Delai lo rivatèl,
i a una lèbre (2 còps)
Delai lo rivatèl
i a una lèbre que duèrm...

Vai-t'en la …

Legir tot

Delai lo rivatèl,
i a una lèbre (2 còps)
Delai lo rivatèl
i a una lèbre que duèrm...

Vai-t'en la desrevelhar,
bon caçaire, bon tiraire,
Vai-t'en la desrevelhar,
que benlèu la tuaràs !

Hilhas n'aimetz pas tan los òmis
Aqueths don son tan jogadors
Son nuèit e jorn en las aubèrjas
Tan qu'an …

Legir tot

Hilhas n'aimetz pas tan los òmis
Aqueths don son tan jogadors
Son nuèit e jorn en las aubèrjas
Tan qu'an argent se'u jogan tot.
Quan n'an pas mès, eths que n'empruntan
Aus sons amics e companhons.
N'es mièja nuèit quan se retiran
E mantun còp lo punt deu jorn
Au permèr mòt don ditz la hemna
Brut e tempèsta a la maison.
Gahan lo pau darrrèr la porta
Trucs e patacs a Janeton.
- Son aquò, galant, las promessas
Don me hasètz en hèr l'amor ?
Vos me disètz, jo que'n s'ri dauna,
Dauna de tota la maison...
Adara n'soi vòste esposada
Que me truquetz très còps per jorn :
L'un le matin e l'aut' lo vespe
L'aut' lo ser per colacion.
E ne'n soi pas solament dauna
De me crompar un cotilhon.
L'atz la, galant, las claus deu cròfe
Las deu petit cabinetron.
Aquí troberatz las bèras jòias
Don vos m'atz dat en hèr l'amor.
N'auratz entà balhar a las autas
A las don aimatz mès qu'a jo.
- Estatz be suau, pèga minharda,
N'aimi pas nada mès qu'a vos !

Ce la bailèra-lèra
ont anaràs gardar las fedas
deman matin Mion diga-me ?
lirelé la bai lerelò

Ce la bailèra-lèra …

Legir tot

Ce la bailèra-lèra
ont anaràs gardar las fedas
deman matin Mion diga-me ?
lirelé la bai lerelò

Ce la bailèra-lèra
a prima albeta davalarai,
e n'anarai al prat sarrat,
l'erba es fina...
lirelé...

Ce la bailèra-lèra
quand li seràs, espèra-me,
que ieu vendrai...
Parlarem e jogarem,
te'n contarai quauqu'una...
lirelé...

Ce la bailèra-lèra
òc ben òc ben que li serai,
t'esperarai eu t'aimarai,
per lo prat...

Quand la pastora se'n va als champs (2còps)
garda sas motonadas
tiderà lallallà lallallòi
garda sas motonadas.

Guela rescontra un …

Legir tot

Quand la pastora se'n va als champs (2còps)
garda sas motonadas
tiderà lallallà lallallòi
garda sas motonadas.

Guela rescontra un mossuret
que ne la regardava

" - Que regardatz vos mossuret ?
ieu ne'n soi maridada

Amb un bergièr d'aiceste endrech,
longtemps m'a cortisada...

- O daissatz-me vos agachar :
sètz tant polida filha !

- Estacatz vòstre cavalet
a la camba d'un aubre

Estendètz vòstre mantolet
sus la fresca rosada"...

E la perditz, quand la teniá,
guela se n'es anada !

Lo Jan de Pèirahòrta dondena
S'es maridat enguan dondena

Qu'aimava la Mariòta,
La hilha deu Bertrand ;

L'avèva vista a …

Legir tot

Lo Jan de Pèirahòrta dondena
S'es maridat enguan dondena

Qu'aimava la Mariòta,
La hilha deu Bertrand ;

L'avèva vista a la hèra,
A la hèra d'Estanh.

Que hès aciu gojata,
A la hèra d'Estanh ?

Vengui crompar ua pelha,
E dètz pams de riban.

Ende que har la pelha,
E dètz pams de riban ?

Ende'm botar beròia,
Ta n'aùger un galant !

Beròia n'ès tu, bèra,
Se me vòs per galant ?

Astan tu coma un aute,
Porvu que'm balhes pan.

Pan ben n'auràs tu bèra,
Dambe fromatge astan !

Lo jorn deu maridatge,
N'i avoc ni carn, ni pan...

Tanplan s'es maridada
La hilha deu Bertrand.

Nau qu'èm lavant la bugada
Nau
Nau qu'èm lavant la bugada
Nos que la lavam
Nos que l'estenèm
Sus l'erbeta …

Legir tot

Nau qu'èm lavant la bugada
Nau
Nau qu'èm lavant la bugada
Nos que la lavam
Nos que l'estenèm
Sus l'erbeta
Menudeta
Chòt M'èi pishat a la camisa
Chòt M'èi pishat hens los esclòps

Se sabiatz ma maire,
de que m'es arribat :
al fons del mieu ventre
i es passat un rat ! …

Legir tot

Se sabiatz ma maire,
de que m'es arribat :
al fons del mieu ventre
i es passat un rat !

N'a lo cap tot roge,
lo copet pialat,
(un) parelh de mostachas
coma un vièlh soldat !

Sus la nòstra trilha
I a nau ausèths que'm criden
Tots los nau que'm criden mai
Lo pic e lo …

Legir tot

Sus la nòstra trilha
I a nau ausèths que'm criden
Tots los nau que'm criden mai
Lo pic e lo tort e la trida e lo merle
Tots los que'm criden mai
Lo pic e lo tort e la trida e lo gai

Una genta pastora,
un d'aquelses matins,
assitada sus l'erbeta,
plora son bèl amic...

Gara seriá ben ora
que foguèsse tornat …

Legir tot

Una genta pastora,
un d'aquelses matins,
assitada sus l'erbeta,
plora son bèl amic...

Gara seriá ben ora
que foguèsse tornat ;
(a) quauqua pastora maita
son cur a donat...

A ! paura pastorèla,
delaissada soi ieu,
coma la tortorèla
qu'a perdut son parieu...