Adam e sa compànha
N’èran que tròp urós ;
Satan prenguèt la lanha
E s’en rendèt jalós ;
Songèt pus …

Legir tot

Adam e sa compànha
N’èran que tròp urós ;
Satan prenguèt la lanha
E s’en rendèt jalós ;
Songèt pus qu’a lei nuire
E per mièu lei destruire,
Li presentèt dau fruch
Qu’èra estat defendut.

- Aquesta poma es rara !
Tenètz, cresètz a ièu.
Se n’en manjatz tot ara
Sarètz coma de dieus.
Èva presta l’aurelha,
L’apetit se revelha ;
Per voler tròp saber
Manquèt a son dever.

La paura criminèla
Se reconeis ben lèu ;
Son pecat la borrèla
Li trobla lo cervèu ;
Per acabar la fèsta,
Jòga de tot son rèsta,
Se vira vers Adam,
Una poma a la man.

Après un tau mainatge,
Se trobèron tot nus ;
Au travèrs dau fulhatge
Intrèron tot confús ;
Mas Dieu, d’una voes auta,
Li reprochèt sa fauta,
E coma de gredins,
Lei caçèt dau jardin.

Aval lo long de l’aiga
I a un pomièr tot en flors.

I a tres filhas d’un prince
Que son …

Legir tot

Aval lo long de l’aiga
I a un pomièr tot en flors.

I a tres filhas d’un prince
Que son de per dejós

N’i a duas solas que rison
L’autra plora totjorn.

Son paire la va veire
- Ma filha qu’avètz donc ?

Avètz lo mau de tèsta
O aquel de l’amor ?

- N’ai pas lo mau de tèsta
Mès aquèl de l’amor.

Vòli mon amant Pèire
Qu’est tant brave garçon.

- Pèire es jujat a pendre
Duas oras après jorn.

- Paire se pendètz Pèire
Pendètz nos totes dos.

Pendètz Pèire a la brancha
E ieu de per dejós.

Catatz Pèire de ròsas
E ieu de blanchas flors.

Dessús lo pont de nantas
Lo rossinhòl i canta,
Don dèna latuda larèna
Don dèna latuda laré.

- Rossinholet salvatge …

Legir tot

Dessús lo pont de nantas
Lo rossinhòl i canta,
Don dèna latuda larèna
Don dèna latuda laré.

- Rossinholet salvatge
Vòli dintrar en mentage,

Tu que n’as lo cur tendre
Diga me quala prendre ?

- Ne prenguès pas de rojas
An las amors farochas,

Pren-te brunetas
Son totas polidetas.

Chas la maire Antoèna
I a de bon vin blanc

I a de bon vin blanc, de bon vin blanc …

Legir tot

Chas la maire Antoèna
I a de bon vin blanc

I a de bon vin blanc, de bon vin blanc
De polidas dròllas
I a de bon vin blanc, de bon vin blanc
De bons enfants.

Lo molinièr passa
Fa petar lo foet,
Marisson l’agacha
Li quilha lo det.

Cal m’empacharà de l’agachar per la finèstra ?
Cal m’empacharà de l’agachar quand passarà ?

Janeton del Barri
A un polit rosièr
Que las calhas i cantan
Al mes de febrièr.

Lo camin sus la montanha
Lo seguèri tot un brieu,
Caminavi sens companha
Èra la fin de l’estiu.

Me cridèt …

Legir tot

Lo camin sus la montanha
Lo seguèri tot un brieu,
Caminavi sens companha
Èra la fin de l’estiu.

Me cridèt de delà la sanha
Coma gasavi lo riu,
Una filha de campanha
Que me trobèt agradiu.

Me prenguèt dins una jaça
A l’abric de la calor,
Causiguèt la bona plaça
Sul fen per parlar d’amor.

Ni jamai èra pas lassa
Me mordiguèt a dolor.
Vesiám per la pòrta bassa
Lo cèl cambiar de color.

Lo camin sus la montanha
Que se pèrd delà lo riu,
Una filha de campanha
Que l’amor es agradiu !

Pro viste passan los jorns de mai
Lo temps de l’estiu enquèra mai.
Cal vos mesfisar
De pas daissar passar …

Legir tot

Pro viste passan los jorns de mai
Lo temps de l’estiu enquèra mai.
Cal vos mesfisar
De pas daissar passar
Vòstra bèla joinessa.
Lèu passa l’atge dels amors
Lo vent bufa e n’empòrta las flors.

Paura pichona
Pequé plorar ?
Lo niu d’ironda
Va s’envolar.

Paura pichona
Cal pas plorar,
Ambe l’aureta
Lo niu vendrà. …

Legir tot

Paura pichona
Pequé plorar ?
Lo niu d’ironda
Va s’envolar.

Paura pichona
Cal pas plorar,
Ambe l’aureta
Lo niu vendrà.

Paura pichona
Consola-te,
Lo niu d’ironda
Tornarà ben.

Se ieu sabiái volar
Coma la perdis vòla
Lanla dondon

M’en anirai pausar
Al castèl de ma mia
Lanla dondon …

Legir tot

Se ieu sabiái volar
Coma la perdis vòla
Lanla dondon

M’en anirai pausar
Al castèl de ma mia
Lanla dondon

- Durbètz mia durbètz
Que vòstre amant arriba
Lanla dondon

-Cossí vos dubririái ?
Soi dins mon lèit malauda

- Solelh que fas aval
Aval sus la tardura ?

- Espèri mas amors
Car ieu las ai perdudas.

Cent …

Legir tot

- Solelh que fas aval
Aval sus la tardura ?

- Espèri mas amors
Car ieu las ai perdudas.

Cent escuts donarai
A cu las m’a trobadas.

- Comptatz, comptatz l’argent
Vos dirai ont son ara.

Las trobaretz aval
Jos una vit florida.

Una filheta de Lion, una filheta de Lion,
Una filheta de Lion s’èra perduda
S’èra pas sachuda tornar de dinc’ont …

Legir tot

Una filheta de Lion, una filheta de Lion,
Una filheta de Lion s’èra perduda
S’èra pas sachuda tornar de dinc’ont èra venguda

Un cavalièr ven a passar, un cavalièr ven a passar,
Un cavalièr ven a passar e la troba endurmida.
- La bèla que fasètz aquí, aquí sensa companhia ?

- Soi una filheta de Lion, soi una filheta de Lion
Soi una filheta de Lion me soi perduda
M’èri pas sachuda tornar de dinc’ont èri venguda.

- Bèla montatz sus mon caval, bèla montatz sus mon caval
Bèla montatz sus mon caval sieguètz tranquilla,
Passarem aqueste bòsc aquí sensa ren si dire.

Quand la bèla es delà del bòsc, quand la bèla es delà del bòsc
Quand la bèla es delà del bòsc si bota a ríser,
- La bèla de que risètz, de que vos fa tan ríser ?

- Ieu me risi de tu galant, ieu me risi de tu galant
Ieu me risi de tu galant e de la tiá codardisa,
E mai d’aver passat lo bòsc aquí sensa ren si dire.

- La bèla tornarem dins lo bòsc, la bèla tornarem dins lo bòsc
La bèla tornarem dins lo bòsc sieguètz tranquilla,
Tornarem passar dins lo bòsc mas pas sensa ren si dire.

As fach coma l’aucèl patut
Quand teniá la lauseta,
Cresiás de la téner pel bec
La teniás pas que per la coeta.