Dins la chiminèia, la flamba daurada
Rescaufa los vièlhs
E la nuèit veguda, an montat las gradas
Venguda la nuèit. …

Legir tot

Dins la chiminèia, la flamba daurada
Rescaufa los vièlhs
E la nuèit veguda, an montat las gradas
Venguda la nuèit.
Se fa pas tròp freg, se fa pas tròp sol
Segur somiaràn
Se fa pas tròp freg, se fa pas tròp sol
Somiaràn benlèu…

Aniràn vèire los batèus
E davant la mar, lo còr desliurat
Aniràn vèire los batèus
Levaràn los uèlhs, levaràn las velas,
Crebaràn lo temps.

Mamà es partida, trabalhar en vila
Veni ambe ièu,
Te dirai l’istòria d’un país de glòria
Un jorn de solelh.
Se fa pas tròp freg, se fa pas tròp sol
Segur somiarem
Se fa pas tròp freg, se fa pas tròp sol
Veni ambe ièu…

Anirem vèire los batèus
E davant la mar, lo còr desliurat
Anirem vèire los batèus
Levarem los uèlhs, levarem las velas,
Crebarem l’ivèrn !

E la filha blanca, e la filha bruna,
Las bèlas amors.
Aquela partida, o ben demorada
Mai d’una sason,
Son jamais estadas, la bruna la blanca
Mai qu’una illusion
Quand lo jorn se lèva
La bruna o la blanca
Perdon las colors.

Anirem vèire los batèus
E davant la mar, lo còr desliurat
Anirem vèire los batèus
Levarem los uèlhs, levarem las velas,
E farem l’espèr !

Estiu sens grana, feda sens lana,
E carn sens sal sens Carnaval,
Molin sens ala, pòrta barrada,
Taula sens vin... …

Legir tot

Estiu sens grana, feda sens lana,
E carn sens sal sens Carnaval,
Molin sens ala, pòrta barrada,
Taula sens vin... torna venir !

M’avián dit que t’eres anat
Al pais d’ont se torna pas
Entre la mar de l’amargant
E las planas del pas res mai.

Estiu sens grana, feda sens lana...

M’avián dit que t’eres perdut
Dins las brumas del pas nascut,
Al ras de mòrtas esperanças
Del costat de la desmembrança.

Estiu sens grana, feda sens lana...

E segur qu’aviás cabuçat,
Cambas e braces barrejats,
Al cambal de las bocas mudas,
Pais clavat, terras vendudas !

Estiu sens grana, feda sens lana...

E segur qu’aviás cabuçat,
Cambas e braces barrejats,
Al cambal de las bocas mudas,
Pais clavat, terras vendudas !

Igual que un arbol de hondas raices
Sobre el secano crecido,
Un arbol bueno de ramas anchas
Yo te imagino, …

Legir tot

Igual que un arbol de hondas raices
Sobre el secano crecido,
Un arbol bueno de ramas anchas
Yo te imagino, Cristino.

El gran incendio quema tu tierra
Con soplos de Edad Media,
Cenizas la inteligencia :
Pio y Milian la vencieron !

De vacaciones Dios se ha ido,
Vosotros vais por el camino,
Duro camino que os destierra
Tu con los tuyos, Cristino.

Detras del monte, en la frontera,
Gendarmes has que se rien,
Tu de la mano llevando a un niño
Cruzas cantando, Cristino.

El gran incendio...

En las Cevenas, con los mineros
Vas compartiendo los dias,
Los de trabajo y los de guerra
Entre castaños y minas.

Pont de Rastel y Mon Lozera
Vieron pasar a tus guerillas !
"Cuando combates se terminen,
Puedes quedarte, Cristino."
No se acabó nuestra tarea
Y estan verdes los recuerdos,
Les damos las gracias, hermanos,
A nuestra tierra nos marchamos !

Es bien sabido : las golondrinas
Siempre vuelven a su nido.
Es un camino de flores lleno
E del regreso, Cristino.

Cerca de Vielha lo esperaban
Y le quitaron la vida...
Es un camino amargo y malo
E del regreso, Cristino.

Mientras van tiempos dia por dia
Y se deshacen nuestras vidas
Tu sombra, leve, corre Cristino
Por los polvorientes caminos...

Gracias por el azul del cielo
Y por las noches alumbradas,
Somos un pezado de estrella,
Piedra perdida en el …

Legir tot

Gracias por el azul del cielo
Y por las noches alumbradas,
Somos un pezado de estrella,
Piedra perdida en el espacio...
- Hereje, sientate y calla :
La Tierra fué su obra mayor
Dios se lo dijo al Santo Oficio
La clavó centro y corazón !

Eppure si muove
No seas triste Galileo,
Eppure si muove
Y viajando seguiremos.

- Saludos, sabia asamblea,
Verdad : son siete tres y tres.
Confiteor, verdugos buenos,
Yo lo que quieran les diré.
Niños jugando a la rayuela
Iluminan el callejón,
Galileo sonrie a su sombra
Que va creciendo bajo el sol.

Eppure si muove...

Galileo, desde mi siglo
Villas miseria y verde sol,
Queria hacerte una carta
En italiano, en español.
Andamos por el Universo
Siendo hormigas bajo el sol,
Santos Oficios perdurecen
¡Que saben todo mas que Dios!

Eppure si muove...

Sus la Plaça de la Glòria
Rescontri lo monument
Amb son fusil sus l’espatla
Me regarda sonrisent :
"Veni ambe …

Legir tot

Sus la Plaça de la Glòria
Rescontri lo monument
Amb son fusil sus l’espatla
Me regarda sonrisent :
"Veni ambe ieu, gogat,
A la boom dels petrificats !"

Nani, m’en vau, ieu m’en vau, ieu m’en vau,
E ieu m’en vau, d’aquel costat
Nani, m’en vau, ieu m’en vau, ieu m’en vau,
E ieu m’en vau, d’aquel costat.

Sus la plaça Bonaparta
Lois XIV ai rescontrat
Amb son nebot s’en anavan
A la caça als camisards :
"Marti, vèni, bodegaire,
Al balèti dels crosats !"

Nani, m’en vau, ieu m’en vau, ieu m’en vau...

Sus la Plaça Plutonica
La centrala USA
Una filhassa energica
Me vòl pas daissar passar :
"Marti, per jogar guitara
Te farai una autra man !"

Nani, m’en vau, ieu m’en vau, ieu m’en vau...

Sus la Plaça de la Borsa
Rescontri liberal-man
Qu’aima plantar sas usinas
Al pais d’escana-mai
" Marti, vos pas dins ma còlha
Esser delocalisat ?"

Nani, m’en vau, ieu m’en vau, ieu m’en vau...

Ièu soi un paure conscrit
De l’an mila uèit cent dètz (bis)
Cal daissar lo lengadòc, lo Lengadòc lo Lengadòc …

Legir tot

Ièu soi un paure conscrit
De l’an mila uèit cent dètz (bis)
Cal daissar lo lengadòc, lo Lengadòc lo Lengadòc
Cal daissar lo Lengadòc
Per se’n anar a la mòrt.

Luènh d’aicí i a un país
De nèu blanca, de cèl gris (bis)
Nos i cal anar morir, anar morir anar morir
Nos i cal anar morir
Per l’Emperaire e son filh.

Lo rector e lo regent
Nos an parlat plan longtemps (bis)
Partissèm fòrça contents, fòrça contents fòrça contents
Partissèm fòrça contents
Serèm sus lo monument.

Mainatz-vos Lengadocians
De faire d’autres enfants (bis)
N’auràn besonh dins vint ans, dins vint ans dins vint ans
N’auràn besonh dins vint ans
Negres e Republicans.

Vos a escrit un gojat
Nascut pròche vòstre ostal
Dormís, a pro caminat, pro caminat,pro caminat
Dormís, a pro caminat,
E son conte es acabat.

Siam en patz e nos cal faire guèrra
Anam partir a mièja-nuèit
Totara darrièr la barrièra
Nos traparem a detz …

Legir tot

Siam en patz e nos cal faire guèrra
Anam partir a mièja-nuèit
Totara darrièr la barrièra
Nos traparem a detz o ueit...

Sabèm plan que sus d’autras rotas
Marchan los del Menerbés
Carcassés e Corbièras totas :
Siam los Commandos de la nuèit.

Ara que la lei nos escana
Defendèm nòstres efants
Cramaran sus la nacionala
Los camions dels traficants.

Sabèm plan que sus d’autras rotas...

Avèm pas agut paur del tiigre
L’annada del 1907
Nos fotèm coma d’una figa
De las menaças de Ponia...

Sabèm plan que sus d’autras rotas...

Lengadoc, se los que trabalhan
Un jorn se prenon per la man
De segur que dins la borrasca
Quicòm de tot nòu lusira...

Sabèm plan que sus d’autras rotas...
Marchan los del Menerbés...

Pibola, pibolada
Roge lo bòsc, Silvan
Vendemias carinhanas,
Sian dins la tièra, tornar...
Aucèls al cèl en massa,
Mon diu, …

Legir tot

Pibola, pibolada
Roge lo bòsc, Silvan
Vendemias carinhanas,
Sian dins la tièra, tornar...
Aucèls al cèl en massa,
Mon diu, que sias vengut gran !
Del vin amassan granas,
Avèm pas vist passar l’an.

Se la vida es un viatge
Vos i sovèti pla bel temps,
Verd e blu, e flors salvatges,
E bona rota, Silvan, Guilhèm...

Aramon per la plana,
Lo vin engrana la nuèit,
Marina, marinada,
En vida montas, Guilhèm,
Amont sus la solana
Lo pastre espèra la nuèit,
Nadal barra l’annada :
Darrier la pòrta, genier !

Se la vida es un viatge...

Agulhas, agulhadas
Me butan fòrt sul camin,
Davali la valada
Coma las aigas d’un riu,
Ametlas, avelanas,
Vos preparatz a partir
Sus la penta resbali,
N’en siatz encara al matin !

Se la vida es un viatge...

Daissatz-me contar l’istòria
d’un sang begut per ma tèrra
Daissatz-me contar l’istòria
d’una volontat de fèrre
d’una joventut passada
d’una …

Legir tot

Daissatz-me contar l’istòria
d’un sang begut per ma tèrra
Daissatz-me contar l’istòria
d’una volontat de fèrre
d’una joventut passada
d’una libertat volguda
del vielh sòmi despertat
d’una libertat perduda

Cinc cents èretz a Montsegur
sabent çò que viure vòl dire
Cinc cents èretz a Montsequr
Segur i sètz darrièr l’azur

Vaquí l’ora de los corbasses
per los camins de Montferrièr
Vaquí l’ora de los corbasses
grand flume, negre poiridièr
del Papa la grand armada
del Rei de França bandolièrs
de Dominica los porcasses
Amèn, amèn, Dies Irae !

Vaquí l’ora de la desfacha
L’idea brutla sul lenhièr
Aquí l’alba de la victòria
Menam vostra lucha auèi :
Minoritats contra l’Empèri
Indians de totas las colors
descolonizarem la tèrra :
Montsegur, te dreiças pertot !

Per tos matins que saludavan
Aquèla lutz damont l’estang
Per tas vendemias que s’acaban
Nos cal cantar Joan
Nos cal …

Legir tot

Per tos matins que saludavan
Aquèla lutz damont l’estang
Per tas vendemias que s’acaban
Nos cal cantar Joan
Nos cal cantar.

Nascuts sus una terra blanca
Vòstra dempuèi mai de mil ans
Per ton paire e per ta maire
Nos cal cantar Joan
Nos cal cantar.

E malgrat ton sang sus la rota
E aquel vin a beure sols
Defòra del temps que nos escotas,
Veses : cantam Joan,
Veses, cantam !

Aqui lo temps de las messorgas
Lo peis moritz dedins l’estang
Contra l’usina atomica
Nos cal lutar, Joan
Nos cal lutar.

Deman ton sòmi sarà fòrça
E sus ton pais retrobat
Bufa nòstra vent de l’istòria
E nòstre esper, Joan,
Nòstre esper.

Vaqui çò que voliás se dreiça
Sèm mai que mai a esser tu,
Pèr aquel pòble que se lèva
Nos cal cantar Joan
Nos cal cantar !

Papet, nos passejavem
E quand parlavas amb ieu
Era coma se nos demorava
Cent ans a passar ensems !

Lo …

Legir tot

Papet, nos passejavem
E quand parlavas amb ieu
Era coma se nos demorava
Cent ans a passar ensems !

Lo solelh traucava las fuèlhas,
Tu me disiás : "Ont va lo vent,
l’òme pòt anar encara,
Pòt anar encara mai luenh !"

Foguet tu que m’ensenheres
Çò que lo govern voliá pas :
"Te cal parlar naut ta lenga
Siam estats un pòble grand !"

Papet, nos passejavem...

"Filhet - disiás - e t’arrestavas -
Te vau ensolelhar lo còr !"
E 1907 me contavas,
Jaurès, Ferrol, jamai mòrts !

E puei aquel jorn de fredura
Ta passejada s’acabèt :
E mon escòla s’es barrada,
Mas ai pas demembrat res !

Papet, nos passejavem...

Segur, damont ta planeta
Asseitat a l’abric del temps
Vesent avançar tas ideias
Nos regardas a sias content !

Come totis los mainatges
Som anat a l’escòla
Coma a totis los mainatges
M’an apres a legir

M’an cantat plan …

Legir tot

Come totis los mainatges
Som anat a l’escòla
Coma a totis los mainatges
M’an apres a legir

M’an cantat plan de cançons
M’aprengueron tant d’istòrias
Lutèce... Paris... Paris

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
Lo nom de mon pais ?

Nos contava lo regent
Aquel grand rei de França
Atacat davant los paures
Un sant òme aquel sant Loïs
Aimava tota la gent
E voliá pas la miseria
Un sant òme aquel sant Loïs

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
Qu’avia tuat mon pais ?

E quand foguerem mai grands
Nos calguet parlar tres lengas
Per far un bon tecnician
Nos calia cargar tres lengas
E l’Anglès e l’Alemand
E çò que s’escriu a Roma
Per far un bon tecnician

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
La lenga de mon pais ?

Benlèu tantas coneissenças
Nos mascan la vertat
Aprendrem sols qu’en la terra
Reina pas la libertat
Sauprem la talent de l’India
E lo dòl dels Africans
E la mòrt de Guevara

Mas perqué, perqué
An pas dit a l’escòla
Perqué an pas dit
Mas perqué, perqué
An pas dit a l’escòla
Lo nom de nòstre pais ?

Sirventesc farai del biais que m’agença
Non vòli tardar ni faire mai silenci.
Podetz ben pensar que n’aurai mauvolença
Car …

Legir tot

Sirventesc farai del biais que m’agença
Non vòli tardar ni faire mai silenci.
Podetz ben pensar que n’aurai mauvolença
Car fau Sirventesc
Del fals, malapres
De Roma qu’es cap de la descasença
Ont moris tot ben.

Roma, als òmes pècs manjatz la carn e l’òssa
E guidatz los cècs amb vosaus dins la fòssa.
Vendetz mandaments de Dieu. E tròp es gròssa
Vòstra cobeitat
Vosaus perdonatz
Per argent pecats
Roma de grand negòci,
De mal vos cargatz !

Roma, Dieu ajuda, balhe poder e fòrça
Al comte que tond lo francès e l’escòrga,
E m’agrada fòrt. E Dieu a recòrd
De vòstre grand tòrt.
Se vòl lo comte estòrcer
De vos e de mòrt.

E tu, mon vilatge,
De vinha, d ’oliu e de mèl,
Tu, mon vilatge,
Calor, torrada, infèrn...
Podètz cantar cigalas, …

Legir tot

E tu, mon vilatge,
De vinha, d ’oliu e de mèl,
Tu, mon vilatge,
Calor, torrada, infèrn...
Podètz cantar cigalas,
Es pas filh de la nuèit.
Sus nostra terra blanca,
Es pas nascut de res...
E tu, mon vilatge,
Sègle après sègle bastit,
De sang e de carn d ’òmes,
Sègles per sègles noirit.
Podètz cantar, cigalas !
Nostra plaça es aici.
Crida la tramontana,
Nos farà pas partir.
E dins mon vilatge
Quand la vinha va mal,
Dins mon vilatge,
Nos cal barrar l’ostal.
Podètz cantar, cigalas !
Si lo vin va mal,
Sus nostra tèrra blanca
Marcelin tornarà.

Es lo ciprès quilhat
La Corbièra salada
Es lo vilatge mòrt, la tèrra abandonada.

Vos vau parlar d’un país que …

Legir tot

Es lo ciprès quilhat
La Corbièra salada
Es lo vilatge mòrt, la tèrra abandonada.

Vos vau parlar d’un país que vòl viure,
Vos vau parlar d’un país que morís.
La tèrra la coneissetz,
es la vòstra, amics,
es la teuna, vinhairon (bis)

Tu me disiás ma maire :
"Ont vas viure, mon filh ?".
Tu me disiás ma maire :
"N’i a tant que son partits".
E Marcelin Albert,
E la Comuna de Narbona,
E los qu’an tuat los crosats.
E Marcelin Albert,
E la Comuna de Narbona,
Totes los qu’an cantat "libertat".

Vos vau parlar d’un país que vòl viure
Vos vau parlar d’un país que morís.
La tèrra, la coneissetz,
es la vòstra, amics,
es la teuna, vinhairon (bis).

Ma maire me rementi de tot çò que disiás.
Vòli cantar lo vent que parla en lenga d’òc.
E Marcelin Albert,
E la Comuna de Narbona,
E los qu’an tuat los crosats.
E Marcelin Albert,
E la Comuna de Narbona,
Totes los qu’an cridat "libertat".

Vos ai parlat d’un país que vòl viure. (bis)