Ai perduda la mia guèrra
Blanc de dòl es ma color
Se me ganhan la mia tèrra
mascaran la mia …

Legir tot

Ai perduda la mia guèrra
Blanc de dòl es ma color
Se me ganhan la mia tèrra
mascaran la mia dolor.

Pesolhs conflats de sa glòria
quand vesi los francimands
dins lo vent grand de l'Istòria
que dirèm los Occitans ?

Per aparar nòstra lenga
de vièlhs de quatre vint ans.
Pas degun que se sovenga
E nos rauban los enfants.

Còps de cap per una pòrta
Los falords a l'espital
Una chucada pro fòrta
Per cascó lo Sant-Grasal.

La Caça de la Quimèra.
Res non val l'electro-chòc
Coma lo mal de la tèrra
escopissi sang e fòc.

Que nos demòra de pèrdre
aculats contra lo ròc ?
Se demòra res a pèrdre
jogarem lo darrièr jòc.

Cada …

Legir tot

Que nos demòra de pèrdre
aculats contra lo ròc ?
Se demòra res a pèrdre
jogarem lo darrièr jòc.

Cada sang per cada vena.
Cada vida la siá mòrt.
Cada dolor la siá pena
del pus flac contra lo fòrt.

Son bonas totas las armas.
Val lo cuol coma lo còr.
Se morisson pas las armas
ne portarem pas lo dòl.
Nos demòra res a perdre.
Quantes sèm per cridar òc ?
Se demòra res a pèrdre
jogarem lo darrièr jòc.

La nuèit es longa, aicí, as dit
L'ivèrn s'acaba pas, as dit
La vergonha nos ten, as dit
E d'autres, …

Legir tot

La nuèit es longa, aicí, as dit
L'ivèrn s'acaba pas, as dit
La vergonha nos ten, as dit
E d'autres, d'autres, d'autres
Se son levats aicí, qu'an dit :
« Sul païs jamai fa pas
Que lo temps que fan los òmes
Avançam a grand compàs
Lo jorn ven que serem d'òmes. »

Lo Vietnam es luènh, disián
Lo Biafrà es quicòm mai, disián,
Nosautres, siám pas de negres, disián.

E d'autres, d'autres, d'autres, d'autres
Se son levats aicí qu'an dit :
« Lo negre es totjorn la color
Dels esclaus del capital.
Portam totas las dolors
Nòstre cant es general. »

Al servici del pòble lutam.
Siám sortits del silènci, lutam.
La paraulas es presa, lutam.
E d'autres, d'autres, d'autres, d'autres
Se son levats aicí que dison :
« La colèra s'assolida
De pertot al meteis temps
La vergonha es abolida
Lo païs viu al present. »

La grava a conflat mon ventre
La pluèja a manjat ma pèl.
Es plan sofrir de pas mai esser
L'eternitat …

Legir tot

La grava a conflat mon ventre
La pluèja a manjat ma pèl.
Es plan sofrir de pas mai esser
L'eternitat la cal coneisser.
Vos prègui : ont es lo solelh ?

França, som mòrt a tas guèrras
Rocroy, Verdun e Rivoli
Mòrt per pas res, plan mòrt, misèria
Per Loïs Catòrze o Galliéni.

Mon istòria totjorn se sembla.
Me venián prene dins mon camp
Dins mon usina o dins ma bòria.
« Per França », disiá lo notable
« Per Dieus », disiá lo capelan...

Coma ieu aqueles d'en fàcia
Eran partits flor al fusilh.
Ara de tèrra plen la boca
Pòdon pas pus mandar son crit :
« Sèm mòrts per los profitaires
Sèm mòrts per engraissar los rics. »

Vergonha, vergonha, vosautres
Enropats dins vòstres drapèus
Venètz parlar a nòstra plaça
Quand n'a besonh vòstre govèrn !
Venduts, recoflats de messorgas
Calharetz lèu ! Calharetz lèu !

Monsur Lassèrra a plan de bòrias
Monsur Lassèrra, un ostalàs
Monsur Lassèrra a una còrda
per plan mantener son bestial. …

Legir tot

Monsur Lassèrra a plan de bòrias
Monsur Lassèrra, un ostalàs
Monsur Lassèrra a una còrda
per plan mantener son bestial.

Pren la carta, e veiràs.
Pren la carta, mon amic.
Pren la carta, e tendràs
de trabalh dins ton païs !

Monsur Lassèrra a una pluma
per plan escriure sul jornal.
Monsur Lassèrra vòl pas la luna.
Sap consí esser deputat.

Monsur Lassèrra, ventre defòra
en roge es solament del nas.
Monsur Lassèrra se ditz de gaucha
en dedins es blanc coma un nap.

Monsur Lassèrra es pas per dire
siás plan un òme del passat.
Quand aurèm fach Occitània
ambe los gosses manjaràs !

Daissatz-me contar l’istòria
d’un sang begut per ma tèrra
Daissatz-me contar l’istòria
d’una volontat de fèrre
d’una joventut passada
d’una …

Legir tot

Daissatz-me contar l’istòria
d’un sang begut per ma tèrra
Daissatz-me contar l’istòria
d’una volontat de fèrre
d’una joventut passada
d’una libertat volguda
del vielh sòmi despertat
d’una libertat perduda

Cinc cents èretz a Montsegur
sabent çò que viure vòl dire
Cinc cents èretz a Montsequr
Segur i sètz darrièr l’azur

Vaquí l’ora de los corbasses
per los camins de Montferrièr
Vaquí l’ora de los corbasses
grand flume, negre poiridièr
del Papa la grand armada
del Rei de França bandolièrs
de Dominica los porcasses
Amèn, amèn, Dies Irae !

Vaquí l’ora de la desfacha
L’idea brutla sul lenhièr
Aquí l’alba de la victòria
Menam vostra lucha auèi :
Minoritats contra l’Empèri
Indians de totas las colors
descolonizarem la tèrra :
Montsegur, te dreiças pertot !

Ont vas ambe ta guitara ?
Luènh de París es pas permés !
Ont vas ambe tas paraulas ?
Ara …

Legir tot

Ont vas ambe ta guitara ?
Luènh de París es pas permés !
Ont vas ambe tas paraulas ?
Ara te cal cantar franglés.
Que faràs de tas idèas ?
Es ora de l'universal.
Que siagas de gaucha o de dreita,
la mòda es al centralizat !

Dempuèi que canti, es la rassèga
que me cal ausir cada sèr
e cada nuèit n'i a un de dreita
o un de gaucha que me la vend :
Que faràs de tas idèas ?
Es ora de l'universal !
Que siagas cuol blanc o cuol negre,
la mòda es al centralizat !

Ma responsa aquí l'auràs
dins ma guitara e dins ma lenga.
Segur me comprenes s'as pas
endacòm desbrumbat ton cap.
Escota abançar mas idèas.
An gost a l'universal.
Lo Miègjorn se vei la pèl negra.
Tu jògues pas al pichòn blanc.

Anatz enfants de la patria
al jorn de glòria, solelh poirit.
Anatz enfants de lor patria
anatz dormir, anatz morir. …

Legir tot

Anatz enfants de la patria
al jorn de glòria, solelh poirit.
Anatz enfants de lor patria
anatz dormir, anatz morir.

Passa carrèira, i anirai pas
Vòstra bandièira, la vòli pas.
Où, tu mon paire, e tu mon grand
Vòstre enemic èra pas l'Alemand.

Per la carrièira, me cal cridar
aquel camps d'òsses, luènh semenats.
Lo onze es fèsta, paures gojats.
Avuei es fèsta, paures gojats.

Anem enfants d'Occitània
nos cal pas mai anar morir
per res, pel rei, la republica.
Nos cal fargar nòstre païs.

Sirventesc farai del biais que m’agença
Non vòli tardar ni faire mai silenci.
Podetz ben pensar que n’aurai mauvolença
Car …

Legir tot

Sirventesc farai del biais que m’agença
Non vòli tardar ni faire mai silenci.
Podetz ben pensar que n’aurai mauvolença
Car fau Sirventesc
Del fals, malapres
De Roma qu’es cap de la descasença
Ont moris tot ben.

Roma, als òmes pècs manjatz la carn e l’òssa
E guidatz los cècs amb vosaus dins la fòssa.
Vendetz mandaments de Dieu. E tròp es gròssa
Vòstra cobeitat
Vosaus perdonatz
Per argent pecats
Roma de grand negòci,
De mal vos cargatz !

Roma, Dieu ajuda, balhe poder e fòrça
Al comte que tond lo francès e l’escòrga,
E m’agrada fòrt. E Dieu a recòrd
De vòstre grand tòrt.
Se vòl lo comte estòrcer
De vos e de mòrt.

Tu que siás còr de la tèrra
ò fòc cramant las estèlas
escota : ma votz te cèrca
cresent que …

Legir tot

Tu que siás còr de la tèrra
ò fòc cramant las estèlas
escota : ma votz te cèrca
cresent que me pòdes comprene.
Escota : me caldriá tres vidas
una per ensenhar ma lenga
una autra per cantar mon pòble
una per viure entre los meunes
òmes tornar, òmes plan dreites.

Cent punhs caldriá que me balhèsses
per escrachar los profitaires
cent mans per ajudar mos fraires
cent mans per carrejar de pèiras
e per bastir, cent mans encara.

E me caldriá fòrça mai lum
e d'uèlhs mai grands e lo coratge
d'esperar per d'amont la nuèit
d'amont lo freg veire l'image
d'un pòble redevengut grand.

Escota me caldriá tres vidas...

Vaqui qu'un ser clavarai ma pòrta
aqui qu'un ser
serai pas mai qu'un grand silènci
mas m'ausirètz.

Me traparetz dins …

Legir tot

Vaqui qu'un ser clavarai ma pòrta
aqui qu'un ser
serai pas mai qu'un grand silènci
mas m'ausirètz.

Me traparetz dins vòstres veires
al fons del vin
rire al mitan de las paraulas de mos amics
E mos uèlhs seràn cada pèira
d'aquel païs.

Somi serai dins ma guitara.
Cançon o vent
Cantarai de ma votz multipla
lo jorn que ven
aquel grand crit d'independéncia
nòstre talent.

Ai pres la nuèit passada
sus la rota somiada
una machina per
viatjar dins lo temps,
anar dins los espacis …

Legir tot

Ai pres la nuèit passada
sus la rota somiada
una machina per
viatjar dins lo temps,
anar dins los espacis
veire lo devenir
dels òmes de mon pòble :
Farai anar-venir.

Vaquí una gran vinha
espandida al solelh
e de crits e de plors
que sònan fòrt dins l'aire
Sons los d'un promotor
trigoçant un araire.

Dedins aquel vilatge
i a fòrça visitors.
Una plancarta ditz :
« Miè-pretz per los mainatges :
Resèrva folklorica
Prefèctes e Notables ».

I a quicòm de cambiat
a la television.
Ont son passats Guy Lux
e sos cantaires magres ?
Ara parla Vialada
emission occitana !

Enfin tot çò qu'es nòstre
es sortit de l'escur
Ara son de nosaus
las vinhas e las vilas.
A costat de trabalh
mas ieu n'èri segur !