-
+
Filtrar los resultats
oc
Animals a banas sul Larzac
Claudi Martí
La Republica Francèsa
Qu'aima plan los occitans
Ven de mandar sa polícia
Per ajudar los paisans...
Anatz a la Cavalariá …
Legir tot
La Republica Francèsa
Qu'aima plan los occitans
Ven de mandar sa polícia
Per ajudar los paisans...
Anatz a la Cavalariá
De fedas ne'n mancavan pas !
Ara de vacas blau vestidas
Vòlon lor faire elevar !
Se vòs sortir a la carriéira
Per veire lo tens que farà
Debrembes pas ton engranièra
I auràs un corbàs a tustar !
Ai corregut Occitania
E vos cal pas desesperar :
D'aqueles animals a banas
S'en trapa pertot a manats !
Sonatz als òmes de la plana
O als pastres de Canjuèrs !
Totes vendràn vos ajudar
A respatriar lo tropèl !
D'ausir dins : Marti
oc
La longa marcha
Claudi Martí
-Diga, mon grand, aquela rota
Que seguisses sens t'arrestar,
Diga, mon grand, vertat qu'es longa
E consí caminar ?
-Filhet, …
Legir tot
-Diga, mon grand, aquela rota
Que seguisses sens t'arrestar,
Diga, mon grand, vertat qu'es longa
E consí caminar ?
-Filhet, passaràs las crèstas
Per d'autres òmes, d'autres camps
D'amics e plan de sèrs de fèsta.
Es una jòia avançar
Mas si s'amaga ton solèlh,
Si vas ton camin dins lo fred,
Te faràs fòrt coma una pèira.
E avança !
-Traparàs de rotas grandas
Ont los pòbles parlan fòrt.
Passaràs per los vilatges
Aparats dels vents de mòrt.
Mas veiràs de malas sendas
Carrejar d'òmes plegats,
Rosegats per d'autres òmes,
E muts...
-Navegaràs dins los espacis
Saupràs totas las colors :
Lo negre qu'es lo silenci,
Lo roge coma una flor.
Mas tornaràs cap a ton pòble
Que s'encamina el tamben.
Alara serà grand ton vilatge
Amb el...
Vaquí çò que per la montanha
Contava un òme a un enfant.
Vertat disiàs e me remembri
La longa marcha a començat.
D'ausir dins : Lo païs que vòl viure, L’òme esper, Marti
oc
Lo tamborinaire
Claudi Martí
« Marti fa de politica
Amb sas cançons.
La serenitat biblica
E los aucelons
Bèl parlar e cortesia
Son nòstre …
Legir tot
« Marti fa de politica
Amb sas cançons.
La serenitat biblica
E los aucelons
Bèl parlar e cortesia
Son nòstre païs :
Versificacion causida
Per monde causits. »
Tu letrat apolitic
Ome d'ameinatjament
Fai plan cantar tas cigalas
Dins lo circus parisenc
Demorat academic,
Piòt d'un sempitèrn Nadal
Al grand chapàs del menistre
Seràs lo chapat !
Salça ta pluma dins l'aiga
Per tas cançons sens color :
Finiras tamborinaire
E seras mut aquel jorn.
A l'image d'aquel pòble
Ieu vòli sarrar las dents.
Lucharem per la victòria
E puei cantarem :
Marti fasiá de politica...
D'ausir dins : Lo païs que vòl viure, Marti
oc
Nos cal cantar Joan
Claudi Martí
Per tos matins que saludavan
Aquèla lutz damont l’estang
Per tas vendemias que s’acaban
Nos cal cantar Joan
Nos cal …
Legir tot
Per tos matins que saludavan
Aquèla lutz damont l’estang
Per tas vendemias que s’acaban
Nos cal cantar Joan
Nos cal cantar.
Nascuts sus una terra blanca
Vòstra dempuèi mai de mil ans
Per ton paire e per ta maire
Nos cal cantar Joan
Nos cal cantar.
E malgrat ton sang sus la rota
E aquel vin a beure sols
Defòra del temps que nos escotas,
Veses : cantam Joan,
Veses, cantam !
Aqui lo temps de las messorgas
Lo peis moritz dedins l’estang
Contra l’usina atomica
Nos cal lutar, Joan
Nos cal lutar.
Deman ton sòmi sarà fòrça
E sus ton pais retrobat
Bufa nòstra vent de l’istòria
E nòstre esper, Joan,
Nòstre esper.
Vaqui çò que voliás se dreiça
Sèm mai que mai a esser tu,
Pèr aquel pòble que se lèva
Nos cal cantar Joan
Nos cal cantar !
D'ausir dins : Çò milhor de Martí, Lo camin del solelh, Marti
