L’autre matin, soi partit pescar
Ai trapat un pichon riusset que sentissiá pas plan
Mas en luoc de ferrar un …

Legir tot

L’autre matin, soi partit pescar
Ai trapat un pichon riusset que sentissiá pas plan
Mas en luoc de ferrar un barbèu o una troita
Sortiguèri un ratas, una causseta e una cruga
Per anar al travalh ai crompat un pichon velò
Al mièg de la circulacion jogavi l’ecòlò
Fasquèri petar un eslalòm per totas las carrièras
Arribèri lo morre negre, gasat de fumatièras

Repic :
Avèm passat l’An 2000
Sèm totis mai cons qu’abans
Avèm passat l’An 2000
Sèm totis mai cons qu’abans
Sèm totis mai cons qu’abans
E aurèm l’Apocalipsi
Nostre monde espetarà
Nostre monde espetarà

Se contunham aital, nos ditz lo mond scientific
Segur qu’aurèm un jorn lo rescalfament climatic
Los esquimaus faràn de vin en calçon e en camisa
Los orses descendràn Garona sus un tròç de banquisa
Benlèu que la mar montarà d’un còp d’un fais de mètres
En cambiant la cartografia per los paures mèstres
Lo caval de Camarga se farà ipopotam
E Queribus sarà lo Mont Sant Miquèl occitan

Repic

Per poder surfejar sus tota la planeta
Ai crompat un ordinator e me soi mes al net
Del matin fins al ser soi clavelat davant l’ecran
Mas tot es en anglés e ieu parli pas qu’occitan
Per coronar lo tot ara nos an fotut la crisi
Nos faràn tornar lèu al paleolitic, ba cresi
Quien sap ont tot aquò, se fasèm res, nos menarà
N’i a que dison que lo Crist Obama nos salvarà

Repic

L’autre matin, je suis parti pêcher
Au bord d’une rivière couleur soupe de pois cassés
Moi qui croyais me faire …

Legir tot

L’autre matin, je suis parti pêcher
Au bord d’une rivière couleur soupe de pois cassés
Moi qui croyais me faire quelques barbeaux truités
J’ai remonté quatre godasses, un rat crevé
Pour aller au bureau, je me suis payé un vélo
Au milieu des autos ça faisait vraiment écolo
J’ai slalomé à travers la banlieue
Quand je suis arrivé j’étais gazé au CO2

Refrain :
On a passé l’An 2000
On est bien plus cons qu’avant
On a passé l’An 2000
On est bien plus cons qu’avant
On est bien plus cons qu’avant
Dans ce monde de débiles
On en prendra plein les dents
On en prendra plein les dents

Comme j’étais amer, j’ai pris la route de la mer
J’ai trouvé un mètre carré pour poser mon derrière
Les bateaux vidangeaient, c’était vraiment une mer d’huile
Je suis sorti luisant et je sentais pas la vanille
Comme j’avais les boules, j’ai voulu me taper des moules
Elles me faisaient la gueule et elles sentaient un peu le fioul
Mes boyaux ont couiné, yé-yé , jusqu’au petit matin
Quand je me suis levé j’avais le cul comme un babouin

Refrain

J’ai construit un petit logis avec Rose-Marie
Prés du périphérique et de la déchetterie
On tire nos produits d’un petit jardin potager
Des poireaux transgéniques et des salades mazoutées
Pour pouvoir voyager sur toute la planète
J’ai pris un gros P.C, j’ai investi dans Internet
Je passe toutes mes journées le cul devant l’écran
Mais tout est en anglais et je ne parle qu’Occitan

Refrain

Mon rèiregrand s’apelava Balo, un ors tinhós que podiá d’un butassal fotre un pin centenari pel sòl.
Mon grand s’apelava …

Legir tot

Mon rèiregrand s’apelava Balo, un ors tinhós que podiá d’un butassal fotre un pin centenari pel sòl.
Mon grand s’apelava Balo. Èra la terror de la selva amb un macarèl de gronhament a te far dreiçar los pelses sus l’esquina a vint kilomètres, un gronhament qu’a costat d’aquel los de Jurassic Park èran de farlabica.
Mon paire s’apelava Balo, que podiá manjar d’un còp un vintenat de salmons sens aver una crisi de fetge.
E ieu m’apèli Balo..
E mon filh tanben s’apelarà Balo.
Soi un eslovèn, d’una familha d’eslovèns plantigrads de paire en filh.
Vaquí per las presentacions

Repic :
Balo mon fraire
Balo mon fraire
Siàs estrangièr
Soi trop luènh de ma terra
(siàs trop luènh de ta terra)
Ma terra eslovèna
(ta tèrra eslovèna)
Largat dins los Pirenèus
Balo mon fraire
Balo mon fraire
Siàs (soi) estrangièr

Mon istòria es l’istòria d’un expatriat involontari e pas clandestin que soi arribat en França dins un camion oficial del govèrnament menat per vint-e-quatre motards, coma lo Sarkozy.
Èri aqui, que diguèron, per amenar una contribucion à la biodiversitat.
Dal còp, me montèri plan lo còl, mas lèu descantèri quand me metèron un colar G.P.S e un emissor dins lo ventre coma lo Robocòp, que bronzinava, bronzinava e me fotèt de bravas colicas. Ambe tota aquela electronica, pensabi qu’arribariá a captar totas las radiòs.

Ici Londres…Les ours hiberneront après avoir mangé le miel…

E me vaquí victima de la deslocalizacion dins un païs que conéissi pas…un polit païs, pr’aquí pr’aquò, mas un païs ambe de madurs vestits de verd, d’amòrris amagats dins los bartasses e qu’ensajan de me plombar lo cuol.
Quina vergonha ! E tot aquò per qualquas fedas, per qualques pichons prelèvaments suls tropèls per çò que pòdi pas viure de rasonaments e d’aiga fresca !
Pensi qu’aquò dèu èsser una venjança dels pastres que me pòdon pas véser.
Mas i pòdi pas res se soi un animal totemic e se, un còp èra, d’orses occitans venián de còps raubar de pastorèlas !
Cal avertir lo Dalaï Lama o la Brigida Bardòt, la Bela del Ciné que totòm a sa fotò !

Ont es l’amor dins tot aquò ? E consí trapar una femèla, que sèm que quatre pelats dins tota la cadena dels Pirenèus ?!
Aviá rendetz-vos ambe la Franska, mas moriguèt sus l’estrada per ço que portava pas de gilet jaune, que la lei èra pas encara passada.
Me caldrà passar benlèu del costat espanhòl !
Monsur Zapaterò ! Se dits qu’al vòstre païs n’i a mai de femèlas e que son mai caudas coma la Bèla de Cadiz !
Aicí es la misèria sexuala ! E totjorn aqueles caçaires !
L’ivèrn passat, m’a calgut prener de somnifèris per dormir e fasquèri pas que somiar, somiar que descendiá dins la Granda Vila e que fotiá de bravas morniflas als buildings coma lo Godzilla.
M’auràn pas ! Farai pas coma lo King Kong qu’acabèt sa corsa ennaut d’un gratacèl e se batèt a còps de punh contra los avions.
Montarai a Montsegur.
A Montsegur, segur que me traparàn pas.
Aquel monde es lo monde del diable !
E ièu soi vengut catar, catar, catar !

Sul camin del mercat
Tan tiroli-tirola
Sul camin del mercat
Un jorn de temps embrumat

Sul camin del mercat
Tan …

Legir tot

Sul camin del mercat
Tan tiroli-tirola
Sul camin del mercat
Un jorn de temps embrumat

Sul camin del mercat
Tan tiroli-tirola
Sul camin del mercat
Un jorn de temps embrumat

Ai encontrat un gat
Qu’èra encapuchat
E qu’aviá pas de bòtas als pès
As encontrat un gat
Qu’èra encapuchat
Que portava pas que de basquèts

Jèsus quinas causas !
Èra pas çò qu’èra dit !

Sul camin del bosquet
Tan tiroli-tirola
Sul camin del bosquet
Un jorn que fasiá fresquet

Sul camin del bosquet
Tan tiroli-tirola
Sul camin del bosquet
Un jorn que fasiá fresquet

Un dròlle me diguèt :
«Te’n fagas pas per ieu
Ai pas besonh de micas, de calhaus»
Un dròlle te diguèt :
«Te’n fagas pas per ieu
Ai un portable per trapar l’ostal

Jèsus quinas causas !
Èra pas çò qu’èra dit !

Sul camin del castèl
Tan tiroli-tirola
Sul camin del castèl
Un jorn que fasiá solelh

Sul camin del castèl
Tan tiroli-tirola
Sul camin del castèl
Un jorn que fasiá solelh

Ai vist una blonda dormissant dins un clar
E que voliá pas se revelhar
As vist una blonda
Attendant dins un clar
Un poton de Zidane o d’Òbamá

Jèsus quinas causas !
Èra pas çò qu’èra dit !

Sul camin de la mar
Tan tiroli-tirola
Sul camin de la mar
Un jorn de temps pas tròp clar

Sul camin de la mar
Tan tiroli-tirola
Sul camin de la mar
Un jorn de temps pas tròp clar

Ai vist una serena
Qu’amagaba sa coa
Que sortiguèt de l’aiga d’un còp
As vist una serena
Qu’amagaba sa coa
Per se poder faire prendre en estòp

Jèsus quinas causas !
Ara me cal cambiar de camin !

Sul camin del molin
Tan tiroli-tirola
Sul camin del molin
Un jorn que fasiá marin

Sul camin del molin
Tan tiroli-tirola
Sul camin del molin
Un jorn que fasiá marin

Una craba me diguèt :
«Tu conéisses Daudet
Sabès se un lop arribarà
Se’n demòra pas un diga-me, diga-me
Consí mon istòria s’acabarà»

Repic :
Una cigala occitana
Que canta coma un piròl
En gratant sus sa guitarra
Aquí, aquí, aquí, aquí
Jos …

Legir tot

Repic :
Una cigala occitana
Que canta coma un piròl
En gratant sus sa guitarra
Aquí, aquí, aquí, aquí
Jos un pin que fa para-sòl

Un jorn passèt la formiga sa vesina
Fièra coma un pavon dins sa lemosina

Li diguèt : «Fotès pas res
La musica es pas un mestièr !
Mas poiràs plan comptar sus ieu
Soi un bon banquièr

E se me daissas plaçar
Per lo maissant temps
Ton argent
Segur que saràs a l’abric
De totis los vents »

Repic
«Te trufes pas de ieu diguèt la cigala
Ieu te conéissi trop siàs una raubaira

Segur me plumaràs pas
Ieu soi pas nascuda d’ièr
E poiràs pas comptar sus ieu
E sus mos denièrs

A ieu me sufis de cantar
Per traversar lo maissant temps
Mai ambe pas tròp de talent
Aurai pas talent»

Repic
La formiga partiguèt dins sa lemosina
Trapar lo Madof per faire de combinas

Vendre sens aver crompat
Las accions, las obligacions
Recercant sus cada mercat
L’especulacion

Atal crompèron al mens
Mai de la mitat de Wall Street
E tot aquò dins lor tataranha
Foguèt engolit

Mas i a de còps que revira la fortuna
La formiga deguèt vendre sa lemosina

Que la borsa s’afondrèt
Li demorèt pas un denièr
S’en tornèt trapar la cigala
Jos son pin pinhièr

Dempuèi s’en van totas doas
Jogar per totis los camins
De cançons d’el Marcèl Amont
E mai de l’Elvis

Una formiga cigala
Que canta coma un piròl
Ara mon conte s’acaba
Aquí, aquí, aquí, aquí
Jos un pin que fa para-sòl

Escotatz totis brave monde, gents de Cabaret et d’endacòm mai, l’istòria vertadièra de quatre trobadors de Carcassona partits per faire …

Legir tot

Escotatz totis brave monde, gents de Cabaret et d’endacòm mai, l’istòria vertadièra de quatre trobadors de Carcassona partits per faire de musica dins un endrech ont jamai degun aviá pas poscut jogar…
Un endrech ont, ennaut de la montanha, quatre castèls vos regardan…
Un endrech que totis los musicians…
Quand ne parlan…
Tremblan !

Lo primièr còp que soi vengut
Puta de Dieu ai pas agut
Lo temps de sortir la guitarra
Que me prenguèri una ramada
Estabosit e ragentat
Jos l’empont me soi amagat !

Lastors-ors
Avèm pas jogat a Lastors
Lo temps aicí es tròp chimbol
Avèm pas jogat a Lastors
I a pas de fèsta
Paura Jaumeta
Tornarem venir dins uèit jorns

Uèit jorns après quand sèm tornats
Totis quatre plan motivats
Dins lo cèl pas un cumulus
Sus lo temps i aviá consensus
Un lhauç tombèt d’un còp pecaire
E carbonizèt lo bataire !

Quin malur !

Lastors-ors
Podèm pas jogar a Lastors
Ara sèm que tres trobadors
Podèm pas jogar a Lastors
I a pas de fèsta
Paura Jaumeta
Tornarem venir dins uèit jorns

Lo tresen còp paures pichons
Un vent a escornar los buòus
Se levèt dins un roncament
A faire se trucar las dents
Una tornada a l’imprevista
Ven m’aspirar lo guitarrista !

Quin malur !

Lastors-ors
Podèm pas jogar a Lastors
Ara sèm que dos trobadors
Podèm pas jogar a Lastors
I a pas de fèsta
Paura Jaumeta
Tornarem venir dins uèit jorns

Se racontava dins lo vilatge e tota la regionn que lo Simon de Montfòrt, que comprenia pas res a la musica e al fin’amor, aviá davalat de son Nòrd barbar ambe sa banda de cuols benesits per jetar una malediccion suls trobadors e totis los intermitents e que, dempuèi aquel temps, degun podiá pas jogar a Lastors quina musica que siá e mai de musicas de salvatges coma lo rap ou la tecnò !

Quand sèm tornats fasiá bel temps
Mas aquò durèt pas de temps
Lo sòl se metèt a tremblar
E tot lo cèl a negrejar
E crac ! Un trauc se dobriguèt !
Lo bassist i desapareguèt !

Lastors-ors
Avèm pas jogat a Lastors
Malediccion pels trobadors
Avèm pas jogat a Lastors
I a pas de fèsta
Paura Jaumeta
Mas ieu jogarai a Lastors !
Es pas acabada
Aquela crosada !
Som testut, tornarai tot sol !
Tot sol, tot sol
Tot sol, tot sol, tot sol !

Per dintrar pertot
Ai pas besonh de clau
Diga-me qui soi…
Siàs un porcèl !
Passi per aquí
Sortirai amont …

Legir tot

Per dintrar pertot
Ai pas besonh de clau
Diga-me qui soi…
Siàs un porcèl !
Passi per aquí
Sortirai amont
Diga-me qui soi…
Siàs un porcèl !
Tot aquò es plan luènh, mas me soveni qu’un jorn son venguts me cercar, sens pas res m’explicar, dins ma bòrda de las Corbièras, e que m’an fait dintrar de nuèit per una porta falsa dins la Ciutat assetjada… Ah…..Ah….
Dintri sens tocar
Lo pont-levadis
Diga-me qui soi…
Siàs un porcèl !

Ieu pesi pas gaire
Soi un corrent d’aire Aouh !
Diga-me qui soi…
Siàs un porcèl !
Tot aquò es plan luènh, mas me
soveni que m’an receput coma un rei .
Una vida de castèl ! E que me
fasqueron manjar per m’engraissar,
manja que manjaràs, manjar e
manjar a ne petar ! Ah…Ah…

Diga-me qui soi…
Siàs un porcèl !
Me trapi pertot
E al còp enlòc
Diga-me qui soi…
Siàs un porcèl !
Segur que tot aquò es plan luènh, mas me soveni qu’un jorn me menèron ennaut de las muralhas, e vegèri dins la plana una armada amassada, l’armada del Rei de França, e tot d’un còp, sens explicacion, me butèron débas !
Aaaaaaahhhhhhh !
Diga-me qui soi…
Siàs un porcèl !

Me soi vist montar
Un tunnel de lutz
Un portal de fum !
Sant Pèire ! Aouh !
A un fais d’estèlas nòstre Ostal
Prenem pas cap d’animals !
Al cèl, pas de porcèl !
As vist ton nas ?
Siàs lo pòrc de la Carcas !
As pas vist passar lo porcèl pichon de la Carcas ?
Bondieu ! Qu’ai fait al Bon Dieu ?
Sara pas jamai acabat
Fantauma de la Ciutat
Per l’Eternitat !
Siàs un porcèl !

Soi dintrat dins l’Istòria
Dempuèi qu’ai quitat ma bòria
Soi un pòrc epic !
Siàs un porcèl !
Ieu sabi qui soi…
Siàs un porcèl !
Es segur que soi…
Siàs un porcèl !
Ieu sabi qui soi…
Soi un porcelon
Una aparicion
Quina condicion !

Vaquí l’istòria d’un porcèl
Qu’a pas agut de chança
Dempuèi lo jorn que s’esclafèt
Al pè del Rei de França

Escotatz totis aquela istòria terribla d’un chuca-sang !
Benlèu la reencarnacion d’un castelan que viviá dins un temps tant vièlh …

Legir tot

Escotatz totis aquela istòria terribla d’un chuca-sang !
Benlèu la reencarnacion d’un castelan que viviá dins un temps tant vièlh que se pòt pas dire ! E que tot aquò servisque de leiçon a totis los que son pas dintrats a l’ostal abans los dotze còps de mièjanuèit !

Es aital que tot commencèt…

Quand nasquèt a mieja nuèit aviá ja las caninas
Mosseguèt la lavandièra quand lo sortiguèt
Se cal pas estonar se dins las poparèlas
I caliá cada còp metre de sang plan fresc

Repic :
Tagada, tagada,
Vaquí Dracula
Tagada, tagada,
Se cal amagar
Dins lo Cabardès
Se degun l’arresta pas
Demorara pas res

Tot pichon a l’escòla !

Caliá pas i virar l’esquina un còp al tablèu
Rosegava lo burèu per se faire las dents
Totòm a l’escòla portava una minerva
(Ordre du rectorat !)
Cal pas cap de sagnament dins l’ensenhament

E las annadas passèron…

Regardava, la jornada, clavat dins la cambra
Los films de Cristofer Lee sens faire sos devers
Penjat pels pès al lustre coma una ratapenada
Consí fasiá per véser la télé al revèrs ?

Un jorn l’amor venguèt !

Cal dire que las femnas que maridava
Devenián lèu blancas coma de favòls
Se son esparpilhadas dins la Montanha Negra
Arrestant los automobilistas per lor chucar lo còl

A trente ans aviá pas encara un mestièr !

Aviá pas encara trapat sa vocacion
E sos parents se fasián de maissant sang
Rhésus B positif !
Devenguèt perceptor de las contribucions
Ouh ! Des sous !
Per pompar un fais d’argent cal ben un chuca-sang !

Atencion ! Malediccion !

Tot lo monde voliá s’en desbarrassar
Pr’aquò aviá pas paur de res, mai pas d’un crucific
Mas un jorn que vegèt la crotz occitana
Sus lo t-shirt d’un mainatge, partiguèt sul pic

Aquí l’epilòg !

Se l’entendes bramar las nuèits de luna plena
Tampa totas las fenestras meta-te al lèit
E al fons dels lençòls, lèu-lèu amaga-te
Fagues pas lo mendre bruch e ni mai un pet

I aguèt lo Baby boom
Ara lo Papy boom
Seissanta ans, yop la boom !
Vaquí lo Mammy boom
Papy, …

Legir tot

I aguèt lo Baby boom
Ara lo Papy boom
Seissanta ans, yop la boom !
Vaquí lo Mammy boom
Papy, papy boom
Mammy, mammy boom
Papy, papy boom
Mammy, mammy boom

Son nascuts après la guèrra
Al temps de la reconstruccion
Quand desbarquèt lo Glenn Miller
Coca-cola e chewing-gum
Dins aquel temps, dins cada endreit
Los gojats perseguissián las filhas
Aital fotèron un brave pet
A la demografia

I aguèt lo Baby boom
Ara lo Papy boom
Seissanta ans en plen bom !
Vaquí lo Mammy boom
Papy, papy boom
Mammy, mammy boom
Papy, papy boom
Mammy, mammy boom

Lo cap lusent de gominà
Fasián bronzinar la vespà
En passejant dins las carrièras
Un manat de filhas plan fièras
Fasián espetar las cadièras
En escotant a l’Olimpia
Un tipe apelat Johnny
Cantant lo «Itsy bikini», ah que oui !

I aguèt lo Baby boom
Ara lo Papy boom
Seissanta ans en plen bom ! Bom, bom !
Vaquí lo Mammy boom
Papy, papy boom
Mammy, mammy boom
Papy, papy boom
Mammy, mammy boom

Dètz ans après èran peluts
E dins lo Larzac son venguts
Totis s’atacar a l’armada
Qu’èra en guèrra contra las crabas
Power flower, make love not war
Che Guevara, Hendrix, Pink Floyd
Vegèron la Revolucion
Dins lo fum de las illusions

Vaquí lo Papy boom
Vaquí lo Mammy boom
Papy, papy boom
Mammy, mammy boom
Papy, papy boom, sexa sexy
Mammy, mammy boom

Auràn lo temps de viatjar
O de saltar a l’elastic
Davalar lo Coloradó
O ben traversar l’Atlantic

Ambe pastis, spà o viagrà
Daissaràn los joves colhons
Longamai los faràn cagar
Per pagar las cotisacions

I aguèt lo Baby boom
Ara lo Papy boom
Seissanta ans en plen bom ! Bom, bom !
Vaquí lo Mammy boom
Papy, papy boom
Mammy, mammy boom
Papy, papy boom
Mammy, mammy boom

Dejós ma fenèstra
I a un aucelon
Tota la nuèit canta
Canta sa cançon

Repic :
Se canta
Que cante …

Legir tot

Dejós ma fenèstra
I a un aucelon
Tota la nuèit canta
Canta sa cançon

Repic :
Se canta
Que cante
Canta pas per ieu
Canta per ma mia
Qu’es al luènh de ieu

Aquelas montanhas
Que tan nautas son
M’empachan deveire
Mas amors ont son

Repic

Nautas, son plan nautas
Mas s’abaissaràn
E mas amoretas
Se rapprocharàn

Repic

Baissatz-vos montanhas
Planas levatz-vos
Per que pòsque veire
Mas amors ont son

Repic

Òm sabiá plan qu’un jorn arribarián los putassièrs
An traversat Ròse a l’orizont de Montpelhièr
Una armada d’arlòts, de falses …

Legir tot

Òm sabiá plan qu’un jorn arribarián los putassièrs
An traversat Ròse a l’orizont de Montpelhièr
Una armada d’arlòts, de falses cavalièrs, bandits
Venguts panar de fèus, menats per de cuols benesits.

Ara plora Besièrs rogejant jos sa ciutadèla
E la mòrt s’espandis suls camins de Compostèla
Al ponent, res de nòu, Tolosa ausis pas
Narbona es tombada e Carcassona respond pas.
Lo baralh dels combats monta de la plana occitana
S’ausis lo tòca-senh que nos pòrta la tramontana
Lo flum es roge sang, lo cèl plombat, conflat de plors
La nuèit de l’anatèma cobris los cants dels trobadors

Repic :
Ma miga, sens tu, cossi viurai ?
Ma miga, sens tu, cossi viurai ?
Tornarai pas de guèrra
Soi dins mon castèl
En preson sus ma tèrra.

Jos la nèbla del Nòrd òm vei lo Lengadòc fremir
Crincat sus l’Alaric, al luènh, véses pas res venir ?
Coma un vòl de falcons largats sus la tèrra catara
Sodards d’un monde mòrt, crosats d’una causa barbara

A mòrt, Montfòrt ! Ton Dieu es fait a ton imatge
Encarnacion del mal, gausisses d’aquel carnalatge
Ara fas plan lo fòrt ambe ta banda de boquièrs
Aquò rai, que nosaus avèm pas paur de tos lenhièrs

Nòstre solelh es caud, nòstre cèl es azur
E nòstra lenga sona clar, mai bèl, mai pur
Liures entre doas mars e adorsats als Pirenèus
Daissatz-nos cultivar l’olivièr e l’Amor cortès

Repic

Un jorn de libertat, ton filh arribarà d’Espanha
E lo vent d’Aragon lèu bufarà per la montanha
De Cabardès, Corbièras e mai Menerbès seguiràn
De tropas de faidits per embandir los francimands

Per defendre sa tèrra, òm pòt plan èsser fanatic
E en cas de besonh, segur, se cal far eretic
Una vida d’òme se pot pas ganhar sens sofrir
Occitania viurà, que Trencavèl deu pas morir.

Repic

Depuis longtemps déjà on savait qu’un jour ils viendraient
Ils ont franchi le Rhône à l’horizon de Montpellier
Une armée …

Legir tot

Depuis longtemps déjà on savait qu’un jour ils viendraient
Ils ont franchi le Rhône à l’horizon de Montpellier
Une armée de ribauds emmenés par des culs bénis
Faux chevaliers en quête de fiefs et de baronnies

J’entends pleurer Béziers qui rougeoie sous sa citadelle
La mort s’est abattue sur les chemins de Compostelle
A l’ouest, rien de nouveau, Toulouse n’entend pas
Narbonne s’est soumise et Carcassonne est aux abois

Le fracas des combats monte de la plaine occitane
On entend le tocsin amené par la tramontane
Le fleuve est rouge sang, le ciel acier, l’air est trop lourd
La nuit de l’anathème couvre le chant des troubadours

Refrain :
Ma mie de guerre ne reviendrai
Ma mie de guerre ne reviendrai
Prisonnier en mes terres
Dedans mon château
Me voilà dans les chaînes
Sous les brumes du Nord on sent le Languedoc frémir
Du haut de l’Alaric, au loin, ne vois- tu rien venir ?

Comme un vol de faucons lâchés sur la terre cathare
Soudards d’un monde éteint, croisés d’une cause barbare
A mort Montfort ! Ton Dieu est fait à ton image
Incarnation du mal tu te complais dans ce carnage

Tu te crois fort avec l’armée des fossoyeurs d’idées
Pau nous importe, nous n’avons pas peur de tes bûchers
Notre soleil est chaud, notre ciel est azur
Nos mots sonnent plus clair, plus beau, plus pur

Libres entre nos deux mers, adossés à nos Pyrénées
Laissez-nous cultiver l’Amour courtois et l’olivier

Refrain

Un jour, rompant l’exil, ton fils arrivera d’Espagne
Et le vent d’Aragon soufflera enfin des montagnes
De Cabardès, Razès, Corbières et même Minervois
Des seigneurs le suivront pour entamer d’autres combats

Pour défendre sa terre on peut bien être fanatique
Et si nécessaire il faut devenir hérétique
Une vie d’homme ne peut se gagner sans coup férir
L’Occitanie vivra, Trencavel ne doit pas mourir