis)

Coma aviái plus de papiers,
Largat qu'eri sensa piadas
E que mi sentiáu tardier
Mai qu'a mon acostumada
Enterin que …

Legir tot

Coma aviái plus de papiers,
Largat qu'eri sensa piadas
E que mi sentiáu tardier
Mai qu'a mon acostumada
Enterin que mon siblet
Nagrejava de blancas
Tamborinejavi solet
Zonzonejant mei mancas
I aviá plus qu'anar vers Clement
E cambiet mon marrit biais
Gentoment !

Leu, leu manderiam lo lech
E ieu m'arrocavi ai brancas
Registeri coma un blet
Cercant de fuec per sei nuechs blancas
Lo franc parlar vertadier
E l'atencien d'un compaire
'Me sa calauma e son mestier
Endralheran l'afaire
Non pensavi d'arriber content
Totjorn mi remembrarai dau Clement.

Entre Vidourle e la Vaunage
Entre Lunèu e Cauvissoun
Sus uno auturo prouh sauvajo
I'a 'n vièi moulin a l'abandoun …

Legir tot

Entre Vidourle e la Vaunage
Entre Lunèu e Cauvissoun
Sus uno auturo prouh sauvajo
I'a 'n vièi moulin a l'abandoun
Longtèmps virant sis gràndis alo,
Qu'espaventavon lis aucèu,
Menè 'no roundo triounfalo
Escoubant la terro e lou cèu.

REFRIN
'Mé si molo au sòu, cuberto d'arounge
Soun téule engruna, e tout d'abóusoun
Aquéu vièi moulin trisso que de sounge,
E lou moulinié n'en fai de cansoun.

La farandoulo sèmpre viroulo,
E soun refrin nous bouto en trin. (bis)

Li païsan de l'encountrado,
Emé sis ase ié venien
Pourta si recordo daurado
Pèr faire farino e vesien
Lou moulinié, toujour en voio,
Que galoi, tenié pèd pertout ;
Dins aquéu moulin plen de joio,
Lou plus chanut dóu terradou.

Refrin

Vaquí la tristo e soumbro istòri
D'un moulin e de soun destin.
Mai degun a garda memòri
Dóu moulinié mort de chagrin.
Pamens dison que sus l'auturo
Entre Lunèu e Cauvissoun,
S'entend un fòu dins la sournuro
Canta de longo uno cansoun.

Refrin